Регион
Телото на рускиот пилот пренесено во Турција и ќе биде предадено во Русија

Посмртните останки од рускиот пилот кој беше убиен од страна на туркменските бунтовници во Сирија откако Турција го собори во вторникот неговиот авион, биле префрлени во Турција во саботата навечер и ќе ѝ бидат предадено на Русија, изјави во неделата турскиот премиер Ахмет Давутоглу и додаде дека приоритет за неговата земја е да ги задржи сите канали за врска со Русија.
Со останките на пилотот се постапува според православната христијанска традиција, изјави премиерот Ахмет Давутоглу на прес-конференција во Анкара, пред да замине во Брисел на средбата со челниците на Европската унија која е посветена на имигрантите, пренесе агенцијата Anadolu.Аташето за медиуми на руската амбасада во Анкара, Игор Митјаков, изјави за агенцијата ТАСС дека телото на убиениот руски пилот Олег Пешков денеска ќе им биде предадено на руските дипломати во Турција. Според него најверојатно уште во недела тоа ќе биде доставено во Русија.Давутоглу изјави дека и во иднина би можеле да се случуваат слични инциденти, доколку не се разменуваат информации и не се воспостави координација, имајќи предвид дека во Сирија дејствуваат различни коалиции со различни цели. „Нашиот приоритет е да ги задржиме отворени сите канали за комуникација со Русија“, рече Давутоглу, имајќи предвид дека Москва по соборувањето на нејзиниот „Су-24М“ во близина на сириско-турската граница еднострано ја прекина воената комуникација со турската страна.Давутоглу, исто така, како и претходно во саботата претседателот Реџеп Тајип Ердоган, изјави дека за Русија економските односи со Турција се исто толку важни како и за Турција со Русија, откако рускиот претседател Владимир Путин го потпиша указот за воведување специјални економски мерки против Турција поради инцидентот со авионот.„Обидите да ѝ се наметне на турската страна одговорноста е нелегално од гледна точка на меѓународното право, како од добрососедското пријателство меѓу Русија и Турција. Доколку се сака да се види одговорноста, неопходно тоа да почне од земјата која многупати претходно го нарушуваше нашиот воздушен простор. Последните изјави од руска страна, не може да се гледаат од аспект на добрососедство“, рече Давутоглу./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Вучиќ: Суштината на обоената револуција е Србија да биде најслаба во регионот, а јас да клекнам пред сите

Српскиот претседател Александар Вучиќ денес изјави дека суштината на обоената револуција е дека Србија мора да биде послаба во споредба со сите во регионот, како и тоа тој да биде неспособен претседател, кој би клекнал пред сите што не ѝ посакуваат добро на Србија, пренесуваат медиумите во соседството.
„Тоа е суштината на обоената револуција. Србија мора да биде скромна и секогаш мора да биде послаба од Хрватска и од сите други во регионот за да може да бидат задоволни“, рече Вучиќ во Палатата на Србија одговарајќи на новинарско прашање.
Вучиќ рече дека денес не е случај Србија да е најслаба во регионот, иако е посиромашна од другите, туку дека, од друга страна, напредува побргу од другите, што никому не му одговара.
„Тоа е една од причините зошто го прават тоа бидејќи би сакале да имаат некомпетентен претседател, кој би клекнал на колена пред сите оние што не ѝ посакуваат добро на Србија“, рече Вучиќ.
Тој ги обвини луѓето, за кои тврди дека се водачи на блокади, дека ја мразат Србија и ѝ посакуваат најлошо на својата земја наведувајќи дека поради нив, земјата е во тешка ситуација бидејќи „ја намалиле стапката на раст, го уништиле туризмот, како и многу економски гранки“.
„Дури и меѓу блокадите има такви што ја сакаат Србија, но не може да се одвојат од овие водачи – новинари, професори и политичари. Тоа е еден од проблемите“, рече Вучиќ, пренесува „Бета“.
Регион
Поради силни ветрови, во прекин фериботскиот сообраќај во Грција

Фериботскиот сообраќај во Егејското Море во Грција денес беше прекинат поради силни ветрови, кои достигнаа брзина од 60 километри на час, поради што илјадници туристи не можеа да одат до своите планирани дестинации.
Забраната за пловидба, која ќе биде во сила денес најмалку до 13 часот по локално време, важи во сите поголеми пристаништа во Атика, а само фериботите на неколку линии во областа Аргосароникос сè уште пловат, објавува „Јуроњуз“.
Пристанишните власти чекаат ветерот да стивне за да може да се укине забраната за пловидба.
Пловењето кон островите Киклади беше прекинато во пристаништето Рафина иако екскурзиите до Мармарис на островот Кос продолжија според планот.
Фериботите не сообраќаат од Пиреја, а пловидбата во пристаништето Лаврио е прекината во правец на Китнос и Агиос Маринас и Неа Стира.
Илјадници патници не можеа да го почнат своето патување утрово поради прекин на пловидбата и чекаат да одат на своите дестинации.
Грчката крајбрежна стража им советува на патниците да се консултираат со компанијата чиј ферибот треба да ги превезува кога ќе бидат можни нови поаѓања, како и да ги избегнуваат пристаништата на кои се појавил сообраќаен метеж.
Метеоролошката служба прогнозира дека силните ветрови ќе траат најмалку до недела, што би можело да влијае на фериботскиот сообраќај.
Поради оваа причина, властите им препорачаа на туристите да стапат во контакт со локалните пристанишни власти и компании пред да заминат.
Регион
Гори во Грција: издадена наредба за итна евакуација

Голем шумски пожар избувна денес во областа Каравадос на грчкиот остров Кефалонија, а издадена е наредба за евакуација на три области, јавуваат грчките медиуми.
Пожарот избувнал во земјоделска и шумска зона, а ангажирани биле 20 припадници на противпожарната служба со седум возила, како и членови на планинската спасувачка служба и волонтери, објави „Катимерини“.
„Доколку се наоѓате во областите Каравадос, Доризата и Керамис, засолнете се и упатете се во правец на Аргостоли. Следете ги упатствата на властите“, се наведува во известувањето на противпожарната служба.
Четири авиони и два хеликоптера исто така помагаат во гаснењето на пожарот, пишува грчкиот весник.
Фото: принтскрин