Поранешниот советник на американскиот претседател Доналд Трамп, за прашања од национална безбедност, Мајкл Флин му предложи на ФБИ и на парламентарците кои ги истражуваат врските на соработниците на американскиот претседател со Русија, да сведочи, но во замена за судски имунитет, објави во петокот “Волстрит џурнал”, цитиран од светските новински агенции и агенциите.

Предлогот, е упатен преку адвокатот на Флин кон ФБИ и комисиите за разузнавање на Претставничкиот дом и на Сенатот, но во моментов тој предлог не е прифатен, прецизира на својот сајт американскиот весник.

“Генерал Флин дефинитивно има што да каже и многу би сакал тоа да го направи, ако околностите дозволат”, посочи во специјално соопштение адвокат Роберт Келнр. Според Келнр Флин не би се согласил да биде сослушуван во “слична силно политизирана атмосфера на лов на вештерки”, пишува весникот.

И двeте комисии го истражуваат прашањето дали имало руска интервенција во претседателските избори минатата година, како и за можни врски меѓу изборниот штаб на Трамп и руски претставници.

“Волстрит џурнал” објави дека Флин побарал имунитет не само од нив, а и од Федералното биро за истраги, но тоа не се споменува во соопштението на Келнер. Долниот дом на конгресот негира дека тој упатили ваков предлог, а ФБИ одбива да коментар. Не е познато дали Флин предложил да зборува за специфични аспекти од времето кога работел за Трамп, но фактот дека сака да си обезбеди имунитет, значи дека признава дека може да си има проблеми со правдата„, нагласува весникот.

Во меѓу време “Вашигтон пост” потсети дека во септември Флин  во етерот на телевизиска емисија рече дека “кога ќе ти дадат имунитет, тоа значи дека најверојатно си извршил кривично дело”

Зборовите беа кажани на адреса на членовите на штабот на Хилари Клинтон, кои добиле имунитет во врска со истражните индикации на ФБИ за користењето на приватниот мејл сервер на Клинтон.

Сведочењето на Флин би дало јасност за разговорите што тој ги водел со рускиот амбасадор Сергеј Кислјак минатата година, како советник за национална безбедност во кампањата на Трамп.

Флин даде оставка на функцијата во февруари, кога стана јасно дека ги премолчел разговорите со рускиот амбасадор, спроведени по телефон, пред Трамп да стапи на должност.

Се уште има многу прашалници околу разговорите, кои веројатно ги воделе советници на Трамп и претставници на Русија.

Претходно оваа недела Белата куќа соопшти дека зетот на Трамп Џаред Кашнер кој сега е и еден од клучните советници во претседателството, се сретнал во декември со шефот на руската државна “Внешекономбанк”, која е меѓу санкциониранте субјелти од САД.

На почетокот на јануари американските разузнавачки служби објавија извештај, според кој Русија раководела со нападите на електронските адреси на претставници на демократската партија и објавување на информации кои оделе во корист на Трамп  и на тој начин влијаеле на резулатитет на претседателските избори одржани минатата година. Русија ги отфрла, таквите обвинувања.

На сослушување од пред една од страна на комисиите, американскиот сенатор Марко Рубио објави дека луѓе од неговиот предизборен штаб не само минатото лето, но и во последните 24 часа биле предмет на неуспешни руски сајбер напади.

Рубио исто така беше кандидат за републичката номинација. Тој тврди дека нападот бил извршен по завршувањето на неговата кампања.

Сенаторот одби да коментира зборовите на поранешниот експерт за сајбер безбедноста Клинтон Вотс, кој некогаш работел за ФБИ, и според кого руските сајбер напади може да го спречиле не само  Рубио во кампањата, туку и биле насочени кон сите противници на Трамп.

Поранешниот агент на ФБИ изјави пред комисијата во Сенатот дека Трамп, свесно или не, им помогна на руските “средства и мерки” за мешање во изборите.

Тој го даде за пример Пол Манафорт, поранешниот шеф на кампањата на Трамп, кој неколку месеци пред изборите лансира лажна приказна за терористички напад врз база на НАТО во Турција, објавена на веб-сајтовите на телевизијата RT (поранешната Russia Today) и “Спутник”.

За време на кампањата Трамп често повторуваше дека изборите може да се фалсификувааат – кои беа тема број 1 за RT и “Спутник”, објави Вотс.

Истражувањата покажуваат дека руските експерти за стратешко планирање нудат пропаганда, од која тогаш се очекуваше Трамп да е на линија.

Путин ја користи неспособноста на корисниците на социјалните мрежи да ја осознаат вистината и се насочува кон највлијателните и познати корисници на “Твитер” во светот, рече уште Вотс.

“Можам да ви кажам точно во моментот дека  на профили, се шири” советска пропаганда “, и кои се објавуваат  во голем обем на твитови до претседателот Трамп, кога знаат дека е онлајн и така поставуваат конспиративни теории.” Според него Русија ја планирала операцијата повеќе од една година,  а за таа цел тоа било режирано  кон конкретни гласачи – како поддржувачи на Трамп, така и во тенденција да гласаат за Берни Сандерс –  но биле колебливи  од односн на изборот.крај/мф/кс