Регион
Бугарија сè уште без кандидат за еврокомесар
Бугарија останува без кандидат за еврокомесар, а по оставката на премиерот Пламен Орешарски, оваа задача ќе му припадне на привремениот кабинет, пренесуваат бугарските медиуми.
На последната седница на бугарската влада, Орешарски одбил да го номинира актуелниот министер за надворешни работи Кристијан Вигенин, и покрај инсистирањето на владејачката Бугарска социјалистичка партија (БСП) дека кандидатот за еврокомесар треба да дојде од редовите на социјалистите, пишува EurActiv.
Лидерот на БСП во заминување, Сергеј Станишев, кој исто така е претседател на Партијата на европските социјалисти, исто така се вбројуваше во имињата на евентуалните кандидати, но по катастрофалните европски избори тој поднесе оставка од партијата и во моментов е бугарски европратеник.
Опозициската партија „Граѓани за европски развој на Бугарија“, предводена од поранешниот премиер Бојко Борисов, силно ја поддржува Кристалина Георгиева, која е актуелен еврокомесар за вонредни состојби и хуманитарна помош, да стане дел од тимот на новиот претседател на Европската комисија (ЕК), Жан-Клод Јункер.
Изборите во земјата ќе бидат одржани на 5-ти октомври, а во меѓувреме, привремениот владин кабинет кој ќе биде назначен од бугарскиот претседател Росен Плевнелиев ќе одлучи за кандидатот. Плевнелиев исто така ја подржува Георгиева, која во ЕК важи за една од најсериозните кандидати за функцијата висок претставник за надворешна политика и безбедност.
Сепак, на минатонеделниот самит на лидерите на државите на ЕУ, беше одлучено дека оваа функција треба да му биде доделена на некој од редовите на Социјалистите и Демократите (СД), а со ова не се намалуваат шансите на Георгиева повторно да биде еврокомесар, но за нејзиното портфолио ќе мора да биде постигнат договор пред следниот самит на европските лидери, закажан за 30-ти август./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Полицаец од Бор е приведен поради давање информации за исчезнувањето на девојчето
Полицаец од Бор е приведен поради давање информации од истрагата за исчезнувањето на девојчето Данка Илиќ (2).
Не се знае за какви информации станува збор и кому полицаецот ги дал, но се работи за информации од истрагата кои евентуално би можеле да ја загрозат.
Се уште трае потрагата по двегодишното девојче Данка Илиќ од околината на Бор, чие исчезнување беше пријавено во вторникот.
Се претресуваат куќи и населба, се расчистува дворот.
Две специјалистички екипи за спасување од урнатините од Белград и Нови Сад започнаа детално пребарување на просторот околу куќата, соопшти полицијата.
Регион
Детаљно пребарани тунелите, каналите и шахтите, нема траги од Данка: се огласија српските полицајци
Специјалистички екипи за спасување од урнатини на Секторот за вонредни состојби од Белград и Нови Сад заедно со други припадници на МВР од раните утрински часови темелно ги пребаруваа тунелите, подземните канали и шахтите со вкупна должина од 4,5 километри во месноста Бањско Поле до градот Бор и не се пронајдени траги што би укажувале дека таму била двегодишната Данка Илиќ, пренесуваат српските медиуми.
По повеќе од 70 часа детаљно пребарување на теренот во Бањско Поле, припадниците на Министерството за внатрешни работи продолжуваат со интензивно и оперативно пронаоѓање на девојчето и утврдување сите факти и околности за исчезнувањето на детето, според последните извештаи.
Медиумите потсетуваат, од моментот на пријавување на исчезнувањето на 26 март во потрагата по исчезнатото девојче учествуваа стотина припадници на МВР, кои темелно и сеопфатно го прегледаа поширокиот и потесниот простор на ова место со вкупна површина од 10-ина квадратни километри.
Регион
Завршено вештачењето на мобилниот телефон на мајката на Данка, биле бришени пораки и повици, објавија српските медиуми
Мобилниот телефон на мајката на Данка Илиќ бил испратен на вештачење по исчезнувањето на девојчето. Неофицијалните податоци говорат дека мајката избришала многу пораки и повици ден пред и на денот на исчезнувањето на Данка, објави српски „Блиц“.
Според неофицијални сознанија од истрагата, вештачењето на мобилниот телефон на Ивана Илиќ покажало дека се избришани многу пораки и податоци за повици, пишува српски „Информер“.
„На ден пред исчезнувањето и на денот на исчезнувањето на Данка Илиќ многу пораки и повици се избришани од телефонот. Ова го утврдиле инспекторите за високотехнолошки криминал. Пораките и повиците може да се избришат од телефонот, но да останат во базата на податоци“, рекол изворот.
Како што се дознава, пред исчезнувањето на Данка Илиќ мајката трипати го фотографирала детето од разни агли.
Да потсетиме, мајката на Данка Илиќ, Ивана, денеска повторно е во полициската станица во Бор, каде што е на распит за околностите на својата исчезната ќерка. Таткото помина на полиграфското тестирање.