Свет
Tрамп или Камала за Папата е избор помеѓу две зла

Папата Франциско им порача на американските католички гласачи дека треба да гласаат „за помалото зло“ на претседателските избори во ноември, имајќи предвид дека антиимигрантската политика на републиканскиот кандидат Доналд Трамп и поддршката на демократската кандидатка Камала Харис за правото на абортус се „против животот“.
„Човек мора да го избере помалото од двете зла. Кое е помалото? Таа дама (Харис) или тој господин (Трамп)? Не знам“, рече папата на прес-конференција во авионот на враќање во Рим по турнејата низ Азија, пренесува „Си-ен-ен“.
Папата рече дека неприфаќањето мигранти е сериозен грев, а абортусот го спореди со убиство.
„Да ги бркаш мигрантите, да ги оставиш каде сакаш е нешто страшно, тоа е зло. Исфрлањето дете од мајчината утроба е убиство, бидејќи има живот. Мораме јасно да зборуваме за овие работи“, забележа.
Папата претходно ја критикуваше антиимиграциската политика на Трамп. За време на изборите во 2016 година, Папата рече дека таквите ставови на Трамп не се христијански.
Трамп вети дека доколку биде избран за претседател ќе депортира милиони илегални имигранти во САД, додека неговата ривалка Камала Харис вети дека ќе го потпише националниот закон за правата на абортусот, одлука што Врховниот суд ја укина во 2022 година.
Католичките гласачи беа поделени во 2020 година. Околу 50 отсто од гласачите таа година гласаа за Бајден и 49 отсто за Трамп.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Русија во текот на ноќта лансираше 85 беспилотни летала кон Украина

Русија во текот на ноќта лансираше 85 беспилотни летала и една балистичка ракета кон територијата на Украина, објавија утринава украинските воздухопловни сили.
Нападите во текот на ноќта беа насочени кон области на линијата на фронтот во регионите Суми, Доњецк, Чернигов и Дњепропетровск, објавија воздухопловните сили на каналот Телеграм.
Оттаму, исто така, наведуваат дека нивните единици за противвоздушна одбрана уништиле 61 беспилотно летало.
Главниот штаб на украинските вооружени сили објави во својот дневен утрински извештај дека во текот на изминатите 24 часа на линијата на фронтот имало 139 судири со непријателот.
Од друга страна, руските системи за противвоздушна одбрана во текот на ноќта пресретнале и уништиле 29 украински дронови над различни руски региони, вклучувајќи 10 беспилотни летала над Ростовскиот регион, објавија утринава руските медиуми, повикувајќи се на руското Министерство за одбрана.
Американскиот претседател Доналд Трамп и неговиот руски колега Владимир Путин, по нивната вчерашна средба во Алјаска, не споменаа ништо за потенцијален прекин на огнот во војната во Украина.
Свет
Зеленски во понеделник ќе отпатува за Вашингтон на разговори со Трамп

Украинскиот претседател Володимир Зеленски во понеделник ќе отпатува за Вашингтон на разговори со американскиот претседател Доналд Трамп, објави Зеленски на Телеграм по денешниот телефонски разговор со Трамп, јави ДПА.
Зеленски рече дека претходно телчефонски разговарал со Трамп повеќе од час и половина, откако американскиот претседател синоќа се сретна со рускиот лидер Владимир Путин во Алјаска.
„Во понеделник ќе разговараме за сите детали во врска со завршувањето на убиствата и војната“, рече Зеленски, додавајќи дека е „благодарен за поканата“
Регион
Еди Рама вети бесплатни нови куќи за оние кои во пожарите ги загубија своите домови

По катастрофалните пожари кои деновиве зафатија делови од Албанија, уништувајќи домови и имоти, премиерот Еди Рама излезе со силно и директно ветување до сите настрадани граѓани. Во објава на социјалните мрежи, тој најави дека државата целосно ќе ги обесштети сите што претрпеле штета, вклучително и бесплатна обнова на секој уништен дом.
„Кој и да го изгубил својот дом, ќе го обновиме бесплатно, кој и да изгубил добиток, ќе го рефинансираме еден по еден“, напиша Рама на социјалните мрежи.
Оваа мерка, како што појасни министерот за одбрана Пиро Венгу, ќе се спроведува преку општините. Ќе се формираат посебни комисии за проценка на штетите на куќи, инфраструктура, бизниси и земјоделски култури, по што ќе следува обештетување од општинските фондови за цивилна заштита, поддржани од државниот буџет.