Регион
Сопругата на поранешен грчки министер побегна од психијатриска болница

Сопругата на поранешниот министер за одбрана на Грција, која е осудена за корупција, побегна од психијатриска болница, каде ја отслужувала казната.
Вики Стамати, сопруга на поранешниот министер за одбрана на Грција, Акис Цохадзопулос, во четврток побегнала од психијатриската болница во Атина. Како што јавија грчките медиуми, вратата на собата во болницата во која се лечела Стамати била скршена, а таа најверојатно побегнала преку тераса.
Таа патела од тешка депресија и префрлена е во психијатриска болница во декември 2013 година, откако наводно претрпела нервен слом и се обидела да се самоубие
Сопругата на поранешниот министер пет пати барала да биде пуштена од затвор поради лоша здравствена состојба, но била одбиена.
Полицијата соопшти дека почнала со потрага по Стамати, а покрената е и истрага за чудниот начин на кој успеала да побегне од државната психијатриска установа.
Нејзиниот сопруг Акис Цоџадзопулос, беше министер за одбрана на Грција од 1996 до 2001 година, а важеше за еден од највлијателните луѓе во социјалистичката партија ПАСОК.
Прогласен е за виновен и осуден на 20 години затвор поради примање мито од фирма за набавка на руски ракетен систем и германски подморници. Неговата сопруга е осудена врз основа на исказот кој сама го дала за нејзиниот сопруг. /крај/к/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Вучиќ и Путин ќе се сретнат во Кина

За време на посетата на Кина, претседателот на Руската Федерација, Владимир Путин, ќе се сретне со претседателот на Србија, Александар Вучиќ, изјави за медиумите помошникот на рускиот претседател, Јуриј Ушаков.
Путин ќе биде во Кина од 31 август до 3 септември, а ќе присуствува и на церемониите по повод 80-годишнината од крајот на Втората светска војна, како и на неколку билатерални средби.
Регион
Уапсена е мајката која го оставила бебето во Белград: било заврзано во кеса

По наредба на Вишото јавно обвинителство во Белград, полицијата ја уапси А.С. (2006), мајка за која постои сомнение дека го оставила своето седумдневно бебе покрај контејнер во Земун, пренесува „Блиц“.
Жената според медиумот е обвинета за обид за тешко убиство.
Бебето го пронашол случаен минувач околу 8:20 часот утрово. Било завиткано во крпи и врзано во кеса.
Според Маја Миладиновиќ, жената што го пронашла бебето, новороденчето тивко плачело, дека нејзиниот крик звучел како „мјаукање“.
– Го шетав кучето како секое утро по улицата Дунавска во Земун кога забележав дека нешто се движи зад контејнерот. Мислев дека лази, но кога се приближив видов дека е бебе. Бебето едвај дишеше и беше сино – вели таа.
Според неа, бебето било завиткано во пешкир.
Како што објави „Блиц“, детето било оставено зад контејнерот, меѓу грмушки и на куп ѓубре.
Екипата за итни случаи го транспортирала бебето во породилиштето во Земун, пишува Танјуг.
Фото: принтскрин
Регион
Министерството за внатрешни работи на Србија: Дачиќ примил плик со три куршуми во него

Српското Министерство за внатрешни работи соопшти дека вчера во зградата на владата на Република Србија е пронајден плик адресиран до вицепремиерот и министер за внатрешни работи, Ивица Дачиќ, во кој имало три куршуми.
Сомнителната пратка е откриена вчера за време на безбедносна проверка на рендгенски уред при сортирање пошта. Истрагата утврдила дека пликот бил предаден два дена претходно во филијалата на поштата на Србија во Пожаревац.
Полицијата го идентификувала и го пронашла лицето што го доставило пакетот, а истрагата за сите околности на настанот е во тек.
Министерството соопшти дека ги презема сите законски пропишани мерки и дејства со цел да се заштити безбедноста на граѓаните и на институциите.
Фото: принтскрин