Регион
Грција предложила откажување на референдумот во замена за продолжување на преговорите

Грција предложила откажување на референдумот предвиден за недела во замена на продолжување на преговорите со Европската унија (ЕУ), рекол малтешкиот премиер Џозеф Мускат, пренесува весникот Times of Malta.
Грција предложила откажување на референдумот предвиден за недела во замена на продолжување на преговорите со Европската унија (ЕУ), рекол малтешкиот премиер Џозеф Мускат, пренесува весникот Times of Malta.
Грчкиот министер за финансии Јанис Варуфакис на партнерите во Еврогрупата, за време на телефонскиот состанок им рекол дека Грција е подготвена да се откаже од референдумот, доколку „неговите колеги се договорат брзо со него“, пишува германскиот весник Die Welt.
За време на телефонскиот состанок на министрите за финансии на еврозоната, таканаречената Еврогрупа, Варуфакис најавил дека Атина ќе му испрати ново писмо на претседателот на Еврогрупата, Јероен Дајселблум, пишува германскиот весник.
Еврогрупата во вторникот одлучила да ги прекина разговорите поради тоа што „никој не знае што пишува во тоа писмо“, наведува Welt, додавајќи дека во писмото било напишано тоа што Варуфакис го изјавил усмено.
Како што наведува, пак, Times of Malta, малтешкиот премиер Мускат во изјава пред парламентот на својата земја изјаила дека не знае дали грчкиот предлог претставува вистинско отворање на преговорите или, пак, маневар за одложување.
Грчката програма за помош истече на полноќ, а истовремено Грција најави дека нема да биде во состојба на Меѓународниот монетарен фонд (ММФ) да му плати 1,6 милијарди евра.
Надежите дека во последен момент ќе се постигне некој договор пред истекувањето на рокот се појавија кога грчката страна најави дека поднела нови предлози во вторникот попладне, по што 19-те министри на финансии на еврозоната одржаа телефонска конференција на која ги разгледаа предлозите. Но надежите брзо се изгубија и министрите ги прекинаа разговорите, без постигнување на договор.
Како што пренесуваат германските медиуми, канцеларката Ангела Меркел во разговор со членовите на својата партија изјавила дека исклучува натамошни преговори со Грција пред одржувањето на референдумот закажан за недела./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Грција бара помош за справување со големите пожари

За активните пожари на неколку различни локации низ целата земја, Грција побара помош од Европскиот механизам за цивилна заштита, со цел да се испратат шест авиони.
Од попладнево, грчките пожарникари водат битка во источниот дел на областа Атика, поширокиот регион на Атина, во северна Грција, на островите Евија и Китира, како и во јужниот дел на Пелопонез, од бројот 112 за итни случаи беа испратени низа пораки за превентивна евакуација до жителите на зафатените области.
Портпаролот на противпожарната служба информираше дека во сите пожари интервенираат голем број пожарникари заедно со копнени и воздушни средства, но и дека во деловите каде што се пожарите е пријавена штета, чија процена ќе се направи кога ќе заврши гаснењето.
– Сите пожари што избувнуваат овие денови, а особено денеска, брзо се шират, стануваат опасни, а се очекува овие услови да преовладуваат и во наредните денови. Поради оваа причина, нашата земја побара помош од Европскиот механизам за цивилна заштита, со цел да ни обезбеди шест авиони, рече Василис Ватракојанис.
Регион
Големи пожари беснеат на најмалку пет различни локација во Грција

Во источниот дел на областа Атика, поширокиот регоион на Атина, во северна Грција, на островите Евија и Китира, како и во јужниот дел на Пелопонез, попладнево се активни големи пожари, а од бројот 112 за итни случаи беа испратени низа пораки до жителите на зафатените области.
Во пожарот во централна Евија, изгореа две противпожарни возило, а четворица пожарникари со полесни повреди на рацете и очите и со респираторни проблеми биле префрлени во болница.
Во сите пожари, беа превентивно евакуирани жителите на населените места во непосредна близина на огнената стихија, откако од бројот 112 за итни случаи беа испратени соодветни пораки.
За Атика, Евија и за дел од Пелопонез за денеска имаше предупредување за екстремно голема опасност од пожари, категорија пет, што воедно е и највисоката категорија во прогнозите за опасност од пожари на Министерството за цивилна заштита и климатски кризи на Грција.
Регион
Топлотниот бран ги затвори Акропол и археолошките локалитети во Атина

Поради топлотниот бран и високите температури што од почетокот на седмицава ја зафатија Грција, археолошките локалитети во Атина, како и Акропол и во текот на викендов ќе бидат затворени за туристи во периодот од 12 до 17 часот.
Новиот топлотен бран што ја зафати Грција, според најавите и прогнозите се очекува да трае до недела.
Вчера беше најтоплиот ден, просечната максимална температура достигна 37,6 степени Целзиусов, на Пелопонез измерени речиси 46 степени, а во многу делови од земјата надмина 42 степени.