Регион
Романскиот претседател ја одби кандидатката за премиерка

Романскиот претседател Клаус Јоханис во вторник ја одби Севил Шаидех, кандидатката на Социјалдемократската партија, за премиерка, со барање да понудат нов кандидат.
Социјалдемократската партија ја предложи Севил Шаидех, 52 годишна муслиманка блиска до Ливи Драгнеа, моќник од оваа партија кој ја загуби својата функција по осудата за изборна измама во 2012 година.
Социјалдемократската партија на 11 декември победи на изборите со големо мнозинство и заедно со своите коалициони партнери и долгогодишни сојузници АЛДЕ, освоиле мнозинство од 250 места во парламентот што има 465 пратеници, заради што коалицијата нема да има проблем со добивањето поддршка во дводомниот парламент.
Драгнеа е близок до Шаидех која доаѓа од моќна романска муслиманска заедница со околу 65.000 членови, а бил и нејзин кум на венчавката за поранешниот советник во министерството за земјоделство со потекло од Сирија.
„Внимателно ги проучив аргументите за и против, па одлучив да ја одбијам номинацијата на госпоѓата Севил Шаидех“, рече Јоханис пред новинарите.
Тој ги повика социјалдемократите и АЛДЕ да дадат нова понуда. /крај/хн/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Петков: Идејата за одлука на еден човек е уште еден обид за политички маневри

„Има оперативен состанок на Советот на министри, на кој се разговара за тоа (протерувањето на руски дипломати), има долг процес што се одвиваше и кој заврши кога Министерството за надворешни работи го направи отповикот вчера“.
Ова го изјави денеска премиерот во оставка на Бугарија – Кирил Петков по неговото сослушување во Народното собрание за протерувањето на 70-те руски дипломати, јавува „БГНЕС“.
„Идејата за одлука на еден човек е уште еден обид за политички маневри, но се надевам дека денеска се сретнаа сите пратеници. Ова е процес кој започна во март, имаме белешки од април, мај, јуни, го имавме Советот за безбедност со сите служби кои кажаа – САНС, ДАР, Воено разузнавање. Излегоа две работи, тоа е долг процес, второ беа вклучени многу служби, трето не сме во нормална ситуација во моментов, војната во Украина предизвика нова ситуација во ЕУ, особено што Русија ја прогласи Бугарија за непријателска држава“ – рече Петков.
Тој нагласи дека сега „сите се фокусираа на 70 луѓе, реално руската амбасада продолжува да има над 40 вработени, што е голема бројка во споредба со многу европски земји, работите станаа јасни“.
„Јасно беше објавено дека јас како премиер сум раководел со Советот за безбедност, но има извештај од МНР, Државната агенција за национална безбедност“ додаде Петков.
Регион
Вучиќ: Приштина подготвува општ напад на северот на Косово од 1. октомври

Српскиот претседател Александар Вучиќ се обрати до јавноста во врска со одлуката на косовските власти да ги забранат српските лични карти и по 30 септември годинава да ја укинат важноста на регистарските ознаки со имиња на српски градови „КМ“ „ГЛ“ „ПР“ „УР“ и други.
Најавите се дека по тој рок возилата кои ќе имаат вакви регистарски ознаки ќе бидат одземани.
„Од денес имаме потполна промена на ситуацијата во Западен Балкан и на Косово. Албанското раководство добило поддршка од Велика Британија и Германија, донесоа две одлуки, да се протераат Србите од Косово и Метохија. Една е со забраната на личните карти, а втората одлука е со една цел, да се протераат Србите од северот и да се направи една нова Олуја. Со години водат кампања да ги натераат Србите да ги прифатат нивните регистарски таблички“ рече Вучиќ.
Тој нагласи дека со години Србија ги трпи лагите на Западот.
„Запалија десетина наши цркви и манастири, а како награда добија независно Косово. Имавме и Бриселски договор. Ние исполнивме се, тие ништо. Тогаш решија да не малтретираат со таксите. Сето ова му го кажав на Лајчак“ изјави Вучиќ и подвлече дека Западот е арогантен со Србија затоа што немаат нуклеарно оружје и нафта.
Регион
Анкета во Србија: Вучиќ е попопуларен од Путин за само еден отсто

Српскиот претседател Александар Вучиќ е за само еден отсто попопуларен од Владимир Путин во Србија. Ова го покажало истражувањето на „Демостат“, пренесува „Н1“.
Најпопуларен српски политичар, по Вучиќ е претседателот на Република Српска – Милорад Додик, а граѓаните го доживуваат Виктор Орбан како домашен лидер.
Едно од прашањата на анкетата – истражувањето било и тоа кои луѓе граѓаните на Србија ги сметаат за најблиски кога е во прашање опкружувањето.
Секој трет испитаник рекол дека тоа се Црногорците, а четвртина ги сметаат Македонци за најблиски.
Доколку утре има референдум за влез на Србија во Европската Унија, „ЗА“ би гласале 34 отсто од граѓаните, додека 51 отсто од испитаниците се против влез во Унијата.
Истражувањето на „Демостат“ е спроведено во периодот од 13 до 22 јуни, а во него учествувале 1.203 граѓани.