Регион
Kиднапирале старица и ѝ ги украле парите: уапсени маж и жена во Загреб

Полицијата ја заврши кривичната истрага против 45-годишен маж и 26-годишна жена, осомничени дека на 24 март во Загреб киднапирале и ограбиле 86-годишна жена, соопшти Полициската управа во Загреб.
Полицијата соопшти дека 45-годишен маж и 26-годишна жена се осомничени дека заедно извршиле разбојништво, противправно лишување од слобода и измама во обид, а 26-годишната жена е осомничена и за компјутерска измама.
Полицијата прецизира дека мажот и девојката се осомничени дека на 24 март околу 13 часот се возеле на улицата, каде што застанале пред 86-годишна жена. Потоа 45-годишникот го спуштил совозачкото стакло од автомобилот и лажно ѝ се претставил како полицаец барајќи од 86-годишнишната да влезе во автомобилот.
Бидејќи 86-годишната жена не сакала да влезе, 26-годишна жена излегла од автомобилот, ја турнала на задното седиште од возилото, а потоа се вратила на возачкото седиште.
Во текот на возењето побарале од 86-годишната жена да им го предаде паричникот, а кога таа одбила, ѝ го грабнале паричникот од раката. Потоа 26-годишната жена со банкарската картичка во два наврата подигнала 600 евра од банкомат по што ја оставиле 86-годишната жена на улица и се оддалечиле.
Исто така, постои сомнеж дека дуото истиот ден околу 10.30 часот му пришле на 69-годишен маж, кој седел на клупа на плоштад во Велика Горица и лажно му се претставиле како полицајци. Потоа го повикале да седне во автомобилот со нив за да спроведат истрага и побарале од 69-годишникот да ги предаде сите пари и златото.
Кога 69-годишникот се вратил во станот, веднаш повикал полиција и го пријавил настанот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Во Бугарија и Романија на сила црвен метео аларм поради обилни дождови

Во Бугарија и Романија на сила е црвен метео аларм поради обилни дождови. Обилните дождови продолжија да ја погодуваат Бугарија, што доведе до затворање на патишта, прогласување црвен метео аларм во неколку области, а 51 населено место останаа без електрична енергија поради бурата. Надлежните органи го интензивираат надзорот над сите мостови и инфраструктура што е потенцијално оштетена од поплавите, пишува денес „Новините“. Службениците предупредија дека секоја локација што е изложена на ризик ќе биде веднаш затворена.
Граѓаните се повикуваат да бидат внимателни, да избегнуваат патувања и да ги следат упатствата на надлежните служби. Бугарскиот национален институт за метеорологија и хидрологија прогласи црвен метео аларм, највисоко ниво на предупредување, за осум области каде што се очекуваат повеќе од 65 литри дожд на квадратен метар, пренесува Танјуг.
Во исто време, властите објавија дека Бугарија ќе побара помош од Европскиот фонд за солидарност за погодените места поради предизвиканите штети.
Метеоролозите во Романија денес го продолжија црвениот временски аларм поради предвидените обилни врнежи од дожд за пет области и градот Букурешт со можност за врнежи до 140 литри на квадратен метар.
Според најновото предупредување на Романската национална метеоролошка управа (ANM), од 21 часот на 7 октомври до 15 часот на 8 октомври се очекуваат обилни врнежи од дожд во неколку области, пишува романската новинска агенција Аѓерпрес.
Фото: принтскрин
Регион
Убиен судија на Апелациониот суд, во судница во Тирана

Судијата Астрит Каљаја беше убиен денес во Апелациониот суд во Тирана додека траеше рочиштето.
Напаѓачот, засега непознат, влегол во судницата и го застрелал Каљаја, кој бил однесен во болница каде што му била пружена медицинска помош, објавува „Албанија пост“.
На местото на настанот, според медиумот, има бројни полициски сили, кои веднаш го уапсиле осомничениот сторител, а како што се наведува, идентитетот на напаѓачот и мотивите на нападот засега се непознати.
Судијата Астрит Каљаја служел со години во албанскиот судски систем, а неодамна во Апелациониот суд во Скадар.
Тој го поминал процесот на верификација во 2019 година, каде што бил потврден на функцијата од Независната квалификациска комисија, а потоа и од Специјалниот жалбен панел во 2022 година.
Фото: принтскрин
Регион
Пронајдени се телата на браќата од Хрватска во словенечките Алпи

Словенечките планински спасувачи ја продолжија својата акција утрово под врвот Тошќ, во Јулиските Алпи, каде што вчера лавина затрупа тројца хрватски планинари.
Исчезнатите лица, по кои се трагаше од вчера, за жал се пронајдени мртви, објавува словенечки 24ur. Како што неофицијално дознава словенечкиот медиум, двајца од нив биле браќа.
„Ги пронајдовме двајцата – едниот беше закопан околу еден метар во снегот, а другиот околу метар и пол. Првиот успеавме да го транспортираме во долината со хеликоптер, додека сè уште чекаме транспорт за вториот. Самиот терен е многу тежок бидејќи е карпеста, стрмна клисура со бројни карпести скокови, што ја направи работата опасна и тешка за спасувачите. За жал, ќе кажам дека сите тројца планинари што ги пронајдовме во лавината починаа. Им изразувам искрено сочувство на нивните семејства“, рече тој.