Турскиот претседател Тајип Реџеп Ердоган и неговиот албански колега Бујар Нишани, свечено во средата во Тирана го означија почетокот на изградбата на големата џамија којашто ќе ја финансира турската муслиманска заедница.

Џамијата, чиешто градење ќе чини 30 милиони евра, ќе биде завршена за малку повеќе од две години, а ќе покрива површина од околу 20.000 квадратни метри и ќе може да прими 4.500 верници.

Претставникот на муслиманската заедници во Тирана, Генти Круја, изјави дека џамијата ќе биде најголемата на Балканот.

Според неодамнешните процени, повеќе од половината, односно 56 отсто од Албанците се муслимани, 15 се католици, а 11 проценти се православни.

„Сакаме брзо да ги завршиме работите за да им ја подариме на нашите албански браќа“, изјави турскиот претседател Ердоган на заедничката прес-конференција со албанскиот колега Нишани.

Џамијата ќе биде дел од Исламскиот центар, кој опфаќа и конференциски сали, изложбени процеси, библиотеки и музеи, а се наоѓа во самиот центар на албанската престолнина, во близина на католичкиот и православниот соборни храмови.

„Музејот на соживотот, кој исто така ќе биде изграден во близина на џамијата во Тирана ќе биде симбол на верската толеранција“, додаде Ердоган.

Турција е четвртиот економски партнер на Албанија, а турските инвестиции во оваа земја и достигнуваат речиси 2,7 милијарди американски долари./крај/мф/мн

Извор: Макфакс