Регион
Грција ги преместува мигрантите во цврсти објекти, AI го осудува планот ЕУ-Турција
Договорот меѓу Европската унија и Турција за преместување на бегалците е правно и етички погрешен, предупреди во неделата невладината организација за човекови права Amnesty International, а грчките власти поради драматичноста на состојбата на границата со Македонија се обидуваат илјадниците имигранти да ги преместат до шаторските населби во цврсти објекти, пренесуваат агенциите.
На нацрт договорот меѓу ЕУ и Турција за враќање на некои имигранти во Турција, реагираше Amnesty International. „Погрешен е и правно и етички“, изјави генералниот секретар на оваа меѓународна организација за човекови права, Салил Шети, пренесува Reuters. Шети најава дека на европските функционери „директно ќе ја пренесе шокираноста и згрозеноста“ поради најавениот договор, истакнувајќи дека Турција не е сигурна земја за имигрантите.
Светските агенции ги пренесуваат извештаите за хаотичната состојба на северната грчка граница кон Македонија, каде според процените се заглавени најмалку 12.000 луѓе, меѓу кои неколку илјади деца, а се појавил и случај на зараза со хепатитис А. Сите тие очекуваат преминување во Македонија, којашто како и сите земји претходно од ткн балканска бегласка рута ги затвори границите, откако на нејзината северна граница кон Србија останаа заробени околу илјада луѓе.
Се пренесуваат слики како илјадници луѓе кампуваат на околните полиња во вонредно тешки хигиенски услови. Поради лошите услови со кои се соочени, некои од бегалците последните денови започнаа да се враќаат кон Атина, но од друга страна постојано пристигнуваат нови групи бегалци во Идомени.
Тешките услови резултираа со тензии и насилство меѓу мигрантите кои се борат за храна и за огрев, имајќи ги предвид ниските температури последните денови и дождот. Затоа грчките власти започнаа со делењето летоци со кои ги повикуваат да се упатат кон цврстите објекти и прифатните центри низ земјата.
„Нашата цел е не само да се ослободи Идомени од луѓето, нашата цел е во градот воопшто да нема шатори. Постојат цврсти објекти, зошто да престојуваат во кал“, изјави за AFP владин функционер од владиниот кризен штаб за бегалците. Според него, летоците ќе се делат и во пристаништата и на островите за да се одвратат имигрантите од патот кон границата со Македонија.
„Грција ќе ви понуди сместување, храна и лекарска нега“, пишува во летокот на арапски, фарси и паштунски јазик.
Поради првиот регистриран случај на зараза со хепатитис А, се огласи и грчкиот центар за контрола и превенција на болестите, кој предупредува дека условите во Идомени „не можат да се опишат“, како и дека луѓето престојуваат во „бара која настана поради силните дождови“. Заразеното девојченце е во постапка на лекување и нејзината состојба е стабилна.
Светската здравствена организација (СЗО – WHO) предупреди дека хепатитисот А се пренесува со консумирање заразена храна и вода, како и со директен контакт со заразено лице, а потекнува од лошите санитарни услови и недостигот од вода за пиење.
Грција, во која според процените во моментов се наоѓаат повеќе од 40.000 имигранти, бара 480 од 700 милиони евра, колку што ЕУ предложи за помош на државите кои се првите на мигрантскиот бран. Од тие 700 милиони, 300 милиони евра ќе бидат доделени во 2016 година, а две рати од по 200 милиони евра во 2017 и во 2018 година, објави Брисел. Пари за Грција се предвидени и според други ставки од буџетот на ЕУ./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) Тепачка во Белград: опозицијата се судри со полицијата
Полицијата повторно ги блокира пратениците од опозицијата, кои се обидуваа да влезат во зградата на парламентот во Белград, па пред зградата избувна стампедо и физичка пресметка.
Пратениците од опозицијата се обидоа да поминат низ таканаречениот чациленд, шаторска населба пред влезот, повикувајќи се на вчерашното ветување на претседателката на парламентот Ана Брнабиќ дека ќе им биде дозволено да го сторат тоа, објавува „Нова.рс“.
