Подморница под знаме на турската воена морнарица изнурка во понеделникот во непосредна близина на пловило на крајбрежната стража на Грција, чиј екипаж имал конфликт со турски рибари.

Турските рибари ловеле во близина на островите Чатал и Акијарпар во водите на Егејското Море, во близина на брегот крај градот Бодрум. Според агенцијата Dogan, рибарите својот улов го барале во територијалните води на Турција.Допловувајќи од грчкиот остров Кос, бродот на крајбрежната стража на Грција се приближил до турските рибари на 50-ина метри и барал од нив да се повлечат кон брегот, меѓутоа рибарите продолжиле со ловот. По два часа во непосредна близина на грчкиот брод се појавила турската подморница, а на нејзината палуба излегол офицер. По кусата тензична ситуација и препирка меѓу капетаните на двата брода, грчкиот брод земал курс кон островот Кос, а турската подморница нурнала.Конфликтите меѓу рибарите и крајбрежните стражи на Турција и на Грција зачестија во последно време во атмосфера на влошување на турско-грчките односи поради подводните истражувања на наоѓалишта на нафта и гас од шкрилци. Во почетокот на октомври Анкара објави дека по барање на непризнаената Република Северен Кипар, која го претставува турското население на поделениот медитерански остров, започнала со сеизмички истражувања во областа каде што веќе подводни дупчења вршат италијанска и јужнокорејска компанија по барање на Република Кипар, која ги претставува грчките жители и е членка на Европската унија. Турција често испраќа до брегот на Кипар истражувачки и воени бродови. Атина и Никозија ја обвинуваат затоа Анкара за кршење на сувереното право на островската земја на експлоатација на шкрилците во нејзиното подморје./крај/мф/сн

Извор: Dogan