Регион
Во Шпанија соборен хеликоптер со дрога управуван од познат албански пилот

Официјална Тирана информираше дека еден хеликоптер со дрога кој бил управуван од страна на познат албански пилот бил соборен во Шпанија.
Веста ја потврди и албанскиот премиер Еди Рама, кој во четвртокот информираше дека Шпанија официјално ја информирала Албанија околу овој тежок скандал во кој животот го загубиле и пилотот и неговиот придружувач. Според информацијата што ја добило албанското МНР, станува збор за хеликоптер кој од Мароко пренесувал еден тон хероин во Шпанија, а по паѓањето на хеликоптерот загинал и албанскиот пилот мајорот Сокол Фета, еден од најлојалните пилоти во албанското воздухопловство.
Мајорот Фета, според првичните информации, работел како пилот 18 години и обучувал пилоти во центарот за обука на пилоти во базата Фарка.Жестоката дебата се префрли во албанскиот парламент каде што опозицијата го обвини премиерот Рама дека ја претворил Албанија во земја на дрогата, слична како Колумбија./крај/мн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
На улиците во Атина температурата е повисока од 70 степени

Грците стоички го поднесуваат топлотниот бран кој, според метеоролозите, ја „пржи“ земјата и кој ќе трае до крајот на неделата. Улиците се пусти, животот како да замрел, на плажите, што ретко се гледа, речиси и да нема капачи, пишуваат медиумите во регионот.
Моментално, според написите, постои опасност од пожар на Халкидики, Тасос и Евија, а воведени се посебни мерки за заштита на локалното население и туристите.
Вчера, во раните утрински часови, термалните камери веќе регистрираа температура од над 70 степени на асфалтот и зградите во Атина. Акрополо како главна атракција во Атина е затворена за посета од 12:00 до 17:00 часот. Улиците се исто така пусти, има многу помалку сообраќај, туристите се ограничуваат на прошетки низ тесните улички и посета на Националниот парк. Грчките власти отворија во секоја општина јавен простор со климатизација каде што жителите и гостите можат да се заштитат од топлината, на некои места во центарот, особено на Синтагма, се делат шишиња со вода. Сите работи на отворено се забранети, работата на службите за брза достава е ограничена.
Топлотниот бран ја зафати целата земја, а опасноста од пожари е зголемена, особено во таканаречените портокалови зони кои моментално се прогласени во централна Грција, источен Пелопонез и јужните острови. Сепак, се стравува дека ветерот ќе се засили кон крајот на неделата, што би можело да предизвика нови пожари. Досега се регистрирани 40 пожари дневно, најдраматичен беше во Коринт, каде што во изминатите два дена изгореа 1.200 хектари борова шума и десетина куќи, населението беше евакуирано од шест општини, од кои Кастања беше најтешко погодена, според написите.
Фото: принтскрин
Регион
Седумгодишно дете се удави во Грција: уапсени се родителите

Родителите на седумгодишно дете се уапсени од страна на грчката крајбрежна стража под обвинение за изложување на малолетник на опасност, а досието за случајот веќе е испратено до надлежниот обвинител, јавуваат тамошните медиуми.
Седумгодишното дете инаку француски државјанин според последните информации, носело маска за пливање и пловело во водата, без да се движи, а неговите родители првично мислеле дека само си игра но подоцна забележале дека не реагира. Капачи, спасители на EKAB се упатиле кон местото на настанот, но и покрај нивните напори, детето починало. Според написите во тамошните медиуми детето наводно јадело храна два часа пред да влезе во водата, пишува „Неакрити“.
Според официјалното соопштение на Крајбрежната стража „вчера напладне, Пристанишната управа на Ираклион беше информирана дека 7-годишен странец (француски државјанин) е извлечен во несвест од плажата Маде во општина Малевизи.
Во написите се наведува дека 7-годишниот Французин бил на Крит со своите родители на неколкудневен одмор. Вчера, тие отишле како семејство на плажата Маде за да се искапат попладне.
Во еден момент, 7-годишникот ја изгубил свеста додека пливал, а спасувачот го лоцирал и го извлекол од морето. Со извршување на кардиопулмонална реанимација врз него, тој бил вратен во живот и со амбулантно возило на EKAB бил транспортиран во болница.
За инцидентот е наредена обдукција за да се разјаснат причините за неговата смрт.
Регион
Скокнал од карпа висока 17 метри: германски турист повреден додека скокал во морето во Хрватска

Напливот на адреналин речиси довел до трагедија на една од плажите во Хрватска, но поради брзата интервенција на надлежните служби, германски турист, кој бил повреден додека скокал во морето, бил спасен, пренесуваат медиумите во регионот.
Инцидентот се случил во средата доцна попладне, на плажа во Хрватска. За да му се помогне што побрзо на туристот на непристапниот терен, на плажата слетал хеликоптер, пишува „Нови лист“.
Повредениот турист бил префрлен со хеликоптер во болница и, според последните информации, неговиот живот е надвор од опасност.
Вистинската драма на популарната плажа ја виделе капачите.
Пет туристи решија да скокнат во морето од карпа висока 17 метри, која во Брсеч се нарекува Лозаров столб.
Првиот скок, иако многу ризичен, помина без проблем, но за време на вториот скок, еден од нив се повреди и му беше потребна медицинска помош, раскажуваат тие.
Благодарение на извонредната координација на службите за итни случаи, за кратко време пристигнаа и пожарникари од Опатската противпожарна станица, а повредениот турист беше спасен.
Фото: принтскрин