Обилни врнежи ја зафатија Словенија, а прогнозите за денеска и наредните денови не се нималку оптимистички. Некои реки веќе почнаа да се излеваат од коритата, а најлошото допрва доаѓа, пишува Журнал24.си.

Најинтензивни врнежи се очекуваат во западните и централните делови на земјата, поради што словенечката агенција за животна средина (АРСО) издаде портокалово метео предупредување за тие области.

Се очекуваат врнежи од 40 до 80 милиметри, а локално до 100 милиметри.

Реката Випава ќе почне да се излева во наредните часови, а нејзиниот понатамошен раст може да предизвика поплави во текот на попладневните и ноќните часови, особено во сабота – предупредуваат метеоролозите. Ќе се излеат и други реки, додека нагло зголемување на поројните текови се очекува во западна, централна и јужна Словенија.

Дождот попладне накратко ќе слабее, а во некои делови од земјата ќе престанува, но во вечерните часови повторно ќе се засилува и ќе се прошири низ цела Словенија. Можно е и локално невреме, особено на југ, додека снег ќе врне по Горенскиот регион.

Поради обилните врнежи зголемена е опасноста од лизгање на земјиштето, особено во западна и централна Словенија. Геолошкиот завод на Словенија предупредува дека одрони се можни и во други делови од земјата. Се повикуваат граѓаните да ги следат промените на теренот, зградите и косините, како и појавата на нови пукнатини, свлечишта и одрони.

Обилни врнежи од снег се очекуваат во северозападните делови од земјата и во алпските котлини, додека во петок и сабота во планинските предели ќе биде зголемен ризикот од снежни лавини.
Во Хрватска во текот на денот и утре ќе стигнат пообилни врнежи, а дожд и силен ветер веќе зафатија дел од земјата.

Државниот хидрометеоролошки завод (ДХМЗ) издаде предупредување за денеска и сабота. Метеоролозите од ДХМЗ предупредуваат на обилни врнежи и можност од поплави во одредени делови од земјата. Поради поизразени врнежи за краток временски период, постои можност за нагло покачување на водостојот на помалите реки и потоци, што може да доведе до поплави, се вели во предупредувањето на ДХМЗ.

Најмногу дожд се очекува на подрачјето на Горски Котар, Лика и северниот дел на Јадранот, вклучително и Истра, каде се предвидуваат над 50 мм дожд на метар квадратен дневно, што го зголемува ризикот од поројни и урбани поплави.

Рускиот претседател Владимир Путин денеска на повикот на американскиот претседател Доналд Трамп да ги поштеди животите на украинските војници изјави дека за тоа е неопходна наредба од украинското раководство до армијата да го положат оружјето и да се предадат.

„Во таа насока, би сакал да нагласам дека доколку го положат оружјето и се предадат, ќе им се гарантира живот и достоинствен третман во согласност со нормите на меѓународното право и законите на Руската Федерација“, рече Путин.

Тој посочи дека „украинските милитанти извршиле бројни злосторства против цивилното население на Русија“, но дека ги цени напорите на администрацијата на Трамп за нормализирање на односите со Москва, пренесува РИА Новости.

„Новата администрација, предводена од претседателот Трамп, прави се за да врати барем дел од она што беше практично сведено на нула, што беше уништено од претходната американска администрација“, рече тој.

Претходно денеска Трамп изјави дека имал многу добри и продуктивни разговори со неговиот руски колега Владимир Путин и дека постои веројатност војната во Украина да заврши.

„Постојат многу добри шанси оваа ужасна, крвава војна конечно да заврши, но во овој момент илјадници украински војници се целосно опколени од руската армија и се во исклучително тешка и чувствителна ситуација“, рече Трамп на социјалната мрежа „Вистина“.

Тој рече дека побарал од рускиот претседател да ги поштеди животите на украинските војници.

„Тоа би бил ужасен масакр, невиден од Втората светска војна. Господ нека им е на помош“, рече Трамп.

Путин и Трамп разговарале телефонски во четвртокот.

Обилни дождови ја погодија Италија, поточно Тоскана и Емилија-Ромања, предизвикувајќи поплави а неколку реки кои го надминаа нивото на предупредување.

Во Тоскана, каде училиштата останаа затворени во неколку градови, вклучително и Фиренца, поради портокаловото предупредување за лошо време, во текот на ноќта беа забележани обилни врнежи, со особен интензитет во областа Муџело, северно од Фиренца.

#Maltempo #Firenze, decine di richieste di soccorso sono giunte alla sala operativa dei #vigilidelfuoco del capoluogo toscano, soprattutto per allagamenti e autisti in difficoltà. Maggiori criticità a Sesto Fiorentino per l’esondazione del torrente Rimaggio [#14marzo 11:15] pic.twitter.com/FK2Y6s9bjC

— Vigili del Fuoco (@vigilidelfuoco) March 14, 2025

Гувернерот на Тоскана, Еугенио Џани, на Телеграм изјави дека реките го надминале „нивото на тревога 1“ и дека реката Арно во Фиренца е над границата.

#SestoFiorentino. #Arno #AllertaMeteo #Maltempo pic.twitter.com/0TBWUoh9zj

— Marino Pinto (@Dipingocalcio) March 14, 2025

Во Фиренца улиците се претворија во реки, а на социјалните мрежи се појавија видеа од поплавите.

Maltempo, esondato il Rimaggio a Sesto Fiorentino dove continuano le forti precipitazioni. Sta intervenendo il sistema di Protezione Civile insieme a Vigili del Fuoco e Forze dell’Ordine. L’appello del sindaco: “Non uscite di casa”. pic.twitter.com/NZIm0v5Kxf

— Tgr Rai Toscana (@TgrRaiToscana) March 14, 2025

Метеоролозите предупредуваат на дополнително влошување на времето до петок попладне, со „обилни и постојани врнежи од дожд во линија која се протега од провинцијата Ливорно до провинциите Пистоја, Фиренца, Прато и Арецо“, рече Џани.

Во исто време, обилните врнежи ја зафатија и Емилија-Ромања, главно во областите Форли, Равена, Болоња и Ферара, каде што неколку реки, како Сенио, Ламоне и Сандерно, го надминаа нивото на предупредување во планинските региони на Апенините.

Црвеното предупредување е на сила.

Во Болоња училиштата се затворени, а долните катови на живеалиштата се евакуирани во некои улици. На сила е предупредување од поплава на реки, помали потоци и ризик од лизгање на земјиштето.