Свет
Рубио најави нови санкции кон Куба: „Тие ја загрозуваат националната безбедност на САД“
Американскиот државен секретар Марко Рубио во четврток најави нови санкции против воено-индустрискиот комплекс на Куба и неговата државна компанија за природни ресурси, зголемувајќи го притисокот врз кубанските лидери со таргетирање на изворите на странски инвестиции.
Претседателот на САД, Доналд Трамп, минатата недела потпиша извршна наредба со која се прошируваат санкциите на САД против Куба. Според наредбата, администрацијата на Трамп ги таргетира Grupo de Administracion Empresarial S.A. (GAESA), воен конгломерат за кој американските претставници велат дека контролира најмалку 40 проценти од кубанската економија, и нејзиниот извршен директор, Анија Гилермина Ластрес Морера.
Мерките се насочени и кон Moa Nickel SA, заедничко вложување помеѓу Sherritt International Corp со седиште во Торонто и кубанската државна компанија Nickel, која рудари никел и кобалт.
Администрацијата на Трамп, исто така, строго ги ограничи патувањата и дознаките од САД на островот и презеде чекори за да ги одврати регионалните сојузници од вработување кубански лекари, долгогодишна програма промовирана од Куба во име на солидарност, но исто така и главен извор на цврста валута.
„Денешните санкции покажуваат дека администрацијата на претседателот Трамп нема да стои настрана додека комунистичкиот режим на Куба ја загрозува нашата национална безбедност“, објави државниот секретар Рубио на Икс.
„Ќе продолжиме да преземаме мерки сè додека режимот не ги преземе сите потребни политички и економски реформи“, додаде тој.
Со децении, САД бараат Куба да ја отвори својата државна економија, да плати надомест за имотот запленет од владата на поранешниот лидер Фидел Кастро и да одржи „слободни и фер“ избори. Куба изјави дека нејзината социјалистичка форма на владеење е непреговарачка.
Високи кубански функционери го обвинија Вашингтон дека „навестува воена акција“ за „ослободување“ на Куба и велат дека децениските американски санкции против владата на островот се причина за нејзините економски и социјални проблеми.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Мелони по расправијата со Трамп: Време е за враќање во нормала
Италијанската премиерка Џорџа Мелони изјави дека односите меѓу Италија и САД треба да се вратат во нормала по минатонеделната јавна расправија со американскиот претседател Доналд Трамп.
„Немам намера да продолжам да ја разгорувам оваа расправија“, изјави Мелони во интервју.
Во петокот, Мелони го обвини Трамп дека измислил приказна за неа, откако американскиот претседател за италијанска телевизија изјави дека таа го „молела“ да се фотографира со неа на неодамнешниот самит на Г7 во Франција.
Мелони одговори дека „ниту таа, ниту Италија никогаш не молат“ и порача дека билатералната соработка меѓу Италија и САД треба да се врати во нормални рамки.
Таа нагласи дека не очекува негативни последици врз односите меѓу двете земји и оцени дека тие остануваат добри.
Спорот дополнително се заострил откако италијанскиот министер за надворешни работи Антонио Тајани соопштил дека го откажува планираното патување во САД поради навредливите изјави на Трамп.
Свет
(Видео) Пожар во облакодер во Мадрид
Пожар избувна во облакодерот Торе Моеве во Мадрид, каде што се наоѓа седиштето на шпанската енергетска компанија Moeve.
Поради густиот чад, зградата беше евакуирана, а вработените и другите присутни беа изведени надвор. Според полицијата, пожарот подоцна бил ставен под контрола и нема повредени.
Hace unos 15 minutos se oyó una explosión en la torre de Moeve, en la 4 torres en Madrid pic.twitter.com/gChyIEGIe1
— ArturoCrosby (@ArturoCrosby) June 23, 2026
Сведоци изјавиле дека чадот почнал да се шири уште пред да се вклучи противпожарниот аларм. Причината за пожарот засега не е позната.
Hace unos 15 minutos se oyó una explosión en la torre de Moeve, en la 4 torres en Madrid pic.twitter.com/gChyIEGIe1
— ArturoCrosby (@ArturoCrosby) June 23, 2026
Свет
Зеленски му предложил на Трамп да го донесе Путин на самит во САД
Украинскиот претседател Володимир Зеленски му предложил на американскиот претседател Доналд Трамп да организира самит во САД на кој би присуствувал и рускиот претседател Владимир Путин.
Според украински извори, Зеленски смета дека на Путин би му било многу потешко да одбие покана од Трамп отколку директна покана од Киев. Наводно, Трамп позитивно ја примил идејата, но американски претставници посочуваат дека таква средба не треба да се очекува во блиска иднина.
Предлогот доаѓа во време кога Украина ги засилува нападите врз руска територија, со цел да изврши притисок врз Кремљ за посериозни мировни преговори.
За време на неодамнешната средба, Зеленски и Трамп разговарале и за противвоздушната одбрана на Украина и можноста за лиценцирано производство на ракети за системот Патриот во Украина.
(Видео) Здодевен меч – Ремизираа Англија и Гана
Англија и Гана одиграа 0:0, во второто коло во Л групата на Светското првенство. Двете репрезентации имаат по четири бода...
Претседателот на Атлетико: Барселона ги лажат сите, презедоа операција што се неспособни да ја реализираат
Атлетико Мадрид повторно се огласи по повод Хулијан Алварез и неговата желба да го напушти клубот. Првиот човек на Атлетико,...
Валанчунас се враќа дома
Центарот на Денвер, Јонас Валанчунас (34), ќе ја продолжи својата кариера таму каде што сè започна, во Литванија. Според порталот...
(Видео) Два гола на Роналдо – Португалија пукна петарда во голот на Узбекистан
Португалија ја забележа првата победа на Светското првенство и обезбеди место во нокаут фазата. Португалците со 5:0 (3:0) го победија...
Невреме се приближува кон Велес
Нестабилното време кое во текот на денот зафати повеќе делови од државата продолжува и во вечерните часови. Според последната информација...
Лина Ѓорческа: Не се оптеретувам, одам меч по меч
За Топспорт од Вимблдон: Ненад Живановски-Столиќ Со успешен настап во првото коло на квалификациониот турнир во Вимблдон, во кој Лина...
Мелони по расправијата со Трамп: Време е за враќање во нормала
Италијанската премиерка Џорџа Мелони изјави дека односите меѓу Италија и САД треба да се вратат во нормала по минатонеделната јавна...
(Видео) Пожар во облакодер во Мадрид
Пожар избувна во облакодерот Торе Моеве во Мадрид, каде што се наоѓа седиштето на шпанската енергетска компанија Moeve. Поради густиот...
Филков до опозицијата: Во првите две години носиме повеќе од 30 реформски закони со кои ги исправаме долгогодишните слабости во системот
Министерот за правда Игор Филков на амандманската расправа за Предлог-законите за судска служба и за јавнообвинителска служба, упати порака до...