Политичкиот аналитичар Неџмедин Спахиу рече дека Србите не можат така лесно да го прифатат државјанството на Косово бидејќи, според него, голем дел од албанската заедница не верува дека таа „држава ќе постои за неколку години“, пренесува Клан Косова.

„Мислам дека не е проблем што голем дел од српското малцинство не ја признава државата Косово, туку проблемот лежи во албанската заедница, поради што е создадена државата Косово и која на Косово гледа со скептицизам“, оценува Спахиу.

Политичкиот аналитичар отиде чекор понатаму за да го опише својот песимизам.

„Имам неколку десетици облози со мои блиски луѓе дека по три, десет или 20 години нема да постои држава Косово, што значи дека луѓето не веруваат во држава Косово. Како ќе го убедиме српското малцинство, кое не може така лесно да ја прифати новата реалност, не може така лесно да ја прифати државата Косово, кога голем дел од Албанците не веруваат дека државата Косово ќе постои“, изјави Спахиу за магазинот Инфо.

Авионот на компанијата Ер Србија, Ербас 319, кој летал на релација Тиват – Белград, во вторникот околу 15 часот и 45 минути морал принудно да слета поради дефект на моторот, јавува Нова.рс.

– Тоа беше нешто како удар на гром. Авионот губел и менувал напојување, а една патничка видела искри под нејзините нозе и испуштање гориво од резервоарот во морето. Околу половина час кружевме над Бока Которска, а луѓето на копно забележаа дека од авионот излегува голема количина чад. Меѓу патниците имало и луѓе со мали деца кои почнале да плачат – вели патникот.

Тој додава дека во првите десет минути од летот екипажот не дал никакво објаснување, што уште повеќе ги загрижило патниците.

– Тогаш не известија дека има дефект на моторот и дека мораме да направиме подготовки за слетување на аеродромот во Тиват. Следеше стандардната процедура во таква ситуација, а тоа дополнително ги исплаши патниците, особено странците – додава патникот.

– Механичарите го прегледуваат авионот, а патниците чекаат нови информации за летот. Некои поради страв се откажале од денешниот лет и им помогнала аеродромската служба – изјавила патничката,пренесе 24часа.хр.

Момче од Хрватска пријавило во полиција дека додека чистел бунар во Мали Гревац извадил торба во која имало бомби.

На местото на настанот излегол полициски службеник за антиексплозивна заштита. Испитувајќи ја вреќата и извадената кал од бунарот, открил:

8 струјни мини за тромбон,
13 бомби М-75,
6 бомби М-52,
100 грама експлозив ТНТ,
24 парчиња артилериска муниција калибар 20 мм,
3 патрони за автоматска пушка и
10 парчиња муниција од различен калибар

Сето горенаведено е безбедно отстрането и складирано во магацинот за смртоносна опрема до уништување, соопшти полицијата, пренесе хрватски Индекс.