Регион
Ципрас меѓу најнепопуларните лидери на партии во Грција

Нова анкета покажа дека грчкиот левичарски премиер Алексис Ципрас е меѓу најмалку популарните лидери на партии во својата земја, а од него помалку омилени се само неговиот коалиционен партнер – десничарскиот популист и шефот на една неонацистичка партија.
Истражувањето исто така покажува дека 87 отсто од испитаниците се против намалување на приходите што го бараат доверителите, како и против економската реформа наметната на Грција со најновиот договор за кредитна помош, кој премиерот Ципрас го потпиша минатата година.
Некогаш обожаван, Ципрас сега е на шесто место според популарноста меѓу лидерите на осум партии застапени во парламентот, со 24 позитивни оценки.
Тоа е далеку зад конзервативниот лидер на опозицијата Кирјакос Мицотакис, кој го зазема првото место со рејтинг од 45 позитивни оценки.
Резултатите на телефонската анкета The Public Issue беа објавени во среда, а беше направена врз 1.005 испитаници во периодот од 18 до 25 ноември, со маргина на грешка од 3,2 отсто. /крај/со/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Двокатен автобус oд Косово се заглави под подвозник во Загреб

Автобус од Косово се заглави пред најпознатиот подвозник во Загреб на улицата Мирамарска.
Возачот на автобусот се обидел да помине под подвозникот висок 3,65 метри.
Инцидентот предизвикал голем метеж во градското подрачје, пренесе „Индекс“.
Регион
Парламентарни избори во Албанија, Рама се бори за четврти мандат, а Бешира за враќање на власт по 12 години

Албанците денес гласаат на 11, парламентарни избори по падот на комунистичкиот режим. Право на глас имаат 3.721.116.
Лидерот на Социјалистичката партија Еди Рама, кој е премиер од 2013 година се бори за четврти мандат, а Сали Бериша, поранешен премиер и лидер на Демократската партија, се надева на враќање на власт по 12 години.
На овие избори, првпат, ќе гласа и албанската дијаспора. Прифатени се апликации на 245.93 лица надвор од земјата.
Во 12 изборни единици, на 5.225 избирачки места Албанците гласаат за 140 нови пратеници.
Регион
Српски бизнисмен брутално претепан во Загреб, крвав лежел пред хотел

Саша Мирковиќ, српски претприемач, музички продуцент и сопственик на „Хајп телевизија“, бил претепан пред хотел во центарот на Загреб, објавија српските медиуми.
Според нивните наводи, Мирковиќ и уште еден маж се сретнале на влезот во хотелот, по што дошло до вербален конфликт кој прераснал во физичка пресметка. Српски Телеграф објави снимки на кои се гледа како крвавиот Мирковиќ лежи на тротоарот, веднаш по тепачката.
Набрзо пристигнала брза помош и го однела во болница.