Регион
Косовската претседателка Јахјага сé уште неодлучна околу новиот мандатар
Косовската претседателка Атифете Јахјага би можела да ја почека одлуката на косовскиот Уставен суд за да го одреди мандатарот за новата влада на Косово, пишува косовскиот весник Koha ditore.
„Претседателката Јахјага, освен остварувањето на уставноста и законитоста, ќе ја почитува и одлуката на Уставниот суд за одредувањето на мандатар, но исто така ќе го почитува и правото на секој политички субјект кој може да побара интерпретација или законско објаснување кое може да биде покренато на седница на косовското Собрание“, изјавил портпаролот на Јахјага, Арбер Влахиу.
Демократската партија на Косово (ДПК) во четвртокот најавила дека од Уставниот суд ќе побара објаснување дали процедурата за изборот на Иса Мустафи од Демократскиот сојуз на Косово, за претседател на косовското Собрание е во согласност со Уставот и дали се почитувани процедурите кои се однесуваат на правото на пратенички групи да предложат кандидат на претседател на Собранието.
Потпретседателот на ДПК, Енвер Хоџај во четвртокот вечерта изјавил дека неговата партија смета оти изборот на Мустафа за претседател на Собранието е недемократска и нелегална, и дека нема да го признаат за претседател./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) Се урна дел од таван на пазар во Загреб
Дел од таванот се урна во хала на пазарот Долац во Загреб. Пред влезот има редица муштерии, но на вратата е истакнат предупредувачки знак, а работниците објаснуваат дека халата денес е затворена.
Според информациите на хрватските медиуми, таванот се урнал утрово во левиот дел од пазарот, а влезот е блокиран додека не заврши поправката.
Работниците велат дека штетата треба да се санира до утре.
Регион
Курти: Единствено решение се нови избори
Косовскиот премиер Албин Курти, изјави дека нема друга опција освен одржување нови парламентарни избори, откако неговиот предлог за нова влада не го доби потребното мнозинство во парламентот.
Неговиот предлог бил поддржан од 56 пратеници, а биле потребни најмалку 61.
„Пред секој договор што ја искривува волјата на граѓаните, ние избираме избори. Земјата нема друг пат ниту начин освен нови избори“, изјави Курти.
Тој рече дека Демократскиот сојуз на Косово (ДСK) и Социјалдемократската иницијатива (НИСМА) одбиле да бидат дел од владата што тој ја предлага, и додаде дека тоа ја оневозможило и изборната соработка за изборот на нов претседател на Косово во март идната година.
Регион
Рама: Министерката создадена со вештачка интелигенција „ќе роди“ 83 дигитални помошници за парламентот
Албанскиот премиер Еди Рама соопшти дека нивната министерка создадена со помош на вештачка интелигенција, Диела, ќе „роди“ 83 дигитални помошници кои ќе работат како виртуелни асистенти на пратениците од Социјалистичката партија.
Според Рама, тие асистенти ќе ја подобрат ефикасноста и транспарентноста на парламентот, водејќи евиденција за седниците, подготвувајќи анализи и предлагајќи политики засновани на податоци.
Диела, која беше именувана во мај 2025 година, е првата виртуелна министерка во светот создадена со помош на вештачка интелигенција. Нејзината задача е да ја следи законитоста и транспарентноста на државните тендери и да спречи корупција, со користење алгоритми што одлучуваат без човечко влијание.
Рама ја опиша иницијативата како чекор кон „целосно транспарентна и безкорупциска“ администрација, а метафората за „трудна министерка“ симболично го претставува ширењето на вештачката интелигенција во повеќе сектори на управувањето во Тирана.

