Српските функционери реагираа остро во четвртокот на пресудата во воени злосторства Оливер Ивановиќ, еден од политичките челници на косовски Србија, а шефот на агенцијата на владата за поранешната јужна српска покраина Косово и Метохија, Марко Ѓуриќ, оцени дека изрекувањето на пресудата не мотивирано од правото, туку од политиката, порачувајќи дека е време Белград да го преиспита своето учество во преговорите со Приштина.

Откако претходно во четвртокот Оливер Ивановиќ пред Основниот суд во северниот дел на Косовска Митровица неправосилно беше осуден на девет години затвор по обвинение а воено злосторство над албански цивили во 1999 година, Марко Ѓуриќ изјави дека таа пресуда е „скандалозна“, како и дека тоа е „политичка порака за Србија“ и начин да се понижи целата држава.

Членот на српската влада за Косово и Метохија во изјават за вечерниот дневник на Радио-телевизија Србија (РТС) рече дека со пресудата претставниците на Приштина се обидуваат да изнудат продолжување на дијалогот со Белград, како и дека се создава „вештачка политичка рамнотежа“ пред најавеното формирање на судот за воени злосторства на паравојската на косовските Албанци Ослободителната војска на Косово (ОВК-УЧК) сторени над Србите, не-Албанците и Албанците во судирот од 1999/2000 година.

Ѓуриќ смета дека Приштина истовремено не спроведува ниеден сегмент од досегашните договори со Белград од Бриселскиот договор како и дека затоа сега е време српската влада и премиерот да се изјаснат за новонастанатата ситуација. „Ова е црвената линија којашто ни укажува да се запрашаме дали треба да се продолжи и како“, рече Ѓуриќ.

Вицепремиерот и министер за трговија и туризам Расим Љајиќ, пак, рече дека е „шокиран од осудителната пресуда“, и оцени дека таа може да влијае „на севкупната атмосфера којашто се создава на Косово“. Според неговата оцена, атмосферата на актуелните српско-албански односи на Косово сигурно ќе биде влошена. „Ова е пресуда која попрво е политички отколку правно мотивирана. Имаме право да веруваме во тоа“, изјави Љајиќ оценувајќи ја како „неспоива“ пресудата за воени злосторства со она што Оливер Ивановиќ го работел како политички функционер во досегашното решавање на српско-албанските односи и севкупниот косовски проблем.

Министерот за труд и социјална грижа, Александар Вулин, оцени дека пресудата за Ивановиќ претставува „силување на правдата“, оценувајќи дека таа не може да стане правосилна, како и дека претставува продолжување на практиката според којашто „правото секогаш се повлекува пред политиката“. Вулин смета дека е невозможно Ивановиќ да е осуден како убиец, а притоа ниеден сведок директно да не го довел во врска со убиството, ниту потврдил дека се „наоѓал таму“ кога злосторствата се сторени.

Адвокатот Божо Прелевиќ, потсекретар на полицијата во преодната владата по демократските промени во Србија во 20000 година, укажа на фактот дека Ивановиќ, како политички актер на српската заедница на Косово и Метохија, е осуден токму пред најавата за основање на Специјалниот суд за воени злосторства на Косово. Тој очекува дека пресудата на Ивановиќ дополнително ќе поттикне тензии и оти ќе ги „загрее страстите“ на Косово, истовремено оценувајќи дек таа укажува на поранешните сомневања дека во случајот на Ивановиќ нема доволно докази за тежината на делата со кои беше обвинет. „доколку судот во Косовска Митровица, кој има меѓународен состав на судии, заклучил дека Ивановиќ е виновен баз никакви докази, а се случува и такво нешто, тогаш тоа претставува срам за меѓународното правосудство на Косово и Метохија“, рече Прелевиќ.

Меѓународниот совет на правосудната и полициска мисија на Европската унија на Косово – Еулекс, при Основниот суд во северниот дел на Косовска Митровица со кој претседава романската судијка Роксана Комша, го осуди во четвртокот Оливер Ивановиќ, кој беше уапсен во јануари 2014 година, на девет години затвор под обвинение за сторени воени злосторства над цивили, а го ослободи другите четири лица обвинети во истиот случај./крај/мф/сн

Извор: Макфакс