Сиромашен маж се запали во вторникот во двор на црква во Сандански југозападна Бугарија во еден ден откако тоа го стори пред кабинетот на претседателот на држава 38-годишна жена којашто со 90 отсто од изгореници е во критична состојба, пренесуваат тамошните медиуми поставувајќи го прашањето дали се повторува бранот протести со сомозапалувања од 2013 година и 2014-та.

Станува збор за 48-годишен маж кој по 17 часот во вторникот се запалил во дворот на храмот „Свети Козма и Дамјан“ во Сандански. Брзо реагирале лицата што се нашле на местото на трагедијата и брзо го изгаснеле по што несреќникот бил хоспитализиран со 25 отсто изгореници, а на мажот кој прв му помогнал му се изгорени рацете.Според првичните информации, мажот чиј идентитет сѐ уште не е соопштен, имал психички проблеми, бил многу сиромашен и често бил гледан во близина на црквата и на гробиштата во Сандански, а според БГНЕС се хранел од милосрдие на сограѓаните. Има претпоставки дека неговото палто од лесен материјал се запалило од кандило, но очевидец пријавил дека се полеал со течност и се запалил. Во вторникот состојбата на 38-годишната Лидија Петрова, поранешна фоторепортерка во неколку софиски медиуми и агенции, која не била вработена во моментов, е во критична состојба и нејзиниот живот е во опасност. Семејството жената која била разведена, како мотиви за нејзиниот трагичен гест ги наведува стравувањата за иднината на својот 10-годишен син.Според информациите во бугарските медиуми осум лица вкупно починале од последици на самозапалувања во периодот од февруари 2013 до јануари 2014 година.Без разлика дали за случајот во Сандански ќе произлезе дека станува збор за несрќен случај, сепак двете последни несреќи ги потсетуваат медиумите на протестите во Бугарија во периодот меѓу февруари и мај 2013 година кога во екот на протестите против корупцијата меѓу политичките елити и растот на животните трошоци кога шест лица си ги одзедоа животите, исто така, со самозапалување.Според податоците на европската статистичка агенција Eurostat. сиромаштијата и општествената исклученост се закана за 48 отсто од бугарското население.Во Бугарија просечната плата изнесува 400 евра, а пензиите 100 евра, и едно од пет семејства живее под прагот на сиромаштијата. Според една неодамнешна анкета, 69 отсто од населението ја оценуваат состојбата на нивната нација како „неподнослива“.Протестите ја бутнаа владата на Бојко Борисов, но по година ипол нестабилност, тој повторно победи на вонредните парламентарни избори на 5-ти октомври и се подготвува да управува со земјата со малцинска коалиција./крај/мф/сн

Извор: Макфакс