Регион
Јосиповиќ очекува победа во првиот изборен круг на претседателските избори догодина

Хрватскиот претседател Иво Јосиповиќ во понеделникот изјавил дека на претседателските избори следната година очекува победа во првиот круг, со оглед на фактот што има стабилна поддршка од околу 50 проценти од хрватските гласачи, пренесува Hina.
Запрашан кога очекува и официјална поддршка од Социјалдемократската партија на Хрватска, Јосиповиќ одговорил дека претседателските кандидати ќе добијат поддршка по седниците на одборите на тие партии, додавајќи дека смета оти нема причина посебно да се форсира ваква одлука.
„Во изминатите четири години сакав да бидам, и во голема мера успеав, претседател на сите граѓани. Им излегував во пресрет на граѓаните, онаму каде што можев, не бегав од извршувањето на своите функции и соработував со сите партии, ги сослушав и оние со кои начелно не се согласував, бидејќи тоа е должноста на претседателот“, изјавил Јосиповиќ за Хрватското радио.
Националниот совет на десно ориентираната Хрватска демократска заедница (ХДЗ), неодамна ја одбра Колинда Грабар-Китаровиќ за свој кандидат за претседателските избори. Според анкетите, таа е најсериозниот конкурент на сегашниот претседател Иво Јосиповиќ.
Грабар-Китаровиќ во 2011 година стана помошник на генералниот секретар на НАТО, Андерс Фог Расмусен за јавна дипломатија.
На претседателските избори во Хрватска во 2010 година победи Иво Јосиповиќ, а изборите во земјата се одржуваат на секои пет години./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Двокатен автобус oд Косово се заглави под подвозник во Загреб

Автобус од Косово се заглави пред најпознатиот подвозник во Загреб на улицата Мирамарска.
Возачот на автобусот се обидел да помине под подвозникот висок 3,65 метри.
Инцидентот предизвикал голем метеж во градското подрачје, пренесе „Индекс“.
Регион
Парламентарни избори во Албанија, Рама се бори за четврти мандат, а Бешира за враќање на власт по 12 години

Албанците денес гласаат на 11, парламентарни избори по падот на комунистичкиот режим. Право на глас имаат 3.721.116.
Лидерот на Социјалистичката партија Еди Рама, кој е премиер од 2013 година се бори за четврти мандат, а Сали Бериша, поранешен премиер и лидер на Демократската партија, се надева на враќање на власт по 12 години.
На овие избори, првпат, ќе гласа и албанската дијаспора. Прифатени се апликации на 245.93 лица надвор од земјата.
Во 12 изборни единици, на 5.225 избирачки места Албанците гласаат за 140 нови пратеници.
Регион
Српски бизнисмен брутално претепан во Загреб, крвав лежел пред хотел

Саша Мирковиќ, српски претприемач, музички продуцент и сопственик на „Хајп телевизија“, бил претепан пред хотел во центарот на Загреб, објавија српските медиуми.
Според нивните наводи, Мирковиќ и уште еден маж се сретнале на влезот во хотелот, по што дошло до вербален конфликт кој прераснал во физичка пресметка. Српски Телеграф објави снимки на кои се гледа како крвавиот Мирковиќ лежи на тротоарот, веднаш по тепачката.
Набрзо пристигнала брза помош и го однела во болница.