Германија во периодот од 2002 до 2006 година извела во Сирија 111 тони различни хемикалии кои можеле да се искористат за производство на бојниот отров сарин, покажуваат документите на германското разузнавање објавени во средата, додека СССР деценискиот сојузник на династијата Асад никогаш не доставила боеви глави со сарин, исто така, во средата изјави шефот на администрацијата на рускиот претседател, Сергеј Иванов.

Германската влада, меѓутоа, ги отфрла овие обвинувања изречени од опозициски пратеник дека всушност Германија на тој начин ненамерно придонела за нападот со сарин од 21-ви август во предградијата на сириската престолнина Дамаск, во кој според американското разузнавање загинале 1.429 луѓе од кои 426 се деца. Истрагата на експертите на Обединетите нации имено потврди дека во спомнатиот напад бил користен отровниот гас сарин, Западот за тоа ја обвинува владата на претседателот Башар ал-Асад, додека тој за тоа ги обвинува сириските бунтовници кои со поддршка на западните земји сакале да испровоцираат воена интервенција против неговата власт.

Саринот е најсилниот невротоксичен гас откриен пред Втората светска војна во Германија. Последен пат тој е употребен во нападот во метрото во Токио кога една секта уби стотици луѓе. Опасно е вдишувањето на овој гас, меѓутоа и едноставен контакт со кожата е доволен овој отровен гас да навлезе во нервниот систем и да предизвика смрт поради застој на работата на срцето или попречување на дишењето.

Хемикалиите, пак, натриум флуорид, флуороводородната киселина и амониум хидроген флуорид, се класификувани според прописите на Европската унија како хемикалии со „двојна употреба“, што значи дека може да бидат користени и во воени и во цивилни намени.

Во писмениот одговор на прашањето на левичарскиот германски пратеник, министерот за економија изјави дека хемикалиите се продавани во периодот меѓу 2002 и 2006 година и чинеле 174 илјади евра, како и дека се извезен за цивилни намени. За таквите испораки неопходни се и специјални извозни дозволи.

„Дозволите се издадени по темелна анализа на можните ризици, вклучувајќи ја и можноста за злоупотреба и производство на оружје, Во сите случаи нивното мирољубиво користење се смета за безбедно. Германската влада нема информации коишто би упатувале на тоа дека извезените хемикалии подоцна се употребени на некој поинаков начин, освен за изворно декларираните мирољубиви намени“, се истакнува во одговорот на пратеничкото прашање од германското министерство за економија, пишува Reuters.

„Секако дека ги разгледуваме тврдењата за тоа, меѓутоа на основа на она што го знаеме извозната дозвола е издадена за цивилни вели“, изјави за државната телевизија ARD германската канцеларка Ангела Меркел во врска со ова прашање.

Јан ван Акен, надворешнополитички портпарол на германската опозициска Лева партија, ја осуди продажбата на хемикалии на Сирија, земјата за којашто според него „целиот свет знае дека поседува голем арсенал хемиско оружје“. „Не можеме да бидеме сигурни дека Германија, исто така, не е виновна за страшниот напад со сарин од 21-ви август, изјави ван Акен чијашто партија се залага за пацифизам и се спротиставува на извозот на оружје, како и учество на Германија во воени операции во странство.

Од друга страна, Сергеј Иванов, челникот на администрацијата на рускиот претседател Владимир Путин, која смета дека наводниот хемиски напад е дело на сириските бунтовници во моментот кога во Дамаск пристигнаа меѓународниот тим експерти на ОН за да испитаат претходни случаи на наводно користење хемиско оружје за што се обвинуваа меѓусебно двете страни во сирискиот судир, негираше дека ниту некогашниот Советски сојуз на Сирија и’ продал проектили со боевиот отров сарин.

„Советскиот сојуз на доставил во Сирија никакви боеви глави со сарин“, изјавил Иванов за новинарите, пренесува РИА Новости.

Ваквите размислувања се појавија откако во понеделникот беше објавено дека според податоците од извештајот, експертите на светската организација не пронашле конкретни проектили, во кои, како што се претпоставува, бил отровниот гас сарин. Меѓутоа, на погонскиот дел од остаток од проектил биле откриени елементи за маркирање со кирилско писмо. Ознаката беше прочитана како Г ИШ4 25-67-179К./крај/мф/сн