Тројца турски војници се убиени, а уште еден е ранет во судир со припадници на забранетата Работничка партија на Курдистан (PKK) во окрузите Хани и Личе во југоисточната провинција Хани, додека полициски офицер е ранет откако курдските герилци нападнале полициска станица во округот Баглар.

Во соопштението на Генералштабот на турската армија издадено во средата, се истакнува дека утрото двајца подофицери од специјалните сили ги загубиле животите а ранет е нивен колега во судир со борците на Работничката партија на Курдистан (PKK) во Хани, кога герилците се обиделе да се приклучат на група од околу 150 луѓе, кои формирале човечки штит на главниот пат кој ја поврзува Дијарнбекир со соседната покраина Бингол.

Засега РКК не се огласи со вообичаено соопштение во врска со овој судри, истакнува електронското издание на весникот Hurriyet.

Во одделна изјава, турскиот Генералштаб соопшти дека, исто така, во средата поручник им подлегнал на повредите во болница, каде бил донесен во вторникот попладнето по судир во округот Личе, кога беше убиен едена и беа ранети уште тројца негови соборци.

Во истото соопштение се наведува дека од воената болница во Дијарбекир во средата биле испратени во нивните родни места ковчезите со посмртните останки на други тројца војници кои загинаа во судирите со PKK претходните денови.

Во средата, исто така, во напад на курдските сепаратисти врз полициска станица во округот Баглар во покраината Дијарбекир, бил ранет еден полициски офицер. Војската објави дека по сите напади се започнати операции за откривање и „неутрализирање“ на напаѓачите, што подразбира нивна ликвидација./крај/мф/сн

Извор: Hurriyet