Регион
ЕК и ЕИБ со 82 млн. евра ќе ја модернизира косовската железница

За почеток на модернизацијата на 148 километри долгата железница во Косово Европската инвестициска банка и Европската комисија, издвоија 82 милиони евра, за да се поврзе со европската мрежа.
Од тие пари 42 милиони се заем за модернизација на Коридорот 10, што Косово го поврзува со Македонија и со Грција, за што договор потпишаа заменикот директор на ЕИБ, Ромуалдо Бернучи и министерот за финансии на Косово, Авдула Хоти, во присуство на специјалниот претставник на ЕУ во Косово, Семуел Жбогар.
Во исто време, ЕУ ќе го поддржи проектот со 40 милиони евра грант за подготовка и имплементација на проектот, а парите се наменети за подоцнежните фази.
„Ова е прв заем од ЕИБ за јавниот сектор во Косово“, рече Бернучи. „Заемот придонесува кон посветеноста на банката за поддршка на климатски акции, а како резултат на тоа се очекува редукција на штетни гасови“.
„Низ овој проект, Косово има бенефит од значаен инвестициски грант од ЕУ, како дел од агендата на ЕУ за поврзување на Западен Балкан и нејзината определеност за европска перспектива на регионот во рамки на Берлинскиот процес“, рече Жбогар.
„Рехабилитацијата на железничката мрежа ќе донесе директен бенефит за луѓето од Косово. Со ова значително ќе биде подобрен транспортот на патници и товар со редукција на CO2 емисии. Маните кои како грант ги доби од ЕУ се очекува да донесат двојно повеќе профит во економијата на долг рог“.
Модернизацијата на железницата е дел од инвестицискиот пакет одобрен на Самитот на Западен Балкан кој се одржа во август 2015 година, во пошироката агенда на ЕУ за промоција на поврзаноста на регионот во Европа.
Проектот ќе ги вклучи мрежите на Косово во Оринет/Источно-медитеренаскиот коридор, кој го поврзува Западен Балкан со Австрија, Грција и Бугарија, како дел од коридорот на Транс-Европа транспортната мрежа (TEN-T). Коридорот 10 е долг 250 километри, од кои 148 километри се во Косово, а другото е во Македонија и во Србија. Модернизацијата се очекува да почне кон крајот на 2016 година и да заврши во 2020 година.
До сега Косово за оваа намена доби 122 милиони евра, затоа што покрај грантот од ЕУ од 40 милиони и заемот од ЕИБ од 42 милиони, има добиено и 40 милиони евра од Европската банка за обнова и развој во септември 2015 година./крај/мф/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
(Видео) На детско игралиште во Белград убиен маж

Едно лице беше убиено синоќа во пукотница на булеварот Вудро Вилсон во Белград на вода, објави РТС.
View this post on Instagram
Докторката Виолета Николиќ од Одделот за итни случаи потврди за РТС дека 35-годишен маж бил застрелан синоќа во 23.13 часот.
„Нашиот тим можеше само да заклучи дека 35-годишниот маж е мртов“, рече д-р Николиќ.
На социјалните мрежи се објавени снимки, на кои се гледаат телото на убиениот маж на детско игралиште и апсењето на друго лице.
фото: принтскрин
Регион
Пицула ја критикува ЕУ за пофалбите што ги дава на Србија: „Наместо тоа, барајте вистински реформи“

Известувачот на Европскиот парламент за Србија, Тонино Пицула, изјави дека претставниците на ЕУ треба да се воздржат од прекумерно фалење на реформите во Србија, која е потресена од месеци антивладини протести предизвикани од железничката несреќа во Нови Сад пред една година.
Тој се осврна на честите пофалби од Европската комисија, како онаа минатата година кога претседателката на Комисијата, Урсула фон дер Лајен, му се обрати на српскиот претседател Александар Вучиќ со „драг Александар, покажа дека делата ги следат твоите зборови“.
За време на посетата на Белград во средата, наративот малку се смени, при што Фон дер Лајен му се обрати на Вучиќ со „господине претседателе“.
„Апелираме до Комисијата, наместо тоа, јасно да ја артикулира потребата од вистински и сеопфатни реформи, вклучително и враќање на демократските институции, зајакнување на владеењето на правото и борба против корупцијата и организираниот криминал“, рече Пицула.
Потпретседателката на пратеничката група на СиД, белгиската европратеничка Кетлин ван Бремпт, која е задолжена за проширување на ЕУ во нејзината група, истакна дека секоја неоправдана пофалба од страна на Комисијата за властите во Србија води до тоа студентите и граѓаните што протестираат на улиците да се чувствуваат предадено.
Европскиот парламент следната недела во Стразбур ќе дебатира за резолуција за растечката репресија во Србија, една година по уривањето на настрешникот на железничката станица во Нови Сад, при што загинаа 16 лица. Трагедијата предизвика месеци протести што Вучиќ ги нарекува обоена револуција.
Во изјава за новинарите во Брисел, Пицула рече дека од февруари до септември оваа година имало повеќе од 10.700 протести во цела Србија, кои биле обележани со репресија врз демонстрантите, произволни апсења и политички мотивирани притворања.
фото: принтскрин
Регион
Грција го усвои контроверзниот закон – отворен патот за 13-часовно работно време

Грчкиот парламент денес го усвои новиот закон за труд, кој предизвика бурни реакции и протести во целата земја. Со 158 гласа „за“ и 109 „против“ владиниот предлог беше изгласан, а левичарската опозициска партија СИРИЗА одби да учествува во гласањето.
Законот, кој според владата има цел да го направи пазарот на труд поприспособлив и поефикасен, им овозможува на работодавците во приватниот сектор да бараат од своите вработени да работат до 13 часа дневно наместо досегашните осум. Продолженото работно време може да се применува најмногу 37 дена годишно, а работниците се заштитени од отказ доколку одбијат да работат прекувремено.
Владата тврди дека со новите правила се зголемуваат флексибилноста и заштитата на работниците, особено оние со семејства, и дека законот дозволува четиридневна работна недела доколку има претходен договор меѓу работодавецот и вработениот.
Меѓутоа, синдикатите и опозицијата остро реагираа предупредувајќи дека реформата ја укинува суштината на осумчасовниот работен ден и ја легализира прекумерната експлоатација. Синдикатот на државните службеници ADEDY порача дека „флексибилното работно време во пракса значи уништување на семејниот и на општествениот живот и укинување на работничките права“.
Синдикатите потсетуваат и дека просечните плати во Грција се значително пониски од европскиот просек, а нерегистрираниот труд и натаму е голем проблем. Опозициските партии оценија дека законот е застарен и спротивен на европските тенденции за скратување на работното време и воведување пократка, но поквалитетна работна недела.
Новите одредби предвидуваат и поголема флексибилност при вработувања на определено време, со цел, како што наведува Министерството за труд, да се стимулираат продуктивноста и модернизацијата на пазарот на труд.
И покрај уверувањата на владата дека законот ќе ги заштити работниците и ќе овозможи подобра рамнотежа меѓу работа и приватен живот, јавноста останува поделена.