Регион
Церар е против непријателската кампања кон мигрантите

Словенечкиот премиер Миро Церар изјавил дека не смее да се дозволи ширење на непријателската кампања кон мигрантите, во момент кога словенечката влада има намера да основа центар за бегалците, пренесуваат словенечките медиуми.
„Не смее да дозволиме нетолеранција и непријателство кон мигрантите и бегалците, оваа влада поддржува толеранција и вредности кои се запишани во нашиот Устав“, рекол Церар.
Последните недели на повеќе места каде владата планирала да ги смети бегалците кои Австрија одби да ги прими, избиле демонстрации поддржани и од дел од опозицијата, која се залага за рестриктивна политика кон азилантите, а нови протести периодов се најавуваат и за Кидричево, Крањ, Логатец и уште неколку градови.
Словенечкиот премиер истакнал дека е разочаран од ова и ги повикал словенечките граѓани да не наседнат на ксенофобија бидејќи оние кои априори се против бегалците во своја близина, погрешно ги информираат останатите.
„Разбирам дека кај луѓето е присутен страв поради информациите за мигранти од други земји, но често тие информации се нецелосни“, предупредил Церар и додал дека неговата влада добро го контролира бегалскиот прилив и состојбата во земјата е безбедна.
Церар рекол дека Словенците, кога се работи за примањето и интеграцијата на бегалците, треба да се угледаат на северните соседи, поради тоа што Австрија ги прима бегалците и ги интегрира во австриското општество./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Вучиќ: Политичката волја на Србија е да биде на европскиот пат; Разбирам што мисли ЕУ за моето патување во Москва

Претседателот на Република Србија, Александар Вучиќ, го пречека претседателот на Европскиот совет, Антонио Кошта, во Палатата на Србија.
Претседателот на Србија, Александар Вучиќ, изјави дека никого не довел во заблуда со тоа дали ќе оди на прославата на Денот на победата во Москва.
„Србија, како што рече Кошта, секогаш е на европскиот пат и, како што рече, можеби има непослушен претседател, но тој претседател никогаш не го довел во прашање тој пат“, рече Вучиќ на прес-конференција.
„Многу сум среќен што имав можност да разговарам со претседателот на Европскиот совет и сум задоволен од содржината на нашите разговори. Му благодарам на претседателот Кошта за посетата на Србија, за тоа што донесе добра волја во разговорите за пристапување на Србија во Европската унија“, рече Вучиќ на почетокот од своето обраќање.
Тој зборуваше и за дијалогот меѓу Белград и Приштина.
„Реков дека Србија е секогаш подготвена за разговори, дека никогаш не сме бегале од дијалог“, нагласи тој.
„Разговаравме и за неопходноста од спроведување реформи во нашата земја. ЕУ е најважниот партнер за нас. Имаме најголем обем на размена со ЕУ. Нашиот извоз е 52 проценти од Западен Балкан. Важно е што 4 од 10-те најголеми извозници од нашата земја се инвеститори од ЕУ“, рече Вучиќ.
Тој истакна дека со Кошта разговарал и за неговата посета на Москва.
„Добро знам и разбирам што мисли ЕУ за моето патување во Москва, што чувствуваат тие. Мислам дека е исклучително важно да повторам каква е политичката волја на Србија, а тоа е Србија да биде на европскиот пат, да го отвори Кластер 3 што е можно поскоро. Атмосферата не е толку добра поради патувањето во Москва. Верувам дека ќе има разбирање во Европа, напредок базиран на заслуги“, рече Вучиќ.
„Верувам дека ќе можеме да добиеме зелено светло. На секое место, и јас отсекогаш сум велел, дека сегашноста и иднината на Србија припаѓаат на соработката и членството во ЕУ. Многу добро ги разбирам нивните приговори дека не воведовме санкции врз Русија. Од самиот почеток, Србија стоеше на принципи, почитувајќи ја Повелбата на ОН“, рече Вучиќ.
„Се надевам дека ќе го завршам мојот мандат како претседател на Републиката, така што Србија ќе биде поблиску на патот кон ЕУ“, рече претседателот на Србија.
„Не е мое да слушам, туку да му служам на народот, јас сум претседател на Србија. Ја најавив мојата посета на Москва и никогаш не излажав, „непослушниот“ претседател никогаш не го доведе во прашање европскиот пат на Србија“, рече Вучиќ.
„Јас сум претседател на Србија и морам да се грижам за патот на нашата земја. Морам да ги замолам сите државни органи да работат на европскиот пат. Да се натпреваруваме во таа позитивна смисла“, додаде Вучиќ.
Регион
Двокатен автобус oд Косово се заглави под подвозник во Загреб

Автобус од Косово се заглави пред најпознатиот подвозник во Загреб на улицата Мирамарска.
Возачот на автобусот се обидел да помине под подвозникот висок 3,65 метри.
Инцидентот предизвикал голем метеж во градското подрачје, пренесе „Индекс“.
Регион
Парламентарни избори во Албанија, Рама се бори за четврти мандат, а Бешира за враќање на власт по 12 години

Албанците денес гласаат на 11, парламентарни избори по падот на комунистичкиот режим. Право на глас имаат 3.721.116.
Лидерот на Социјалистичката партија Еди Рама, кој е премиер од 2013 година се бори за четврти мандат, а Сали Бериша, поранешен премиер и лидер на Демократската партија, се надева на враќање на власт по 12 години.
На овие избори, првпат, ќе гласа и албанската дијаспора. Прифатени се апликации на 245.93 лица надвор од земјата.
Во 12 изборни единици, на 5.225 избирачки места Албанците гласаат за 140 нови пратеници.