Регион
Социјалдемократската партија победи на изборите во Романија

Романската левичарска Социјалдемократска партија (ПСД) победи на парламентарните избори кои во неделата се одржаа во земјата, освојувајќи повеќе од 45 проценти од гласовите, покажуваат две излезни анкети, пренесуваат светските агенции.
Лидерот на партијата, Ливиу Драгнеа изјави дека е воодушевен од предвидувањата на изборните анкети, кои покажале дека Социјалдемократската партија освоила повеќе од 45 отсто од гласачите, пренесува АР.
„Се надевам дека никој не се сомнева кој е победникот на изборите. Романците денес гласаа за економски раст, повеќе пари во своите џебови, ниски даноци и поддршка за бизнисмените“, рекол Драгнеа, додавајќи дека сака „Романија да биде добра земја сите Романци“.
„Се надевам дека во иднина нема да имаме судири“, рекол Драгнеа, наведувајќи дека наредните денови ќе започнат консулатциите за формирање на парламентарно мнозинство. Двете излезни анкети покажале дека ПСД победила на парламентарните избори, освојувајќи повеќе од 45 проценти од гласовите.
По неа следи партијата на десниот центар, Националната либерална партија (ПНЛ), која освоила помеѓу 20,7 и 21 отсто од гласовите, покажуваат анкетите. Унијата „Спасете ја Романија“, освоила меѓу 8 и 9,2 отсто од гласовите. На изборите во Романија право на глас имаа повеќе од 18 милиони граѓани./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Трета жртва од тешката сообраќајка во Сремска Митровица – почина за време на операцијата

Уште едно лице загинало по сообраќајната несреќа што се случи денес во Сремска Митровица, кога автобус се преврте и излета од патот. Ова е третата жртва на ужасната сообраќајна несреќа.
Како што објави „Н1“, лицето загинало за време на операцијата.
Како што претходно беше објавено, возачот на автобусот е приведен и во притвор до 48 часа.
Повредени се околу 80 лица. Причините за несреќата засега не се познати.
Регион
Вучиќ: Србија ќе се приклучи на развојот на руската вакцина против рак

Претседателот на Србија, Александар Вучиќ, изјави дека разговарал со Александар Кецман, директор на Институтот „Гамалеја“ во Москва, кој го информирал дека во Русија се развива вакцина против рак.
„Ми објаснија одредени работи. Имаме голем процент на заболени од рак. Оваа вакцина е поинаква, бидејќи им помага на веќе болните луѓе — не е превентивна. Може да биде успешна до 85 проценти,“ рече Вучиќ.
Тој додаде дека Србија ќе се вклучи во проектот веднаш штом Русија го дозволи тоа:
„Ќе подготвиме целосна инфраструктура за да бидеме спремни за два до три месеци. Не можеме уште да ја произведуваме, но ќе направиме сè за да бидеме подготвени.“
Вучиќ нагласи дека во Србија има повеќе случаи на малигни заболувања отколку во другите земји, што, според него, е поврзано со последиците од бомбардирањето во 1999 година.
Регион
Возачот на автобусот приведен по тешката несреќа кај Сремска Митровица: две жртви и 80 повредени

Возачот на автобусот кој денеска се преврте кај Сремска Митровица е приведен и му е одредено задржување до 48 часа, соопшти српското Министерство за внатрешни работи (МУП), пренесе „Н1“.
Во несреќата загинаа две лица, а околу 80 се повредени. 35 повредени лица се згрижени во Општата болница во Сремска Митровица, една личност е пренесена во Клиничкиот центар на Војводина, а уште една е во операциона сала. За останатите се врши дијагностика.
Автобусот на компанијата „Сирмиум бус“, кој превезувал работници од фирмата „Хелткеар“, излета од патот и се преврте на кров од засега непознати причини. Несреќата се случи околу 14:45 часот.
Полицијата го затвори патот и не дозволува пристап до местото на несреќата, а на лице место излезен е и јавен обвинител за да ја утврди причината за трагедијата.