Регион
Ципрас ги повика Грците на Сириза да ѝ дадат мнозинство во парламентот

Поранешниот грчки премиер Алексис Ципрас ги повика грчките гласачи на предвремените избори закажани за 20-ти септември, да ѝ дадат на неговата радикална левичарска партија Сириза „силен мандат“ за водење на нацијата.
Поранешниот грчки премиер Алексис Ципрас ги повика грчките гласачи на предвремените избори закажани за 20-ти септември, да ѝ дадат на неговата радикална левичарска партија Сириза „силен мандат“ за водење на нацијата.
„Сакаме силен мандат, апсолутно мнозинство за владата на Сириза во следните четири години“, порача Ципрас, пренесуваат грчките медиуми.
Ципрас, исто така, смета дека дошло време да се напушти моделот на две партии, според кој Грција во последните четири години се наоѓаше наизменично меѓу сега опозициските партии десноцентристичката Нова Демократија и партијата од левиот центар социјалистичката Пасок.
„Клучно е да не се направи чекор назад, туку напред“, додаде Ципрас. Запрашан околу тоа зошто не се извинил пред грчкиот народ за промената на ставот околу мерките за штедење, поранешниот грчки премиер одговори дека тој не може да бара од народот да му прости, пренесува AFP.
„Со сето срце се борев да останам верен кон мандатот кој ми беше даден од страна на грчкиот народ, кој сака да остане во еврозоната“, додаде Ципрас, потенцирајќи дека не верува во договорот што го постигна со кредиторите, но дека сфатил дека тоа е единствениот начин да се задржи земјата во еврозоната.
Според најавите изборната трка во Грција ќе биде неизвесна и ниедна партија нема да освои апсолутно мнозинство во парламентот, покажуваат резултатите од неколку анкети, објавени три недели пред изборите. Судејќи по резултатите од шест анкети кои беа објавени викендов, левичарската Сириза води пред конзервативната Нова демократија со предност од еден до 3,1 отсто. Во сите анкети, маргините на статистичката грешка изнесуваат околи три проценти, пренесува агенција АР.
Анкетите од јули, објавени пред раздорот во Сириза, покажуваат дека партијата имала двоцифрена предност во однос на Нова демократија. Четири од шест анкети покажале дека во новиот состав на парламентот ќе има осум партии, а останатите две анкети покажале дека ќе има девет партии. Досега во грчкиот парламент имаше пратеници од седум партии./крај/мф/бс
Извор: Reuters
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
(Видео) Од топлотен бран до бури: силно невреме во Солун и на Халкидик

Силното невреме што го погоди Солун во четвртокот наутро предизвика проблеми кај населението.
Обилните дождови ги претворија главните патишта во реки, а локалните извештаи покажуваат дека шахтите пукнале под притисокот на водата, објавува „Товима“.
Πλημμύρισε το κέντρο της Θεσσαλονίκης και οι δρόμοι γύρω από το Βαρδάρη#tanea #taneagr #news #rain #βροχη #kairos #καιρος #weather #thessaloniki #skg #viral #summer #fyp pic.twitter.com/eYTi1EDe7y
— TA NEA (@ta_nea) July 31, 2025
Мотоциклист е повреден кога изгубил контрола на лизгава улица во центарот на градот, поточно на прометната авенија Цимиски.
Според анализите на феноменот преку страницата Weather Analysis на „Фејсбук“, за помалку од еден час се забележани 37 литри дожд на квадратен метар, количина што одговара на просечните вкупни врнежи од дожд за цел јули, пренесува медиумот.
Службите за цивилна заштита се во состојба на готовност бидејќи слични временски услови се очекуваат и во наредните денови според прогнозите, објавува grtimes.gr.
Обилни врнежи од дожд се регистрирани во Солун, на Халкидик и во Кукуш, како и на планинските делови во Епир, Тесалија, Спорадиските Острови и во некои делови од Тракија.
Фото: принтскрин
Регион
Хрватска е подготвена да прифати деца од Газа

Хрватска ги отвора вратите за децата од Појасот Газа, објави Министерството за надворешни и европски работи, со акцент на психосоцијална помош и едукација за опасноста од експлозивни направи, објавија хрватските медиуми.
„Република Хрватска ќе ги отвори вратите за децата од Газа на ист начин како што ги отвори за децата од Украина фокусирајќи се на психосоцијална помош и едукација за опасноста од експлозивни направи“, објави денес Министерството.
Во соопштението се нагласува дека Хрватска има искуство во ова од татковинската војна и дека има меѓународно признато знаење за дејствување против мини.
Министерството пишува дека државата е подготвена да прифати деца доколку се појават можности, за што верува дека ќе се појават, и нагласува дека континуирано спроведува проекти поврзани со украинските деца, од кои речиси 700 се згрижени во Хрватска преку јавен повик.
Планот го објави државниот секретар на Министерството за надворешни работи за политички прашања, Франо Матушиќ, на меѓународната конференција за мирно решение на палестинското прашање и спроведување решение за две држави во седиштето на ОН.
Регион
Украинско комбе се судри со руски камион во Словенија, петмина загинати

На автопатот кој ги поврзува Марибор и Љубљана, во близина на излезот Словенска Коњица, во правец на Љубљана, се случи тешка сообраќајна несреќа во која загинаа пет лица, а две се повредени. Несреќата се случила кога патничко комбе удрилo во камион. Сите жртви биле странски државјани, соопшти словенечката полиција, јавуваат медиумите во регионот.
Според досега утврденото, возачот на комбе со украински регистарски таблички, кое превезувало седум лица, поради несоодветна брзина, удрил во задниот дел од приколка која стоела во ред поради работи на автопат. Пет лица загинале во комбето на местото на несреќата.
Возачот, кој ја предизвикал несреќата, е полесно повреден, додека патничка е тешко повредена. Двајцата повредени се пренесени во болница, а тешко повреденото лице е пренесено со хеликоптер. Идентитетот на загинатите сè уште се утврдува.
Возачот на камионот, руски државјанин, не е повреден, но му е понудена психолошка помош поради сериозноста на несреќата, објавува Радиотелевизија Словенија. Несреќата се случила непосредно пред одморилиштето Тепање, на дел од автопатот каде што се во тек големи работи – се реновираат 13 километри пат, два тунела и три вијадукти. Полицијата потврди дека несреќата се случила пред работната зона каде што се формираат долги редици поради затворени ленти.
Фото: принтскрин