Западните и арапските и сунитски муслимански земји, коишто сакаат да го тргнат од власт алавитот (шиит) претседател на Сирија, Башар ал-Асад, се договори во саботата во катарската престолнина Доха за итно испраќање помош на сириските сунитски бунтовници кои се борат за соборување на Асад, а помошта, како и досега, би се носела во земјата преку бутовничкото командно тело кое ја ужива поддршката на Западот.

На состанокот во Доха во саботата учествуваа делегации на 11 земји, меѓу кои и министрите за надворешни работи Лорен Фабиус, на Германија Гвидо Вестеравеле, Италија Ема Бонино, на Велика Британија Вилијам Хејг, на Турција, Ахмет Давутоглу и американскиот државен секретар Џон Кери, и нивните колеги од сунитските земји од Персискиот залив кои се основата на групата ткн „Пријатели на Сирија“ се согласија дека треба „итно да се даде целата нужна опрема и материјали на опозицијата на теренот, и тоа секоја земја како што може, за да бунтовниците можат да се спротистават на свирепите напади на режимот и неговите сојузници“.

Како што се очекуваше, Пријателите на Сирија од кои дел од март 2011 година воено ја помагаат сириската воена сунитска опозиција, а Дамаск, како Турција, Саудиска Арабија и Катар, ги обвинува, и дека тие го осмислите и поттикнале конфликтот, „ја осудија „интервенцијата на Хезболах (либанското шиитско движење – з.р.) и борци од Иран и Ирак (со доминатно шиитско население), и побараа нивно повлекување од Сирија.

Герилците од либанската шиитска организација Хезболах, според тврдењата на Западот, го предводеле враќањето под контрола на стратешкиот пограничен град Кусејр кој речиси цела година под контрола го има сунитските борци.

Припадници на Хезболах и вооружени шиитски борци од Иран се борат околу шиитските светилишта Саџид Заинаб јужно од главниот град Дамаск, а се верува дека ирански воени команданти се советници на сириската армија во силната контраофанзива во која сириските сунитски бунтовници претрпеа низа тешки порази.

Министрите за надворешни работи од земјите на групата „Пријатели на Сирија“ велат дека растечката секташка природа на сирискиот судир, на којашто Асад предупредуваше од почетокот, со наводната странска интервенција, „се заканува на единството на Сирија, и се заканува со ширење на судирот во целиот регион. Изразиле и загриженост од сé посилната присутност на „терористички елементи“ и радикализацијата во Сирија, пренесува Reuters.

Главните борбени дејствија во Сирија против властите ги изведуваат ограноците на глобалната терористичка мрежа Ал Каеда, на чијашто страна се борат милитанти до 28 земји, потенцираше уште во февруари т шефот на сириската дипломатија Валид ал-Муалем на прес-конференцијата во Москва по разговорите со рускиот министер за надворешни работи Сергеј Лавров.

„Тоа што се случува во Сирија претставува војна против тероризмот. Еден од ограноците на Ал Каеда ги носи главните борбени операции во Сирија и во Сирија повика милитанти од 28 држави….“, нагласи тогаш сирискиот дипломат.

Најсилната бунтовничка група којашто се бори против режимот на сирискиот претседател Башар ал-Асад, исламистичкиот Фронт Ал Нусра го губи влијанието и веќе е засенета од порадикалната џихадистичка сила којашто нема намера да застане само на соборувањето на режимот.

Радикалното крило на глобалната терористичка мрежа Ал Каеда во Ирак во првите моменти во борбата против сирискиот претседател Башар ал-Асад ја поддржуваше Ал Нусра, меѓутоа тоа во последно време ја презема иницијативата и станува повлијателно, тврдат извори од самата Ал Нусра и во другите бунтовнички групи, пишува Reuters.

Во ирачката Ал Каеда има илјадници странски платеници сунити коишто предничат во судирите и ги задаваат најтешките удари на владините безбедносни сили. Нивна крајна цел не е само соборувањето на власта на алавитот (огранок на шиитскиот ислам) Башар ал-Асад, туку да го продолжат џихадот против западните земји што го води лидерот на Ал Каеда, Египќанецот Ајман ал-Завхири, а тоа покажува дека имаат оправдувања претходните предупредувања до западот од Асад и сирискиот судир во кој досега според некои процени загинале околу 90 илјади луѓе, да трае долго и по евентуалниот договор меѓу власта и нејзините противници.

Кон крајот на мај беше објавено дека Албанец од македонскиот град Гостивар загинал во борбите против владината сириска армија, а претходно медуимите објавија вести за убиени Албанци од Косово и од Јужна Србија , во борбата против режимот на претседателот Башар ал-Асад.

Овие вести оставија сомнение дека во Сирија има и други групи од по десетина Албанци, добро вооружени кои војуваат против Асад во Сирија. Кон средината на мај, телевизијата на Федерацијата на БиХ (FTV) повикувајќи се на полициските и разузнавачките агенции од Босна и Херцеговина собрале информации дека досега најмалку 52 државјани на оваа земја се бореле на страна на бунтовниците во Сирија, а досега еден од нив загинал.

Според неименуван полициски извор на телевизијата, од Сирија досега се вратиле 32 исламистички доброволци од Босна и Херцеговина, а во оваа земја во која повеќе до две години беснее граѓанска војна којашто прерасна во меѓуконфесионален судир останале уште дваесетина босански државјани.

Кон крајот на април координаторот на Европската унија за борба против тероризмот, Жил Декершов изјави за дека најмалку петстотини Европејци се борат на страната на сириската вооружена опозиција против силите на претседателот Башар ал-Асад . Се претпоставува дека повеќето од европските борци во Сирија доаѓаат од Велика Британија, Ирска и Франција. Се стравува дека во Сирија во борбите се вклучени неколку десетици лица од регионот на Балканот./крај/мф/сн