Дамир Слаковиќ, по потекло до црногорскиот пристанишен град Бар, кој се борел на страна на џихадистичката Исламска држава, загинал на боиштето меѓу Сирија и Ирак, пренесуваат во средата медиумите во Подгорица.

Дамир Слаковиќ на Исламската држава кон крајот на 2014 година и, како што дознаваат тамошните медиуми, е четвртиот државјанин на Црна Гора кој загинал борејќи се на страната на џихадистите, во чии редови наводно во моментов се наоѓал и неговиот сограѓанин Адем Мустафиќ.

Слаковиќ неодамна на црногорската јавност ѝ станал познат откако преку Facebook им се заканувал на неколку познати граѓани и политичари од Бар, наведувајќи дека ќе „дојде и оти нема да има милост“. Меѓу другите, им се заканувал и на тројца пратеници муслимани во црногорскиот парламент. Неговото семејство претходно негирало дека тој е на боиштето во Сирија.

Пред извесно време во Сирија загинал и Мирза Хаклај, еден од актерите во снимката на која Исламската држава се заканува со напади на Балканот, потсетува весникот Dan. Оваа видео снимка под називот „Честа е во џихадот, порака за Балканците“, ја Ел Хиџат пропаганден ресурс за ширење на пораките на исламистите.

Претходно, уште на 15-ти мај 2013 година, беше објавено дека уште двајца црногорски државјани, Адис Салиховиќ алијас Абу Мердија од Рожаје и Елдар Кундаковиќ (Аби Бер) од Нови Пазар, загинале во Сирија како „искусни борци“./крај/мф/сн

Извор: Макфакс