Регион
Словенија од лани регистрира регрутирање за кризните подрачја, пронајдено оружје кај исламисти
Словенечките безбедносни служби од минатата 2013 година регистрирале заминување на словенечки државјани во кризните жаришта во странство, но полицијата не може кривично да ги гони бидејќи според тамошните закони тоа не претставува кривично дело, објави во четвртокот словенечката полиција, а телевизијата POT TV соопшти дека во средата во главниот град Љубљана и во Врхника биле извршени претреси на домови на лица кои се осомничени дека се бореле во Сирија на страна на џихадистите при што било запленето поголемо количество оружје.
Словенечките безбедносни служби од минатата 2013 година регистрирале заминување на словенечки државјани во кризните жаришта во странство, но полицијата не може кривично да ги гони бидејќи според тамошните закони тоа не претставува кривично дело, објави во четвртокот словенечката полиција, а телевизијата POT TV соопшти дека во средата во главниот град Љубљана и во Врхника биле извршени претреси на домови на лица кои се осомничени дека се бореле во Сирија на страна на џихадистите при што било запленето поголемо количество оружје.
Двете лица чии домови биле претресувани во средата по истрагата во средата навечер биле ослободени, бидејќи не претставувале опасност за Словенија, а ќе бидат кривично гонети за недозволено поседување оружје.
Станува збор за словенечки државјани кои преминале на исламот, под влијание на Билал Босниќ, кого полицијата во Босна и Херцеговина неодамна го уапси во рамките на акцијата „Дамаск“, а кој промоцијата на исламот ја вршел и меѓу дел од припадници на исламската вероисповед во Словенија, пренесува телевизијата POP TV.
Според тврдењата на телевизијата, која се повикува на разузнавачки извори, безбедносните служби на оваа земја се сомневаат дека под влијание на екстремниот ислам биле уште најмалку 15 лица во Словенија. Меѓу нив има и словенечки и странски државјани, а словенечките служби за нив разменуваат информации со полициите на соседните држави.
„Од минатата година регистриравме повеќе случаи на регрутирање на словенечките државјани и нивно учество во операции во кризните области, но тоа нашиот закон не го третира како кривично дело“, изјави во четвртокот на прес-конференција во Љубљана директорот на криминалистичката полиција Марјан Фанк, кого го цитира агенцијата STA.
„Словенечкиот закон самото учество во воени операции во странство или делување во странски војски не го третира како кривично дело“, додал Фанк појаснувајќи дека за кривичен прогон би требало да има сомневање дека таквите лица учествувале во терористички акции или сториле други кривични дела против човечноста, според меѓународното право.
Кога станува збор за регрутирањето борци за конфликтите во областите коишто ги контролираат екстремистите во Ирак и во Сирија, Фанк изјавил дека станува збор за релативно нова појава, па оттаму тоа не е регулирано со закони. Во врска со словенечките државјани кои се бореле во таквите единици, рекол дека соработуваа со полициите на другите држави, но дека оценуваа тоти бројот на таквите лица е минимален.
Неколку словенечки медиуми претходно седмицава, повикувајќи се на процени на словенечката разузнавачка агенција SOVA, пишуваа дека во Сирија и во Ирак на страната на џихадистите се бореле или се борат петнаесетина словенечки или странски државјани со постојан престој во Словенија./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Српската полиција под критики за Данка: „Ова е сериозен скандал“
Дека во возилото нема биолошки траги од девојчето покажаа првите резултати од ДНК-прегледот на службениот автомобил што го управувале осомничените за убиството на малата Данка Илиќ во Србија, Дејан Драгијевиќ и Срѓан Јанковиќ. Ова е спротивно на претходните информации што властите ги објавија во јавноста.
Откако во средата Вишото јавно обвинителство во Заечар потврди дека резултатите пристигнале, почнаа да пристигнуваат критики, со кои се доведува во прашање работата на полицијата.
Адвокатот Марко Пантиќ за порталот Време изјави дека целиот случај е на нестабилни нозе и дека полицијата треба да почне внатрешна контрола.
„Првите информации за ова дојдоа токму од полицијата. Доколку се додаде, дополнително, соопштението на полицијата дека еден од сведоците починал во станицата од природна смрт и резултатите од вештачењето од Белград кое покажало дека се работи за насилна смрт – ова треба да предизвика, за почеток, сериозни процедури за внатрешна контрола на работата на полицијата, а со тоа верувам дека треба да се занимава и Обвинителството во Заечар.
Сето ова многу лошо се одразува на угледот на полицијата и придонесува за уште поголем колапс на довербата во институциите, која за жал е на многу ниско ниво“, вели адвокатот за Време.
Спротивставени информации во текот на истрагата и претресот на теренот, кои не резултираа со пронаоѓање на телото на девојчето, предизвикаа критики на српската полиција.
