Вести
Трамп номинира конзервативец за судија во Врховниот суд

Американскиот претседател Доналд Трамп доцна синоќа го именуваше конзеравтивецот Нил Горсач за деветти судија во Врховниот суд, пренесува BBC.
„Горсач има извонредни правосудни способности, има брилијантен ум и извонредна дисциплина“, рече Трамп и додаде дека судиите во Врховниот суд се именуваат на доживотна функција и дека тие можат да работат 50 години и да донесуваат одлуки кои што можат да бидат во сила повеќе од еден век.
Горсач (49) до сега беше федерален судија во американскта сојузна држава Колорадо.
Трамп потсети дека во текот на предизборната кампања на гласачите им ветил дека ќе го пронајде најдобриот судија во целата земја, наведувајќи дека биографијата и академксите референци на Горсач, вклучувајќи и диплома од Универзитетот Колумбија и Правна школа на Унверзитетот Харвард, не можат да бидат подобри.
Претседателот на САД ги повика демократите и републиканците во Сенатот, кои мора да ја потврдат номинацијата на Горсач, да се обединат „за благосостојба на земјата“.
Горсач номинацијата за Врховен суд ја нарече „најважна задача“ и додаде дека доколку Сенатот ја потврди, ќе стори се што е во негова моќ „за да му служи верно на Уставот и законите на оваа голема земја“, пренесе Voice of America (VOA).
Неговото именување треба да го потврди Сенатот, а таа потврда би можела да наиде на потешкотии како во случајот со кандидатот на досегашниот претседател Барка Обама, чија номинација беше отфрлена од републиканското мнозинство.
Со изборот на Горсач би можело да се обнови конзервативното мнозинство во највисиокиот суд на САД, кој со своите одлуки пресудува во спорни прашања како на пример абортусот, контрола на вооружувањето, смртната казна и верските права.
Местото судија во Врховниот суд е празно од фебруари 2016 година кога почина Антонин Скали, кој важеше за контроверзен судија.
Скали имаше пофални зборови за Горсач, кого го нарекуваше „лав на законот“. Како и Скали, и Горсач е познат по остриот стил на пишување.
Врховниот суд на САД има девет судии крај/мф/вс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Вести
Српски сеизмолог: Секоја активност на анадолската плоча предизвикува активност и на Балканот

Српскиот сеизмолог Славица Радовановиќ вели дека не постои директна опасност за потреси во Србија по разорните земјотреси во Турција, бидејќи земјата е на „периферијата“ и е последна во низата земји кои се загрозени.
Но, таа објаснува дека анадолската плоча е поврзана со српскиот регион и дека во процесот на притисок и поместување може да се очекува зголемување на сеизмолошката активност на Балканот.
Радовановиќ потсетува на случајот од 1939 година кога разорен земјотрес со јачина од 7,8 степени, со иста јачина како овој сега, ја погоди Турција и предизвика смрт на речиси 20.000 луѓе. Една година подоцна, во ноември 1940 година, разорен земјотрес со јачина од 7,7 степени според Рихтеровата скала ја погоди Романија каде погинаа стотици луѓе, но и стотици згради се урнаа до темел.
Секоја активност на анадолската плоча предизвикува активност и на Балканот, но, според Славица Радовановиќ, Србија е најмалку загрозена, додека последиците од денешниот разорен земјотрес во Турција може да се очекуваат во Грција или Романија во блиска иднина.
Вести
Русија за истрагата за експлозијата на „Северен тек“: Шведска нешто крие

Руските власти ја обвинија Шведска дека крие информации за истрагата за експлозијата што го оштети гасоводот „Северен тек“ минатата година.
Портпаролката на руското Министерство за надворешни работи, Марија Захарова, изјави дека Русија има право да ги знае деталите од истрагата и дека е збунета од одбивањето на Шведска да соработува со руските обвинители.
Имено, Москва му предложи на Стокхолм поведување заедничка истрага за експлозиите, но Шведска и Данска го одбија тој предлог.
Захарова сугерира дека зад таа одлука има скриени причини.
„Можеби, по спроведувањето на истрагата, руските истражители би можеле да дојдат до незгоден заклучок за тоа кој ја извршил саботажата. За тоа кој ја смислил и ја извршил. Шведска крие што точно открила во текот на истрагата“, рече портпаролката на руското Министерство за надворешни работи, како што објави „Гардијан“.
Вести
(Видео) Силно невреме го зафати Солун, издадено предупредување

Улиците во Солун се поплавени откако ненадејно невреме го зафати градот, придружено со силни грмежи.
Возилата беа спречени да минуваат, па сообраќајот беше запрен во голем дел од градот. Во многу случаи водата ја достигнувала висината на тротоарот, а сопствениците на продавници се обидувале со метли да спречат да влезе во објектите.
Εν τω μεταξύ στη Θεσσαλονίκη pic.twitter.com/yQLkl87XmI
— Αντιτέτοιος (@VPetsopoulos) September 2, 2022
Кога започна невремето, на улиците имало многу луѓе кои се обидувале да најдат засолниште под блиските балкони, пренесува грчкиот портал „Вориа“.
Грчката хидрометеоролошка служба за денеска издаде итно предупредување за влошување на времето и обилни дождови и невреме.
Покрај Солун, големо невреме го зафати и Халкидики, а обилни врнежи имаше и во градот Вурвур, како и во Пефкохори.