Контакт

Вести

Се појави снимката од стримoт од напукнувањето на браната во Калифорнија

Објавено пред


На сервисот за видео материјали YouTube се појави видеото од камерата за надзор преку којашто постојано директно се следат случувањата на највисоката брана во САД, во близина на градот Оровил, во сојузната држава Калифорнија.

 

Гувернерот Џери Браун воведе вонредна состојба во Калифорнија, а во состојба на целосна готовност се ставени 20.000 војници. Евакуирани се речиси 190.000 луѓе од населбите Мерисвил, Оливхерст, Витленд, Лајв Ок, Пламас Лекј, Гридли, Оровил, Јуба сити.

Портпаролот на Пентагон, Џеф Дејвијс, изјави дека доколку е потребно министерството ќе им помогне на властите на оваа сојузна држава. Како што појасни, станува збор за давање помош во авиони, воздушни следења на состојбата и згрижување на загрозените и на настраданите.

Се стравува дека браната може целосно да попушти поради ерозијата на главните и помошните каскади, предизвикани од обилните поројни дождови. За спречување на несреќата, властите се обидуваат да го намалат нивото на водата во езерото Оровил, преку испуштање кое се зголеми на 2.800 кубни метри вода во минута.

Земји од целиот свет, кои имаат искуства со вакви гигантски брани, како Кина и Русија, веќе ја понудија помошта на своите експерти.

Браната во Оровил е градена од 1962 до 1981 година, и со своите 230 метри е највисоката во САД. Втората е брната Хувер на границата меѓу државите Невада и Аризона со 221 метар.

Според локалниот портал Oroville Mercury, екологистите ги предупредувале калифорниските власти барајќи да се обрне внимание на состојбата на браната уште пред 10 години. Групацијата составена од трите организации – Friends of the River, Sierra Club и South Yuba Citizens League, барала преливникот на браната да биде од армиран бетон а не да само да остане земјен рид.

Меѓутоа, откако Федералниот оддел за управување со водни ресурси одговорил дека таквите измени не се неопходни, администрацијата на поранешниот американски претседател Џорџ В. Буш помладиот го отфрлила проектот.

Најголемата трагедија во современата историја во уривање на брана е катастрофата со браната Банцјао во Кина во август 1975 година. Според официјалните податоци тогаш загинале 26.000 луѓе, но според независните податоци бројот на жртвите се движи меѓу 100 и 230 илјади луѓе./крај/мф/сн

 

https://www.youtube.com/watch?v=NanEPQYZ5XU



©Makfax.com.mk Доколку преземете содржина од оваа страница, во целост сте се согласиле со нејзините Условите за користење.

Актуелно

Германско обвинителство дозволи да се игра претставата „Мојата борба“

Објавено пред

Од

Обвинителството во германскиот град Констанц, во име на уметничката слобода, одби да забрани изведба на сатиричната претстава „Мојата борба“, во текот на која е предвидено делење кукести крстови и жолти ѕвезди. Театарот вети бесплатен влез за сите оние што на ракавите ќе носат ленти со кукест крст на премиерата на 20 април, датумот на раѓањето на Хитлер.

На оние што ќе купат билети, предложено им е да носат Давидова ѕвеза додека се во театарот во знак на солидарност на жртвите на нацизмот. Нацистичките симболи се забранети во Германија, а од театарот навеле дека на овој начин сакааат да покажат колку е лесно луѓето да се корумпираат.

Претставата „Мојата борба“ е црна комедија на Унгарецот Георг Табори од 1987 година и се однесува на програмскиот памфлет што го напишал Хитлер кога бил во затвор пред да ја презеде власта.

Германско-израелското друштво во Констанц и Друштвото за еврејско-христијанска соработка побарале бојкот на претставата.

Прикажи повеќе...

Вести

(Видео) Едно лице загина во несреќата, жена пилот безбедно го спуштила запалениот авион

Објавено пред

Од

Жена пилот безбедно го спуштила авионот на кој претходно му експлодирал моторот, на аеродромот во Филаделфија. Таа претходно била воен пилот и стекнала големо искуство во американската морнарица.

Авионот на американската компанија „Саутвест ерлајнс“ на летот од Њујорк до Далас вчера принудно слета на аеродромот во Филаделфија кога му експлодирал левиот мотор, а деловите оштетиле еден прозорец, при што загинал еден патник.

Теми Џо Шулц (56), кога експлодирал моторот, била принудена што побргу принудно да го спушти авионот на аеродромот.

Шулц, една од првите жени пилоти во американската морнарица, смирено се јавила кај контролорите на летот за да извести дека ѝ отпаднал дел од авионот и дека на пистата ќе бидат потребни амбулантни возила.

Прикажи повеќе...

Вести

Пулицерова награда за новинарите што го открија секс-скандалот во Холивуд

Објавено пред

Од

Весникот „Њујорк тајмс“ и магазинот „Њујоркер“ синоќа ја добија Пулицеровата награда за известување од јавен интерес. Тие ја добија наградата за нивното известување за холивудскиот скандал со продуцентот Харви Вајнштајн, кој е обвинет за сексуално вознемирување. Нивните извештаи го поттикнаа движењето Me too против сексуално злоупотребување и во други дејности, освен филмската.

Одборот за доделување на наградата ја опиша работата на новинарите што го разоткрија Вајнштајн како експлозивно и влијателно новинарство, кое разоткрило моќни и богати луѓе кои вршат сексуално малтретирање.

