Регион
Брисел: Договорено зголемување на капацитетите за прифаќање на бегалците

Земјите кои се погодени од доаѓањето на големиот број на бегалци по западнобалканската рута се договорија да ги зголемат капацитетите за прифаќање, односно таа бројка ќе изнесува 50 илјади во Грција, а исто толку и во земјите од западен Балкан, објавил претседателот на Европската комисија, Жан-Клод Јункер по завршувањето на мини-Самитот во Брисел, посветен на западнобалканската бегалска рута.
Грција ветила дека до крајот на годината ќе создаде капацитети за прифаќање на 30 илјади луѓе, со помошта од ОН, а подоцна уште 20 илјади. Останатите 50 илјади места би требало да се обезбедат во земјите од западен Балкан, но без да биде прециизирано каде. Челниците на осум земји членки на ЕУ и трите земји кандидати (Македонија, Албанија и Србија), договориле дека ќе се спроведат 17 мерки за стабилизирање и успорување на протокот на бегалци.
Челниците ја прифатиле заедничката изјава од 17 точки, која беше доста ублажена во однос на нацртот кој беше подготвен од претседателот на Комисијата, Јункер, и кој имаше 16 точки. Во поголем број од точките исфрлени се зборовите дека „челниците се обврзуваат на нешто“.
Значително била ублажена и точката во која се вели дека насочувањето на бегалците не е прифатливо, а сега се вели дека „политиката на насочувањето на бегалците без известувањето на соседната земја, не е прифатливо“.
Челниците исто така најавиле дека во рок од 24 часа ќе именуваат лица за контакт во своите кабинети, како би се олеснила размената на информации и координациајта во управувањето со бегалскиот бран. Тие исто така се согласни дека ќе обезбедат капацитети за регистрацја на бегалците и внесување на биометриски податоци, и дека ќе разменуваат информации за поголем дел од бегалскиот бран кој минува низ нивните земји./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
(Видео) Грозоморната сцена покажува колку била ужасна несреќата: автобус излета од патот во близина на Чачак, има загинати

Рано утрово, околу 6:40 часот, на државниот пат I Б, на делницата помеѓу Чачак и Краљево, во близина на местото Бресница, се случила тешка сообраќајна несреќа во која загинал еден маж, додека две лица се тешко повредени, известуваат српските медиуми.
Според првичните информации, во несреќата учествувале автобус и патничко возило. Според неофицијални информации, несреќата се случила кога автобусот, откако се судрил со автомобил, излетал од патот и удрил во столб од далновод.
Едно лице почина на местото на настанот, додека две лица беа тешко повредени и префрлени во Општата болница во Чачак. Лекарите моментално вршат дијагностика, а еден од повредените е на скенер, објави српски Телеграф.
Снимките од местото на настанот покажуваат дека несреќата била ужасна.
фото: принтскрин
Регион
Тројца загинати и седум лица во тешка состојба по превртување на автобус кај Сремска Митровица

Состојбата на повредените во тешката сообраќајна несреќа што се случи кај Сремска Митровица, во која животот го загубија три лица, и понатаму е сериозна, изјави денеска директорот на Општата болница во Сремска Митровица, д-р Војислав Мирниќ.
„Хоспитализирани се 39 пациенти. Од нив, седум се со потешки повреди и се наоѓаат на одделенијата за интензивна нега, додека 15 пациенти се подготвени за отпуст,“ рече Мирниќ.
Тој прецизираше дека 13 пациенти од Одделението за општа хирургија и двајца од Одделението за ортопедија се во стабилна состојба и наскоро ќе бидат пуштени дома.
„Се врши дополнителна дијагностика за сите пациенти, а во наредните 48 часа очекуваме уште дел од нив да бидат подготвени за отпуст. Посетите во болницата се дозволени од 14 до 16 часот,“ додаде Мирниќ.
Во несреќата, која се случила на патот меѓу Сремска Митровица и селото Јарак, загинале три лица – две на самото место и едно во болница, од последици на тешките повреди.
Вкупно 61 патник бил прегледан во митровачката болница, а 39 лица биле задржани на лекување. Осуммина се на интензивна нега, дваесетмина на општа хирургија, а единаесетмина на ортопедија.
Еден пациент е префрлен во Ургентниот центар во Нови Сад, а друг во Белград на понатамошно лекување.
Автобусот на превозникот „Сирмиум бус“, кој превезувал работници, под засега непознати околности излетал од патот и се превртел. Возачот на автобусот, Д. К. (1955), е уапсен поради сомнение дека ја предизвикал несреќата во која загинаа три лица. Нему му е одредено задржување до 48 часа, по што ќе биде изведен пред надлежното обвинителство со кривична пријава.
Регион
Трета жртва од тешката сообраќајка во Сремска Митровица – почина за време на операцијата

Уште едно лице загинало по сообраќајната несреќа што се случи денес во Сремска Митровица, кога автобус се преврте и излета од патот. Ова е третата жртва на ужасната сообраќајна несреќа.
Како што објави „Н1“, лицето загинало за време на операцијата.
Како што претходно беше објавено, возачот на автобусот е приведен и во притвор до 48 часа.
Повредени се околу 80 лица. Причините за несреќата засега не се познати.