Регион
Турција го повика Трамп да го испорача Ѓулен

Турскиот премиер Бинали Јилдирим го повика во средата новоизбраниот американски претседател Доналд Трамп веднаш по неговата инагурација во јануари да го екстрадира муслимански свештеник Фетулах Ѓулен, кој од 1999 година живее во доброволен егзил во САД, обвинет од страна на Анкара за неуспешниот државен удар од ноќта на 15-ти јули.
Јилдирим изјави дека се надева оти новото раководство во Соединетите смерикански држави ќе ја има предвид „чувствителноста на Турција во врска со борбата против тероризмот“, и ќе им даде приоритет на политиките што ќе донесат мир и стабилност во регионот, со што ќе се унапреди традиционалното пријателство меѓу двете земји.
Односите меѓу двата сојузника САД и Турција се влошија поради перцепциите во Турција дека САД не сакаат да го приведат и екстрадира контроверзниот исламистички проповедни Фтулах Ѓулен, кој од близок сојузник се претори во најголемиот противник на аклтуелниот турски претседател Реџеп Тајип Ердоган.
Турција, исто така, е фрустрирана од поддршката на Вашингтон за сириските Курди кои се борат против Исламска држава во Сирија, а кои ги смета за блиски на забранетата Работничка партија на Курдистан (PKK), против која од минатото лето спровдува широка воена операција на турскиот југоисток./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Курти претстави шест услови за формирање ЗСО

Косовскиот премиер Албин Курти постави шест услови за прифаќање на формирањето на заедницата на општини со српско мнозинство, меѓу кои е и онаа да се формира по конечниот договор со Белград и да нема извршни овластувања.
Првиот услов е Унијата да биде во согласност со Уставот и законите што се во сила во Косово, вториот е да не може да биде еднонационален, третиот е да ѝ се смени името и четвртиот е да не може да има која било јавна или извршна власт.
Според Курти, заедницата мора да ѝ служи на хоризонталната соработка на општините во согласност со Уставот и законот за самоуправа. Потоа, правата на малцинствата треба да се воспостават на принципот на реципроцитет, што значи дека секое право на Србите во Косово треба да биде и за Албанците во Србија.
Како предуслов го наведе затворањето на нелегалните структури на северот на Косово и прифаќањето на повелбата на ОН за меѓудржавни односи и непопречување на апликацијата на Косово во Европската Унија.
Петтиот услов е заедницата да биде дел од конечниот договор и да се формира по меѓусебното признавање.
Шестиот услов е претседателот на Србија да ги повлече писмата испратени на адресите на петте земји членки на ЕУ и другите да не го прифаќаат Косово како членка на Европската Унија.
Курти во обраќањето пред пратениците во собранието во Приштина побара од високиот претставник на Европската Унија, Жозеп Борел, да повикува на чести и редовни средби за да се постигне конечен договор.
Регион
(Видео) Хаос во српскиот парламент, пратениците се упатија кон Вучиќ со извици „предавство“

Целосен хаос во српското собрание следуваше во попладневниот дел од расправата кога пратениците од опозицијата, пред сè, на Двери и Заветник, се упатија кон претседателот на Србија, Александар Вучиќ.
Првин извикувале „предавство, предавство“, „Косово е срцето на Србија“, а потоа отишле на местото каде што тој седел.
Во исто време пратениците на СНС станаа и исто така се упатија кон масата на претседавачот. Во оваа турканица, која траеше 15-ина минути, во салата влезе и собраниското обезбедување.
Српскиот претседател Вучиќ, кој седеше во тоа време, ги повика пратениците на СНС да бидат смирени и да ѝ дозволат на опозицијата „да си го покаже своето лице“. Тој рече и дека опозициските парламентарци ѝ нанеле огромна штета на Србија со циркусот што го создале во парламентот.
„Од вас ќе ги браниме Косово и Србија“, им порача тој на оние што скандираа „предавство“ и „оставка“.
Ваквата атмосфера, на работ на инцидент, настана кога лидерот на Двери, Бошко Обрадовиќ, го повика Собранието да го отфрли француско-германскиот предлог за Косово и по неговите обвинувања против владата за која рече дека сака да изврши предавство.
„Не се надеваа дека нема да го признаеме Косово во ОН, јас реков дека нема да дозволиме Косово да влезе во ОН. Тоа е единственото нешто на што се надеваат, да се разбереме, бидејќи тоа е единственото нешто што ги интересира. Ние покажавме дека сме подготвени да слушаме, а тие не се подготвени да слушаат“, изјави претседателот Вучиќ.
Регион
Опасна бактерија усмрти четири лица во Хрватска

Инвазивната бактериска стрептококна инфекција е многу сериозна болест, доказ за тоа се четирите смртни случаи од 15 што се разболеле, вели д-р Ивана Павиќ-Шиметин, заменик-директор на Хрватскиот институт за јавно здравје (ХЗЈЗ).
Тие биле на возраст од 35 до 65 години и претходно биле целосно здрави.
Двајца починале во првите 24 часа по приемот во болница. Две деца на училишна возраст се меѓу 15-те случаи на инвазивни стрептококи. Четворицата починати не живееле во исти области, дознава „24часа.хр“.
„Меѓу тие шест илјади има 15 што имаат тешка компликација на основната болест, чија смртност е многу висока. Бактеријата не останува во грлото или на кожата, туку може да ги нападне менингите и да предизвика менингитис или да влезе во крвотокот предизвикувајќи сепса, која потоа ги зафаќа сите органи“, објаснува Павиќ Шиметин за „24часа.хр“.
„Страшно, навистина страшно. Двајца од четворицата починале во рок од 24 часа по примањето во болница. Стрептококите многу бргу се развиваат во сериозна болест. За среќа, огромното мнозинство од заразените останува со ангина или шарлах, кои исто така не се благи заболувања. Секој што ги имал знае колку се тешки“, вели докторката.