Во насилството коешто избија во текот на косовските Албанци против министерот Србин кого го обвинуваат дека ги навредил во вторникот повредени се повеќе од 80 лица, меѓу кои 56 припадници на косовските сили на редот и 29 демонстранти, ситуацијата во Приштина со паѓањето на вечерта се смирила, а полицијата успеала да ги оддалечи демонстрантите и започнало чистење на градот, пренесуваат косовските електронски медиуми.

Учесниците на протестите пред зградата на владата во Приштина врз полицијата фрлаа со камења, на што нејзините припадници возвратија со солзавец. Судирите ескалираа кога демонстрантите се обидоа да навлезат во седиштето на косовската влада, а според, полициските извештаи, приведени се од повеќе од стотина лица, чиј број засега не е прецизиран.

Апсењата сé уште траат, пренесува Радио Слободна Европа. Привремено е приведен и градоначалникот на Приштина., Шпенд Ахмети, кој е член на опозициското движење Самоопределување.

Партиите од опозицијата на косовските Албанци бараат оставка од министерот за труд Александар Јаблановиќ, припадник на српското малцинство, кого го обвинуваат дека Албанците ги нарекол „дивјаци“. Министерот Јаблановиќ на почетокот од јануари некои албански демонстранти кои во војната со српските сили во тогашната јужна покраина Косово и Метохија од 1998/1999 загубиле членови на своите семејства, ги нарече „дивјаци“ и дека меѓу нив има „воени злосторници“ кога албаските сдемонстранти сакаа да спречат група Срби да посетат манастир во западно Косово по повод Божик. Министерот подоцна се извини, но опозициските партии и натаму бараат негова оставка, организирајќи протести ширум Косово.

Ова е веќе втор масовен протест во Приштина во последните четири дена со коишто се бара оставката на Јаблановиќ, еден од тројцата Срби во владата на косовскиот премиер Иса Мустафа.

„Јаблановиќ оди си“ и „Долу владата“ беа некои од слоганите кои беа извикувани во вторникот во Приштина. „Ќе ги продолжиме протестите сé додека Јаблановиќ не поднесе оставка“, изјави Албин Курти, водач на националистичкото косовско движење Самоопределување, кое е организатор на антивладините протести.

Косовскиот премиер Иса Мустафа и вицепремиерот и шеф на дипломатијата Хашим Тачи ги осудија насилствата на вонредната прес-конференција. „Плоштадите во Приштина многу се оштетени, сопственоста на граѓани уништен, нападнати се јавните плоштади и јавните имот Денешниот протест, кој беше политички мотивирам, и’ нанесе многу штета на нашата држава“, рече премиерот Мустафа.

Хашим Тачи посочи дека протестите не ги организирале граѓаните, туку опозицијата. „Дијалогот и комуникацијата меѓу позицијата и опозицијата треба да се воспостави во парламентот, а не на улиците. Во ниеден мо0мент нема да му се предадеме на насилството. Денешните акти се дело на една мала група. Ова е обид за насилно преземање на власта. Власта може да се добие со слободните гласови на граѓаните, а не со насилство“, истакна Тачи.

Американската амбасадорка на Косово, Трејси Ен Џејкобсон објави на својот Twitter профил дека демократските процеси се демократско право, а уништувањето на јавниот и приватен имот претставуваат криминален чин.

Косовската полиција претходно објави дека по поттикнувачките говори на организаторите на почетокот од протестот група демонстранти започнале со напади врз полицијата „гаѓајќи ја со тврди предмети и пиротехнички средства“, на што таа интервенирала со солзавец, а подоцна и со водени топови. Владата наведе во соопштението дека го почитува правото на протест, но дека е решителна да не ги толерира дејствата кои ја загрозуваат земјата, институциите и јаваната и приватната сопственост.

„Заканувачките говори кои организаторите денеска ги употребија на протестите се неприфатливи и тоа го осудуваме. Исто така, манипулацијата на учениците преку совети и нивните организации да излезат на протестите претставува манипулирање и целосно е неприфатливо за владата и граѓаните на Република Косово“, се истакнува во соопштението објавено во вторникот навечер.

Претседателката Атифете Јахјага ги повика граѓаните на мир и на воспоставување ред на улиците и плоштадите во Приштина а демонстрантите мирно да се разотидат. Апелираше демонстрантите да не продолжуваат да се судираат со косовската полиција. Јахјага ги повика сите политички партии „повторно да воспостават меѓусебен дијалог и да изнајдат заеднички јазик за отворените прашања, прекинувајќи го насилството на улиците“. /крај/мф/сн

Извор: Макфакс