„Сериозен скандал. Објавување лажни вести за откривање на ДНК на малата Данка, принуда на признание, смрт на осомничен при распит… Прашање е дали полицијата конструира кривично дело и случајно наоѓа сторители заради собирање ловорики кога не можат да го решат случајот Каде е обвинителството?“, напиша на „Икс“, адвокатот Владимир Тодориќ.
Криминалистот Добривоје Радовановиќ вели дека се сомнева во веродостојноста на вештачењето на примероците од автомобилот.
„Многу се плашам од тие први и подоцнежни резултати, тоа значи дека се можни секакви мешања, како е можно првото вештачење да покажува дека има траги, а второто да нема траги? Ако второто вештачење, макар и прелиминарно, покажува дека нема траги, како конечно да покаже дека ги има?“, праша Радовановиќ за Време.
Радовановиќ додава дека признанијата изнудени со помош на незаконски средства не се валидни на суд. „Често имаме ситуација кога полицијата користи незаконски средства за да присили признание. Потоа осомничените го признаваат делото, а подоцна го повлекуваат на суд. Тоа е речиси редовна појава во кривичната постапка кај нас“, посочува Радовановиќ.
Како што вели, без докази обвинението не треба да постои. „Во теорија, но во пракса не е така. Времето во кое живееме е време на организиран криминал каде се е можно“, вели криминалистот.
Адвокатот Пантиќ вели дека од правен аспект целиот случај е многу слаб.
„Излегува дека имаме неколку многу тешки и бизарни кривични дела за кои го имаме само зборот на обвинетите, тие се под притисок на јавноста во притвор и ќе бидат уште долго, во тоа не се сомневам.
Но, засега, правно, ова изгледа многу слабо и прашање е дали ќе може да биде нешто посериозно. Како да се обвини некого за убиство ако нема тело и нема начин да се утврди механизмот на одземање живот? Ако ништо друго, прво семејството на детето кое за жал почина, а второ целата јавност заслужува да добие некакво правно финале“, изјави Пантиќ за Време.
Девојчето Данка Илиќ исчезна на 26 март во Бањско поле кај Бор, а за нејзиното убиство осомничени се работниците на Бор Водовод Дејан Драгијевиќ и Срѓан Јанковиќ.
Двајцата беа уапсени на 4 април, а еден ден подоцна беа сослушани во Обвинителството во Заечар. Наводно, во таа прилика Драгијевиќ целосно го признал извршувањето на кривичното дело, додека Јановиќ наводно се бранел молчејќи. Потоа им беше изречена мерка притвор од еден месец.
Се сомнева дека Драгијевиќ и Јанковиќ со автомобил го удриле девојчето, а потоа нејзиното тело го ставиле во багажникот и го однеле до депонијата. Телото на Данка до денес не е пронајдено. Во меѓувреме, приведен е и братот на Драгијевиќ, кој почина во полициската станица во Бор.
Иако првично беше објавено дека починал од природна смрт, обдукцискиот наод на Институтот за судска медицина во Белград покажа дека тој починал од насилна смрт на 7 април во утринските часови во полициска станица.
Регион
Земјотрес во Србија
Жителите на Нови Пазар утрово ги разбуди слаб земјотрес, известуваат медиумите во Србија.
Јачината на земјотресот е 2,5 степена според Рихтеровата скала, а е регистриран во 7.37 часот.
Се проценува дека интензитетот на ударот во епицентарот е III-IV од Меркалиевата скала.
Регион
(Видео) Градоначалникот на Белград му се закани на маж и му го фрли мобилниот: Се чувствувал загрозен, објавија српските медиуми
Александар Шапиќ, градоначалник на Белград и кандидат за нов мандат на СНС, денеска предизвика инцидент и му го скрши мобилниот телефон на маж.
Имено, Шапиќ се појави на прес-конференција на која требаше да зборува за отстранување на сплавовите на савскиот насип, а потоа почна да разговара со граѓаните, што набрзо доведе до инцидентот.
По краток разговор тој почнал да си оди, кога еден од граѓаните почнал да го снима. Во тој момент Шапиќ му го зел мобилниот телефон и го скршил, пренесува Нова.рс.
Prostački napada @AcaSapic na aktiviste- otimanje telefona, razbijanje o beton i salva pretnji i uvreda tzv. gradonačelnika danas na Savskom keju. pic.twitter.com/6ImjFn9JQ1
— Petar Djuric (@Petar__Duric) May 9, 2024
Имено, како што пишува српскиот портал, мажот прашал до која година може да се легализираат дивоградбите, по што Шапиќ бурно реагирал.
На снимката се слуша како еден човек вели дека Шапиќ почнал да се заканува, со неколку пцовки, по што Шапиќ му го скршил мобилниот телефон.
Не е првпат неговите конференции да бидат обележани со физички инциденти и навреди.
Човекот кому Шапиќ му го скрши мобилниот телефон е активистот Александар Цвркотиќ, кој за Данас изјави дека го прашал кандидатот на СНС до кога може да се легализираат објектите. „Слушнав дека неговата куќа е изградена по годината пропишана со закон“, рече Цвркотиќ.