Илјадници демонстранти ноќта во средата спроти четвртокот жестоко протестираа пред грчкиот парламент, кој рано изутрината го усвои пакетот реформи како услов за финансиска помош.

Додека пратениците водеа жолчна расправа околу тоа дали треба да бидат прифатени реформите, демонстрантите пред парламентот со молотови коктели фрлаа врз полицијата, која им возврати со солзавец.

Демонстрантите ги повикаа пратениците да кажат „не“ на мерките на штење, а не изостанаа сцените кои беа чести на атинските улици, откако започна грчката должничка криза.

Одредени медиуми јавуваат дека улиците на Атина изледаат како да се одвивале вистинска војна, има запалени автомобили, траги од изгорени бензин на плошниците, а 50 демонстранти се упасени.

Состојбата во текот на ноѓта се смири, но во наредните денови можно е да уследат нови протести на Грците кои не сакат да ги прифатат условите кои им ги наметна Европа.

Грчкиот парламент го усвои пакетот реформи, кои вклучуваат зглемување на даноците и кревање на старосната граница за заминување во пензија.

По жестоката расправа која траеше повеќе од четири часа, 229 од 300 пратеници гласаа „за“, 64 „против“, а шестмина беа воздржани.

Против или воздржани беа 38 пратеници на владејачка партија Сириза на премиерот Алексис Ципрас  кој неволно ги повика пратениците да гласаат за непопуларните реформи.

Меѓу истакнатиот членови на Сириза кои беа против мерките се поранешниот министер за финансии Јанис Варуфакис, министерот за енергетика Паниотис Лафазанис и заменик министерто за труд Димитрис Стратоулис.

Против беше и претседателката на парламентот Зое Констатополу, која ја напушти салата пред гласањето, а потоа се врати и одржа остар говор во кој го осуди „црниот ден за демократијата во Европа“.

Повеќе од половината членови на централниот одбор на Сириза потпишаа изјава со која го осудија пакетот мерки, нарекувајќи го државен удар на европските лидери против Грција.

Илјадници граѓани излегоа во средата вечерта на атинските улици и цел ден учествуваа во низа мирни маршови против новиот пакет помош со кој Грција би се спасила од банкрот.

Во средата во знак на протест против мерките државните службеници започнаа 24-часовен штрајк, а апотекарите ги затворија аптеките. /крај/мф/ап

Извор: Макфакс