Шефот на српската дипломатија Ивица Дачиќ изјавил прашањето не е во тоа дали албанскиот премиер Еди Рама треба да ја посети Србија, туку какви ќе бидат пораките кои тој ќе ги донесе во Белград, пренесуваат српските медиуми.
 

Шефот на српската дипломатија Ивица Дачиќ изјавил прашањето не е во тоа дали албанскиот премиер Еди Рама треба да ја посети Србија, туку какви ќе бидат пораките кои тој ќе ги донесе во Белград, пренесуваат српските медиуми.

Српскиот министер истакнал дека програмата за посетата на Еди Рама на 10-ти ноември сè уште се подготвува и дека уште не е јасно што сè ќе биде опфатено во неа.

Дачиќ навел дека е „извесно“ оти Рама ќе дојде во Србија, но дека од самиот чин на посетата, поважно е кои ќе бидат неговите пораки пред српските домаќини.

„Со Рама доаѓаат и министрите за надворешни работи и економија, кои беа во Белград на состанок пред неколку дена“, рекол Дачиќ.

Министерот за надворешни работи потврдил дека посетата на Прешево бил еден од предлозите на албанската страна, бидејќи и некои други албански функционери го правеле тоа во минатото.

„Прашањето не е дали некој треба да дојде или не, туку кои ќе бидат неговите пораки. Ние очекуваме дека пораките ќе бидат во согласност со јавно искажаните принципи и цели на оваа посета, а тоа е развојот на нашите добри односи“, нагласил Дачиќ.

Прашањето околу посетата на албанскиот премиер на Белград беше поставено по инцидентот на фудбалскиот натпревар меѓу репрезентациите на Србија и Албанија во Белград, а првично Рама требаше да го посети Белград на 22-ри октомври./крај/мф/бс