Ćacilend upravo pic.twitter.com/XyAbgYkNsn
— Stranka slobode i pravde (@SlobodaIPravda) November 26, 2025
Ескалацијата се случи кога претставниците на Националното движење на Србија, Ѓорѓе Станковиќ, и на Зелено-левичарскиот фронт, Богдан Радовановиќ, се обидоа да го отстранат шаторот поставен на самите скали пред парламентот по што беа нападнати од луѓе од протестниот камп и полицијата.
Ова е втор ден по ред како има инциденти на влезот во парламентот. Вчера, полицијата се судри со претставници на партијата Србија центар (Срце), предводена од Здравко Понош, кои исто така се обидоа да влезат на главниот влез преку т.н. чациленд.
View this post on Instagram
Токму по овој инцидент, пратениците од опозицијата, на средба со претседателката на парламентот, Ана Брнабиќ, побараа оградата околу шаторската населба да се помести за да имаат непречен пристап до своите работни места.
Српскиот претседател Александар Вучиќ вчера на прес-конференција изјави дека ќе има иницијатива во врска со шаторите. Иако не разјасни за што станува збор, неговата изјава сугерира дека кампот набргу би можел да биде отстранет.
фото: принтскрин Икс
Регион
Сијарто: Унгарија ќе ѝ помогне на Србија во снабдувањето со енергенси и ја поддржува нејзината интеграција во ЕУ
Унгарскиот министер за надворешни работи Петер Сијарто во Белград изјави дека Унгарија нема да ја остави Србија без енергенти и дека денес ќе бидат утврдени техничките детали за помошта во снабдувањето. Тој нагласи дека Србија секогаш можела да смета на Унгарија во енергетската соработка.
Сијарто оцени дека и Србија и Унгарија ја плаќаат цената на војната во Украина иако немаат одговорност за конфликтот и повтори дека војната не може да се реши на бојното поле. Тој рече дека двете земји силно се залагаат за усвојување на мировниот план предложен од претседателот на САД, Доналд Трамп.
Унгарскиот министер изјави дека интерес на Европската Унија е Србија што побргу да стане членка и дека одредени земји го блокираат овој процес, а, како што рече, истовремено ја туркаат Украина кон членство.
Тој додаде дека Унгарија ќе ѝ помогне на Србија и економски и енергетски предупредувајќи дека намалувањето на снабдувањето преку гасоводи може да доведе земји во ранлива позиција.
Регион
Хрватска нема да ја купи српската нафтена компанија НИС
Хрватска нема намера да стекнува средства на српската нафтена компанија НИС, изјави вчера за новинарите претседателот на земјата, Зоран Милановиќ.
„Хрватска има поитни проблеми поврзани со енергетската компанија ИНА, а кој и да ја купи НИС… сигурно нема да биде Хрватска“, ја цитира неговата изјава хрватската телевизија ХРТ.
Претходно, хрватскиот министер за економија Анте Шушњар изјави дека Загреб е подготвен да влезе во сопственичката структура на компанијата НИС доколку тоа ги реши нејзините проблеми. Според него, тоа би било во интерес и на Хрватска и на Србија.
Претходно во вторникoт, српскиот претседател Александар Вучиќ објави дека српската рафинерија за нафта НИС (дел од „Газпром нефт“) се префрлила на режим на намалена циркулација поради недостиг на нафта како резултат на санкциите на САД.
Како што е објавено, НИС, која е подружница на „Газпром нефт“, беше вклучена на списокот со санкции на САД на почетокот на 2025 година. Во врска со ова, српскиот претседател Александар Вучиќ изјави дека САД бараат целосно повлекување на рускиот капитал од таму.
Тој потсети дека во 2008 година српската влада ја префрлила контролата врз НИС на „Газпром нефт“ и дека во последните години компанијата придонела за добивање значителни приходи во српскиот буџет, како и за развој на многу проекти.
Моментно, главни косопственици на НИС се „Газпром нефт“ (44,85 %) и властите на Србија (29,87 %).
Гаши: Ниедно билатерално прашање не смее да стане пречка на нашиот европски пат
Ниедно билатерално прашање не смее да стане пречка на нашиот европски пат. Ние остануваме подготвени за принципиелен дијалог со сите...
Мицкоски: Нема да има нови ресори, еден човек ќе биде и вицепремиер и министер
Нема да има нови ресори, еден човек ќе биде и вицепремиер и министер за нешто, изјави денеска премиерот Христијан Мицкоски...
