Регион
Албанците ги спречија Србите да одат на празникот на црква, интервенира полицијата

На Косово од неделата утрото расте напнатоста откако локални Албанци во местото Мушутиште со протест спречија група косовски Срби да присуствуваат на процесијата во локалната православна црква на големиот празник Успение на Пресвета Богородица, а медиумите јавуваат за судири меѓу демонстрантите и косовската полиција.
Извикувајќи го акронимот на поранешната Ослободителна војска на Косово (ОВК – УЧК), Албанците ги спречиле Србите повратници кои со три автобуса тргнале на одбележувањето на празникот во инаку урнатата од Албанците православна црква „Богородица Одигитрија“ од XVIII во Мушутиште.
Косовската полиција, како што јавуваат белградските медиуми, од безбедносни причини ги запрела автобусите и започнала да ги спроведува демонстрантите кои извикуваат пароли против враќањето на прогонетите и раселени Срби од поранешната српска јужна покраина Косово и Метохија.
Учесниците на протестот од утрото повеќепати го пробиле полицискиот кордон, а во текот на судирите повредени се повеќе демонстранти и полицајци опремени за разбивање демонстрации. Според извештаите од Косово, демонстрантите го деблокирале преминот, но се распоредиле крај патот, подготвувајќи купишта камења со кои ја гаѓаат полицијата.
Министерот за заедници и враќање во косовската влада Далибор Јефтиќ најави неодамна обновување на првите десет куќи за Србите повратници во Мушутиште кои во 1999 година по српско-албанските судири и бомбардирање на НАТО врз Србија беа принудени да ги напуштат своите домови.
Јефтиќ, кој во неделата е заедно со групата Срби блокирани пред Мушутиште, вели дека со протестот и насилството „им е испратена пораката на Србите дека не се добредојдени“ на своите имоти.
Директорот на Бирото за Косово и Метохија во владата на Србија, Марко Ѓуриќ, оцени дека „денешниот излив на екстремизам и нескриена омраза кон српскиот народ во Мушутиште сведочи колку безбедносната ситуација на Косово и Метохија е запалива“.
Ѓуриќ, како што пренесе Радио-телевизија Србија, изјавил дека„многубројни припадници на албанската политичка елите се најгласните идеолози на омразата и екстремизмот на Косово“.
Припадниците на специјалната косовска полицијата, по судирот од утрото со демонстрантите, ослободиле дел од патот и преминот кон црквата „Богородица Одигитрија“, каде треба да мине колоната со Србите, но според последните информации од теренот, ситуацијата и натаму е тензична./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Заводот за трансфузија во Белград: Има доволно крв за повредените во пожарот во Кочани

Како што истакнуваат од српскиот Завод за трансфузија на крв во Белград, резервите на крв во моментот се стабилни и доколку има потреба од трансфузија кај пациентите што беа повредени во пожарот во дискотеката во Кочани, а кои беа пренесени во Белград и моменно се на Ургентниот центар на КЦС, ќе бидат згрижени.
„Кога станува збор за повредените во пожарот во Кочани, што се однесува до крвта, тие се згрижени. Би сакала да забележам дека за такви повреди крвта не е од суштинско значење за лекување. Се разбира, никогаш не се знае како ќе се одвива текот на лекувањето и важно е да се напомене дека резервите на крв во овој момент се стабилни“, изјави Мирјана Кнежевиќ од Институтот за трансфузија на крв.
Како што наведе таа, Заводот за трансфузија на крв во моментот има резерви од четири дена, што е добра состојба, но дарувањето крв не треба да престане бидејќи секојдневно се потребни крводарителите.
„Вчера, во просторијата на Заводот за трансфузија на крв имаше уште неколку доброволни крводарители, но бидејќи тоа не е пресудно за повредените пациенти од Кочани, нема потреба од паника затоа што, доколку има потреба, ќе бидат згрижени во однос на трансфузијата и воопшто не смееме да се опуштиме бидејќи мора да бидеме свесно и одговорно општество и секогаш да имаме стабилни резерви“, нагласи Кнежевиќ.
Регион
„Во такви моменти нема граници – само човечка болка, жалиме со нашите браќа Македонци“, бугарските партии изразија сочувство

