Во српската престолнина Белград во неделата со низа манифестации се одбележува 70-годишнината од победата над фашизмот а Рaдио-телевизија Србијa (РТС) директно ја пренесуваше воената парада од Црвениот плоштад во Москва, која заврши со прелет на военото воздухопловство на руската армија.

Директниот пренос од Москва беше емитуван на голем видео екран поставен во центарот на Белград, а на сцената пред Народниот музеј на Плоштадот на Републиката во текот на денот ќе се одржат низа програми на руски и српски музичари и уметници, а ќе биде емитуван и видео материјал од Втората светска војна.

Во центарот на Белград беа собрани повеќе стотици лица со знамиња на Србија и Русија, како и маички со ликот на рускиот претседател Владимир Путин.

На Црвениот плоштад во Москва во чест на 9-ит мај Денот на победата во Втората светска војна инаку во саботата дефилираше и единци на Гардата на Војската на Србија, а меѓу гостите на свечената трибина беше и српскиот претседател Томислав Николиќ.

Во меѓувреме досега најголемата воена парада во Москва заврши со прелетот на военото воздухопловство на руската армија кој започна со прелетот на стратешкиот бомбардер за долги летови „Ту-160“ или „Бел лебед“ кој може да понесе ракети со нуклеарни боеви глави.

Во рамките „воздушната парада“ првпат се појави новата генерација ловци од ткн генерација „4++“ – „Су-35“ и „Су-30’, модернизираните борбени хеликоптери !Ми-35 М“. Беше презентиран и авионот цистерна „Ил-78“, како и транспортниот авион „Ил-76“, и група на воената и оперативно-тактичка авијација.

Вкупниот број летала кои учествуваа на парадата во Москва во саботата бил 143, што според руските медиуми е двапати повеќе отколку на претходната во 2014 година./крај/мф/сн

Извор: Макфакс