Сомнеж за труење со храна: ученици од Скопје со стомачни болки, затворена кујната во училиштето
Инспекциските служби на Агенцијата за храна и ветеринарство (АХВ), во координација со Државниот санитарен и здравствен инспекторат, Институтот за јавно...
Во развиените држави ги среќавам моите најдобри студенти, а на Клинички ме фаќа страв каква услуга ќе добијам, рече Беќаровски
Партизацијата тотално го деградира квалитетот на јавното здравство и затоа итно се потребни системски промени за кои мора посилно да...
Повеќе од 900 жени годинава жртви на семејно насилство: „Оваа бројка е повик за итна акција“
Сега е време да се обединиме и да ја промениме приказната, да ставиме крај на насилството врз жените и девојките....
Словенија ги призна возачките дозволи oд Македонија
Словенија усвои измени на Законот за возачите, со кои им се овозможува на носителите на возачки дозволи издадени во Македонија,...
Се зголемува бројот на напуштени кучиња со активен микрочип
Јавното претпријатие „Лајка“ предупредува на континуиран и загрижувачки тренд на кучиња пронајдени на улица со активен микрочип, односно со јасно...
(Видео) Русија реагира на обелоденетиот телефонски разговор меѓу Виткоф и советникот на Путин
Кремљ се огласи утрово откако во извештај на Блумберг се наведува дека еден од претставниците на американскиот претседател Доналд Трамп...
(Видео) Шокантна сцена во Дубровник: што сѐ исфрли морето на брегот
Шокантни слики доаѓаат од Јадранот, каде што најпознатата плажа во Дубровник, Бање, е оставена покриена со ѓубре откако морето исфрлило...
(Видео) Дали, конечно, е блиску крајот на војната во Украина: остануваат три клучни пречки
Американската администрација оптимистички најавува голем напредок во преговорите за завршување на војната во Украина. Претседателот Трамп го пофали „огромниот напредок“...
(Видео) Новинар: Какви отстапки нуди Русија? Трамп: Ќе престанат да се борат
Американскиот претседател Доналд Трамп е убеден дека Русија, со запирање на својата офанзива, би направила „голема отстапка“ за Украина, што,...
„Донецк и размената на територии“: целиот транскрипт од разговорот меѓу луѓето на Трамп и Путин
Блумберг објави транскрипт од телефонски разговор помеѓу Стив Виткоф, специјалниот претставник на американскиот претседател Доналд Трамп за мировни мисии, и...
Трамп се откажа од ултиматумот за Украина
Американскиот претседател Доналд Трамп вчера се повлече од ултиматумот што ѝ го даде на Украина да го прифати американско-рускиот мировен...
Претседателот на Тајван: Ќе предложам да потрошиме уште 40 милијарди долари за одбрана
Тајван ќе воведе дополнителни 40 милијарди долари за одбрана за да ја нагласи својата решителност да се брани, изјави претседателот...
Кина: Ќе ги потиснеме сите странски обиди за мешање во ситуацијата за Тајван
Кина денес предупреди дека ќе ги „потисне“ сите странски обиди за мешање во ситуацијата околу Тајван, откако Јапонија објави планови...
Објавени транскриптите, Виткоф до човекот на Путин: Знам што е потребно за да се постигне договор
Пратеникот на Трамп, Стив Виткоф, по успехот на мировниот договор за Газа, минатиот месец оствари телефонски разговор со висок функционер...
Владата именува повереници за општините Маврово Ростуше, Гостивар, Центар Жупа и Врапчиште
Владата на денешната седница именува повереници за општините Маврово Ростуше, Гостивар, Центар Жупа и Врапчиште во кои што на локалните...
Украина се согласи на мировен договор со Русија, тврдат САД
Украина се согласи на договор за прекин на војната со Русија, при што остануваат само мали детали, изјави американски функционер...
Уапсени директори и заменик министер за земјоделство: излажале дека недостасуваат пченица и јачмен вредни 780.000 евра
Полицијата денеска уапси пет лица осомничени за злоупотреба на стоковите резерви, излажале дека недостасуваат пченица и јачмен вредни 780.000 евра....
Откажано утрешното рочиште за „Пулс“: Недостасуваат адреси од оштетени и нивни застапници
Утрешното судење за пожарот во дискотеката „Пулс“ во Кочани, во кој загинаа 63 лица и околу 200 се повредени, е...
