Регион
ЕУ ја осуди изјавата на Рама за обединувањето на Албанија и Косово

Европската унија (ЕУ) ја осуди изјавата на албанскиот премиер Еди Рама за обединувањето на Албанија и Косово, наведувајќи дека ваквите провокации се неприфатливи, бидејќи сите земји од западен Балкан имаат европска перспектива и напредуваат со различно темпо во тој процес.
Портпаролката на високата претставничка на Унијата за надворешна политика и безбедност Федерика Могерини, Маја Коцијанчич, додаде дека напредокот кон ЕУ вклучува и регионална соработка, помирување и добрососедски односи, пренесуваат медиумите.
„Бидејќи проверивме што рече премиерот Рама во интервјуто, потенцираме дека западен Балкан има јасна европска перспектива, утврдена од ЕУ на највисоко ниво. Сите партнери во регионот сами ги потврдија определбите за овие цели и решителноста да се исполнат неопходните мерки, со почитување на основите начела и стандарди на ЕУ“, се наведува во соопштението од ЕК.
ЕУ, во осврт на изјавата на албанскиот премиер, „укажала на тоа дека партнерите во регионот напредуваат, секој со сопствено темпо по тој пат, и Унијата од нив ги очекува неопходните напори за натамошен напредок“.
„Споменатите определби, исто така, вклучуваат регионална соработка, помирување и добрососедски односи, сите провокативни изјави во таа рамка се неприфатливо“, стои во реакцијата по повод изјавата на Рама.
Рама во заедничко интервју со шефот на косовската дипломатија Хашим Тачи, дадено за приштинската телевизија „Клан Косова“ исто така рече дека „двете земји се залагаат за обединување преку членсто во Европската унија“.
Тачи, пак, додаде дека зборовите на Рама не се закана кон Европската унија, туку дека се работи за реалноста која може да се оствари во иднина и која може да биде резултат на изолацијата на Косово од страна на ЕУ, додавајќи дека Косово веќе ги исполнило сите обврски за укинување на визниот режим со ЕУ./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Вучиќ и Путин ќе се сретнат во Кина

За време на посетата на Кина, претседателот на Руската Федерација, Владимир Путин, ќе се сретне со претседателот на Србија, Александар Вучиќ, изјави за медиумите помошникот на рускиот претседател, Јуриј Ушаков.
Путин ќе биде во Кина од 31 август до 3 септември, а ќе присуствува и на церемониите по повод 80-годишнината од крајот на Втората светска војна, како и на неколку билатерални средби.
Регион
Уапсена е мајката која го оставила бебето во Белград: било заврзано во кеса

По наредба на Вишото јавно обвинителство во Белград, полицијата ја уапси А.С. (2006), мајка за која постои сомнение дека го оставила своето седумдневно бебе покрај контејнер во Земун, пренесува „Блиц“.
Жената според медиумот е обвинета за обид за тешко убиство.
Бебето го пронашол случаен минувач околу 8:20 часот утрово. Било завиткано во крпи и врзано во кеса.
Според Маја Миладиновиќ, жената што го пронашла бебето, новороденчето тивко плачело, дека нејзиниот крик звучел како „мјаукање“.
– Го шетав кучето како секое утро по улицата Дунавска во Земун кога забележав дека нешто се движи зад контејнерот. Мислев дека лази, но кога се приближив видов дека е бебе. Бебето едвај дишеше и беше сино – вели таа.
Според неа, бебето било завиткано во пешкир.
Како што објави „Блиц“, детето било оставено зад контејнерот, меѓу грмушки и на куп ѓубре.
Екипата за итни случаи го транспортирала бебето во породилиштето во Земун, пишува Танјуг.
Фото: принтскрин
Регион
Министерството за внатрешни работи на Србија: Дачиќ примил плик со три куршуми во него

Српското Министерство за внатрешни работи соопшти дека вчера во зградата на владата на Република Србија е пронајден плик адресиран до вицепремиерот и министер за внатрешни работи, Ивица Дачиќ, во кој имало три куршуми.
Сомнителната пратка е откриена вчера за време на безбедносна проверка на рендгенски уред при сортирање пошта. Истрагата утврдила дека пликот бил предаден два дена претходно во филијалата на поштата на Србија во Пожаревац.
Полицијата го идентификувала и го пронашла лицето што го доставило пакетот, а истрагата за сите околности на настанот е во тек.
Министерството соопшти дека ги презема сите законски пропишани мерки и дејства со цел да се заштити безбедноста на граѓаните и на институциите.
Фото: принтскрин