Нападите на исламистите на Балканот би можеле да се случат на Видовден, 28-ми јуни, предупредуваат експертите за безбедност и проценуваат дека илјадници екстремисти во Босна и Херцеговина се веќе активирани, пишува агенцијата од Република Српска – Срна.

Неодамна на некои од исламските интернет страници се појави видео снимка со наслов „Исламска држава на Балканот“. Тоа било сигнал за пет илјади потенцијални терористи, колку што сега има во БиХ, да се разбудат, да ги трујат изворите за вода за пиење, да рушат згради, да напаѓаат заштитени објекти.„Таа тактика на терористите од ткн Исламска држава веќе е видена во нападите на полициските станици во Зворник и Бугојно, амбасадата на САД во Сараево или кога експлодираше автомобил – бомба во Мостар“, потсетува членот на експертскиот тим за борба против тероризмот во Југоисточна Европа, Џевад Галијашевиќ.Пред неколку години функционери од Разузнавачко-безбедносната агенција на БиХ јавно зборувале дека во БиХ има повеќе од три илјади исламски екстремисти кои се подготвени за различни терористички акции. Меѓутоа, со основањето на Исламската држава, бројот на џихадистите се зголемува секојдневно.„Според нашите проценки, сега има повеќе од сто илјади припадници на вехабистичкото движење. Од нив барем пет илјади се подготвени на „света војна““, истакнува Галијашевиќ.Тој предупередува дека исламистите во БиХ ја имаат цела потребна инфраструктура, бидејќи ги поддржуваат политичките лидери во сараево, пред се Бакир Изетбеговиќ како и претседателот на Саборот на Исламската заедница, Хасан Ченгич.Во овој момент никој нема точни податоци за тоа колку државјани на БиХ војуваат ширум светот. Според податоците на британската разузнавачка служба, само во Сирија војуваат 330 лица. Министерството за внатрешни работи на Република Српска располага со поинакви податоци. Според нивната евиденција, во Сирија моментално војуваат вкупно 180 државјани на БиХ, од кои 12 се од подрачјето на Република Српска.Според нивните податоци, досега на сириското боиште загинале 26 државјани на БиХ, од кои четворица имале регистрирано прибежиште во Република Српска. „Забележавме дека во „џихад“ отишле лица кои од претходно биле познати по екстремистичките ставови“ изјавил за Срна министерот за внатрешни работи на Република Српска, Драган Лукач.Според него, БиХ споро реагирала на учеството на своите граѓани на странските боишта. Донесувањето на законскиот пропис со кој се санкционира оваа појава доцнело цели три години во однос на заминувањето на првите доброволци во Сирија.Кривичниот закон на БиХ е изменет во 2014 година, но според мислењето на голем број угледни правници, нејасни се многу одредби, како докажувањето на кривичнјото дело кое се однеусва на санкционирањето на државјаните на БиХ кои војуваат на страната на паравоените или параполициските единиц.Косовските медиуми во понеделникот објавија информација, според која џихадистите се закануваат со напади во Скопје и Приштина. /крај/мф/ффс

Извор: Макфакс