Регион
Тачи: Насилството е вперено против ЕУ, САД и НАТО
Косовскиот заменик премиер и шеф на дипломатијата, Хашим Тачи насилствата за време на протестите на опозицијата во Косово во саботата ги оцени како насилства вперени против Европската Унија, САД и НАТО.
Тој коментирајќи ги саботните нереди во Приштина рече дека тие што ги организираат овие нереди се против меѓународната заедница. „Насилството е и атак врз пријателите на Косово“, нагласи Тачи.
Епилогот на вчерашните насилни демонстрации во Приштина е 24 уапсени демонстранти и повеќе повредени лица, меѓу кои десет полицајци, двајца демонстранти и двајца новинари.
Опозицијата којашто ги организираше протестите бара да си оди Владата на чело со Иса Мустафа како и ставање вон сила на договорот за Заедниците на српските општини и за демаркацијата на границата со Црна Гора.
За протестите ја обвинуваат владата, наведувајќи дека не реагирала на силно изразеното незадоволство на граѓаните. Група демонстранти во саботата гаѓаа зградата на Владата со камења и молотови коктели, а полицијата употреби солзавец./крај/мф/мн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Два земјотреси во Грција: Првиот удар 4,6 степени, а вториот 4,9
Два силни земјотреси утрово ја погодија Грција. Првиот беше со јачина од 4,6 степени според Рихтеровата скала, а вториот 4,9. Како што соопшти Европскиот медитерански сеизмолошки институт (EMSC), епицентарот бил островот Крит.
Првиот земјотрес се случил на длабочина од 10 километри, додава EMSC, а епицентарот бил на 40 километри југоисточно од градот Сити, кој има околу 9.000 жители.
Засега нема информации за жртви и материјална штета.
Регион
„Заедно до крај“: Сопружници беа пронајдени прегрнати под урнатините во Јабланица
Босна и Херцеговина на 4 октомври беше погодена од катастрофални поплави, кои однесоа човечки животи.
Тешка е ситуацијата во неколку градови во БиХ, но убедливо најтешка е во Јабланица.
Во екот на разорните поплави што ја погодија БиХ, особено е потресна приказната за брачната двојка Ирмела и Јасмин Чилиќ, чии тела прегрнати ги пронашле спасувачите под урнатините во Јабланица.
Тие останале еден со друг до крај, но за жал не можеле да се извлечат. Биле познати во нивната заедница како топли и грижливи луѓе, а нивната љубов и поврзаност послужија како инспирација за многу луѓе.
Регион
Две лица загинаа во пожар во стан во Белград
Две лица загинаа во пожар во Белград, потврдија за РТС од итната помош.
Пожарот избувнал околу 05:30 часот во стан на вториот кат во Раковица.
Противпожарните екипи се уште се на терен.