Регион
Турција воведе визи за Сиријците
Владата во Анкара воведе во петокот визи за Сиријците кои доаѓаат во Турција со авион или брод за да го сопре приливот на мигранти од државата која е разрушена со војната.
Турското министерство за надворешни работи соопшти дека целта на новите прописи ќе го намали бројот на Сиријци кои влегуваат во Турција индиректно од трети држави како Либан и Египет.
Многу бегалци се обидуваат да влезат во Турција од овие држави со цел да го продолжат патот кон Европската унија. UNHCR соопшти дека 800.000 лица допатуваа со бродови во Грција од Турција во 2015 година, од кои повеќето се Сиријци.
Сиријците кои пристигнуваат во Турција директно од Сирија и натаму се добредојдени како бегалци, рече портпаролката на министерството истакнувајќи дека Анкара ќе ја задржи политиката на отворени врати.
Меѓутоа, активистите за човекови права се жалат дека стварноста на теренот е многу поинаква. Турските погранични сили ги враќаат бегалците назад во Сирија.
Кон крајот на ноември, Турција и ЕУ постигнаа договор со кој Анкара се обврза дека ќе стори се за да сопре прилив на бегалци во Европската унија. /крај/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Два земјотреси во Грција: Првиот удар 4,6 степени, а вториот 4,9
Два силни земјотреси утрово ја погодија Грција. Првиот беше со јачина од 4,6 степени според Рихтеровата скала, а вториот 4,9. Како што соопшти Европскиот медитерански сеизмолошки институт (EMSC), епицентарот бил островот Крит.
Првиот земјотрес се случил на длабочина од 10 километри, додава EMSC, а епицентарот бил на 40 километри југоисточно од градот Сити, кој има околу 9.000 жители.
Засега нема информации за жртви и материјална штета.
Регион
„Заедно до крај“: Сопружници беа пронајдени прегрнати под урнатините во Јабланица
Босна и Херцеговина на 4 октомври беше погодена од катастрофални поплави, кои однесоа човечки животи.
Тешка е ситуацијата во неколку градови во БиХ, но убедливо најтешка е во Јабланица.
Во екот на разорните поплави што ја погодија БиХ, особено е потресна приказната за брачната двојка Ирмела и Јасмин Чилиќ, чии тела прегрнати ги пронашле спасувачите под урнатините во Јабланица.
Тие останале еден со друг до крај, но за жал не можеле да се извлечат. Биле познати во нивната заедница како топли и грижливи луѓе, а нивната љубов и поврзаност послужија како инспирација за многу луѓе.
Регион
Две лица загинаа во пожар во стан во Белград
Две лица загинаа во пожар во Белград, потврдија за РТС од итната помош.
Пожарот избувнал околу 05:30 часот во стан на вториот кат во Раковица.
Противпожарните екипи се уште се на терен.