„Њујорк тајмс“ заедно со „Вашингтон пост“ доби награда за известувањето за наводната руска вмешаност во американските претседателски избори во 2016 година.

Пулицеровата награда е најпрестижно признание во американското новинарство, а ја воспоставил издавачот Јозеф Пулицер. Првпат е доделена во 1917 година.

Прикажи повеќе...

Најново

Македонија2 часа

ЕЛЕМ: Децата на Грчев и Џафери ангажирани оти имале исклучителни биографии

По вработувањето на Димитар Грчев, син на архитектот Мирослав Грчев, и Бесијана Џафери, ќерка на собранискиот спикер Талат Џафери, од ЕЛЕМ за „Макфакс“...

Македонија5 часа

Мицкоски појадуваше со Могерини – „Постои сомнеж дека власта е вмешана во криминал“

Претседателот на ВМРО-ДПМНЕ, Христијан Мицкоски, денеска оствари работен појадок со високата претставничка на ЕУ за надворешна политика и безбедност, Федерика Могерини,...

Македонија6 часа

Судењето за „Насилство во Центар“ одложено за 1 јуни

Судењето за предметот „Насилство во Центар“ е прекинато и одложено за 1 јуни поради неможноста на претседателот на кривичниот суд,...

Регион7 часа

Харадинај побара од Хан визна либерализација за Косово

Косовскиот премиер, Рамуш Харадинај, побара од Европскиот комесар за проширување и добрососедство, Јоханес Хан, да ја вклучи Приштина во европскиот...

Македонија7 часа

Могерини: Да се продлабочат реформите за да има позитивни вести во јуни

Високата претставничка на Европската Унија за надворешна политика, Федерика Могерини, во обраќањето пред пратениците во Собранието забележа дека треба да...

Македонија7 часа

Кривична пријава за основките што претепаа соученичка во Неготино

Полицијата поднесе кривична пријава за насилство против трите ученички во основното училиште „Гоце Делчев“ во Неготино, кои истепаа своја соученичка....

Свет7 часа

Трамп: Никој не е поостар од мене кон Русија

Американскиот претседател Доналд Трамп изјави дека никоја не е остар кон Русија како што е тој и порача дека на...

Македонија21 час

(Фото) Премиерите од Западен Балкан вечераа во Скопје

Претседателот на Владата на Република Македонија, Зоран Заев, и високата претставничка за надворешни работи и безбедносна политика на ЕУ и...

Македонија24 часа

(Видео) Могерини: Може да славите половина ден, а потоа да се вратите на работа

Се вративте назад на патеката. Може да славите половина ден, а потоа да се вратите на работа. Ова го порача високата...

Македонија1 ден

(Видео) Заев: Препораката со години беше условена поради кризата и назадувањето со реформите

Македонските граѓани заслужуваат да бидат дел од Европската Унија, порача претседателот на Владата, Зоран Заев, на заедничката прес-конференција со високата...

Македонија1 ден

(Видео) ВМРО-ДПМНЕ: Позитивниот извештај од Европската комисија не е новина

„Корупцијата останува распространета во многу области и продолжува да претставува сериозен проблем. Политичкото мешање останува ризик“. „Се крие опсегот на...

Македонија1 ден

(Видео) Ахмети: Јас не сум препродавач на Бит-пазар за да давам или земам министерства

Јас не сум препродавач на Бит-пазар за да давам или земам министерства, вели Али Ахмети, одговарајќи на прашање дали ќе...

Македонија1 ден

На Јанкулоска ќе ѝ се суди одвоено за „Тенк“ поради потврдата за ризична бременост

На поранешната министерка за внатрешни работи, Гордана Јанкулоска, ќе ѝ се суди одвоено за случајот „Тенк“, кој се однесува на...

Свет1 ден

Директорот на ЦИА се сретнал со Ким Џонг-ун

Директорот на ЦИА, Мајк Помпео, отпатувал за Пјонгјанг на таен состанок со севернокорејскиот лидер Ким Џонг-ун, пренесуваат американските медиуми. Според...

Македонија1 ден

(Видео) Заев: Датум за почеток на преговорите во јуни е нашата следна цел

Безусловната препорака од Европската комисија е мотив за следната цел, а тоа е одлука за почеток на преговорите со Европската...

Македонија1 ден

Уапсен Фејзи Азири обвинет во случајот „Монструм”

Фејзи Азири, кој е еден од обвинетите во случајот „Монструм“, вчера бил пронајден и уапсен со правосилна судска пресуда за...

Македонија1 ден

(Видео) Хан: Македонија се врати на европскиот пат, но има уште многу да се работи

Македонија се врати на европскиот пат, но има уште многу да се работи, изјави еврокомесарот Јоханес Хан на заедничката прес-конференција...

Македонија1 ден

Во кривичниот суд продолжуваат судењата за „Тенк“ и „Тарифа“

Во кривичниот суд денеска се очекува да продолжат судењата за предметите „Тенк“ и „Тарифа“ на специјалното јавно обвинителство. Во денешното...

Македонија1 ден

Откриени 38 мигранти во комбе кај тунелите кај Демир Капија

Триесет и осум мигранти биле откриени вчера на регионалниот пат Гевгелија-Скопје во товарно моторно возило „форд транзит“ во близина на базата...

Македонија1 ден

Хан и Могерини денеска во Скопје

Денеска во официјална посета на Република Македонија пристигнува делегација на Европската Унија предводена од комесарот за европска соседска политика и...

Досие