Бугарските политички партии изразија сочувство до браќата Македонци на денот на националната жалост, прогласен од министерскиот совет во Бугарија во знак на солидарност со трагедијата во градот Кочани, Република Северна Македонија, во која загинаа 59 лица, а над 155 беа повредени во пожар во дискотеката „Пулс“ на 16 март, пренесе „Бгнес“.
„Бугарија ја споделува тагата на Северна Македонија по трагичната смрт на 59 лица во Кочани. Во овој тежок момент за нашите најблиски соседи остануваме солидарни во целосна поддршка на македонскиот народ“, соопштија од коалицијата Демократска Бугарија на социјалните мрежи.
Партијата Вазраждане напиша: „Денеска е ден на жалост и солидарност со нашите браќа во Македонија. Господ да ги прости невините млади души!“
И од Има таков народ изразија најискрено сочувство за трагедијата во Кочани. „Ние тагуваме заедно со нашите браќа Македонци“, велат од партијата на Слави Трифонов.
„Денеска, Бугарија е во жалост! Жалиме заедно со нашите браќа и сестри од Кочани и изразуваме длабоко сочувство за семејствата на загинатите во трагичниот пожар. Во такви моменти нема граници – само човечка болка и поддршка што можеме да ја дадеме. Почит кон споменот на жртвите“, стои во ставот на партијата Величие.
Премиерот на Бугарија, Росен Жељазков, го прогласи 18 март за ден на национална жалост како израз на солидарност со „нашиот најблизок сосед на Балканот – Република Северна Македонија, а во врска со трагичниот инцидент во градот Кочани, во кој загинаа 59 лица, над 150 беа повредени во пожар во дискотека“.
14 од повредените се пренесени во медицинските установи во Бугарија – во Софија, Пловдив и во Варна.
„Во такви моменти најважно е да се покажат навремена емпатија и солидарност. Бугарија е подготвена да прифати уште жртви“, изјави вчера премиерот Жељазков.
Претходно денеска, шефот на бугарската држава, кој се потпиша во книгата на жалост во Амбасадата на Република Северна Македонија во Софија, најави дека Бугарија може да прифати повеќе жртви доколку на Скопје му треба поголема медицинска помош уверувајќи дека медицинските тимови се подготвени.
Регион
Снаата на убиените во Чачак повикала полиција: пожарникарите влегле во станот низ прозорецот

Јован (77) и Милица (72) Баковиќ синоќа околу 22 часот се убиени во семејниот стан во Чачак.
За убиството е осомничен нивниот син Михајло, а како што дознаваат медиумите, неговата сопруга повикала полиција.
„Беа прекрасни луѓе, синот им доаѓаше секој ден, не разбираме што можеше да се случи. Слушнав дека на Михајло му се слошило, но не знам за што се работи. Синоќа му се јавила сопругата, тој не одговорил. Ниту тие не се јавиле, па таа дошла во станот. Таа тропнала на вратата, но никој не одговорил, не знаела што се случило и ја повикала полицијата, која ги пронашол телата во станот“, изјавил соседот за медиумите.
Убиениот Јован бил лекар во пензија, според написите.
Припадници на МВР во Чачак го приведоа М. Б. (41) од Чачак поради сомнение дека сторил кривично дело тешко убиство.
Како што беше дополнително соопштено, тој е осомничен за кривично дело тешко убиство и се сомничи дека со остар предмет ги убил родителите. По наредба на Вишото јавно обвинителство во Чачак, одредена му е мерка притвор до 48 часа, во кој рок со поднесување кривична пријава ќе биде изведен на распит во Обвинителството.