Десет војници се убиени и десетици се ранети во средата во серија напади врз турските безбедносни сили од страна на герилците на забранетата Работничка партија на Курдистан (PKK) во југоисточна Турција, соопштија безбедносни извори.

Тројца војници загинаа, а десет други се ранети кога милитантите на PKK нападнале воено возило во округот Бејтишшебап во југоисточната покраина Сирнак, утрото во средата, објави Генералштабот на турските вооружени сили.

Според соопштението на војската, воениот конвој кој се движел кон царинскиот премин Хабур-2 на границата со Ирак, бил нападнат со експлозии од импровизирани експлозивни направи, а потоа следел напад со тешко автоматско оружје, вклучително и со проектил истрелан од територијата на северен Ирак.

Малку подоцна пет турски војници загинале, а осуммина други се повредени во округот Улудере, исто така, во покраината Сирнак, кога експлозивна направа поставена од PKK била детонирана при минување на оклопно возило.

Претходно ноќта во вторникот уше два војника се убиени и двајца се ранети во напад на герилците на PKK во руралните области на југоисточната покраина Дијарбекир, исто така, населена со мнозинско курдско население.

Во одделне напад седум турски војници се повредени кога курдските милитанти активирале експлозивна направа поставена на патот меѓу окрузите Семдинли и Јукшекова во источната покраина Хакари.

Југоистокот на Турција е сцена на најголемите борби во последните две децении откако, пропадна обидот за мировниот договор меѓу владата во Анкара и курдските бунтовници во летото 2015 годна. PKK, којашто Турција, САД и ЕУ ја сметаат за терористичка организација, крена вооружен бунт во 1984 година, а во судирите коишто следеа на двете страни се убиени повеќе од 40.000 луѓе./крај/мф/сн

Извор: Макфакс