Регион
Албанија: Продолжува уништувањето на парцелите со марихуана

Албанската полиција продолжи со уништувањето на парцелите засадени со марихуана, а според албанското МВР илјадници садници со дрога од типот „канабис сатива“ се уништени само последната недела.
Во четвртокот во околината на Скадар се уништени околу четири илјади садници на дрога, а садници се уништуваат и во други делови на земјата. Со последната акција се уништиле и големи количини на дрога како во северниот, така и во јужниот дел на земјата.
Покрај селото Лазарат, каде што полицијата неколкупати уништи големи количини на дрога, таа се огледува и во повеќе други локации. Преставник на албанското МВР соопштил дека акцијата за уништувањето на дрогата ќе продолжи се додека ја има.
Одредени политичари но и интелектуалци во последно време побараа легализирање на производството на дрогата, а пратеникот на владејачката Социјалистичка партија, Кочо Кокедима, инаку познат бизнисмен и сопственик на еден од најтиражните албански дневни весници „Шекули“, нагласил дека легализацијата на дрогата ќе значи голем економски бенефит за Албанија./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Млад човек се удави во Улцињ: трагедија во Црна Гора

Млад човек се удави во Улцињ денеска, во попладневните часови, јавуваат медиумите во регионот.
Според написите, давењето се случило на „Големата плажа“.
Засега нема информации за идентитетот на загинатиот.
Според последните извештаи било подигнато црвено знаме бидејќи имало големи бранови во морето.
Регион
Србија им препорачува на граѓаните да не патуваат во Хрватска на почетокот на август

Министерството за надворешни работи на Србија им препорача на граѓаните на Србија да се воздржат од патување во Хрватска во периодот од 1 до 10 август.
Во соопштението Министерството им советува на граѓаните што ќе бидат на територијата на Хрватска во тој период да избегнуваат собири и други јавни собири, кои може да носат ризик од инцидентни ситуации.
Во тој период – на 5 август, Хрватска ја одбележува годишнината од воено-полициската операција „Бура“. Прославата се одржува на денот кога завршила акцијата. Во Србија годишнината од „Бура“ е на 4 август, денот кога почнала, како ден на сеќавање на жртвите и протераните Срби.
Регион
(Видео) Турист падна во базен откога му се откопча падобранот за време на парасејлинг во Црна Гора

Турист доживеа опасен инцидент за време на парасејлинг во Бечичи, откако поради силен ветер му се откопча падобранот.
Снимка од инцидентот кој можел да заврши трагично беше објавена на популарната страница Подгорички времеплов, со опис:
„Туристот имал многу среќа што поминал без повреди. Имено, станува збор за странски државјанин кој во Бечичи останал неповреден кога поради силен ветер се откопчал падобранот што го влечел глисер. Туристот паднал во базен. Станува збор за адреналинскиот спорт парасејлинг.“
View this post on Instagram
Полицијата, според досегашните информации, не добила пријава за овој инцидент.