Израелската контраразузнавачка агенција Шин Бет соопшти во неделата дека на 11-ти септември уапсил лице за кои тврди дека е шпион на Иран, кај коешто пронашла фотографии од американската амбасада во Тел Авив.

Ова лице коешто поседува белгиски пасош, во Израел го испратила иранската Гарда на чуварите на исламската револуција, тврдат од Шин Бет во соопштението, додавајќи дека шпион бил уапсен на меѓународниот аеродром „Бен Гурион“ во Тел Авив, Наводниот шпион, Али Мансури, го врбувала „специјалната оперативна единци на Чуварите на револуцијата задолжена за организирање терористички акции во светот“, додаваат од Шин Бет.

Осомничениот кој е на 58-годишна возраст и кој во Израел влегол со лажен белгиски пасош на име Алекс Манс, во текот на испитувањето рекол дека Иранците барале од него како претприемач да основа во Израел компании во име на иранските безбедносни служби за да им „нанесува штета на израелските и западните интереси“. За таа работа му биле ветени милион американски долари, според израелското контраразузнавање.

Во соопштението се додава дека осомничениот, кој во Израел допатувал на 6-тти септември, во два наврата претходно престојувал во земјата, во јули 2012 година и во јануари 2013 година. По потекло е од Иран а во 2006 година добил белгиско државјанство откако се оженил со Белгијка, од којашто подоцна се развел. Често го посетувал Иран поради работа, а бил врбуван минатата година, тврди Шин Бет

Манс на израелските иследници им рекол дека се преселил од Иран во Турција каде што живеел од 1980 до 1997 година. Истата година тој добил виза за Белгија, каде што развил бизнис. По речиси една деценија тој се оженил со Белгија и го добил државјанството при што го променил името да не звучи ирански.

Потоа се развел и патувал по светот, живеејќи наизменично во Иран, Турција и Белгија. Во 2007 година се преселил повторно во Иран каде што се оженил со Иранка., пишува ерусалимскиот дневен весник Haaretz во неделата /

Во текот на апсењето кај него биле пронајдени повеќе документи, меѓу кои и поголем број фотографии од различни објекти во Израел, па и оние кои ги „интересираат иранските разузнавачки служби“. Меѓу нив и зградата на амбасадата на САД која е сместена на брегот во Тел Авив.

Аспењето на овој наводен шпион е објавено непосредно пред средбата во Вашингтон на израелскиот премиер Бенјамин Нетанјхау , под чија надлежност е службата Шин Бет, и американскиот претседател Барак Обама, кој во петокот имаше телефонски разговор со новиот ирански претседател Хасан Роухани, што претставува прв контакт без преседан на тоа ниво од исламската револуција од 1979 година.

Овој разговор и најавата дека САД се заинтересирани за директни разговори со Иран околу постигнување договор околу неговата контроверзна нуклеарна програма предизвика жестоки реакција и навреди на сметка на американскиот претседател Обама, бидејќи Израел е крвен непријател со Иран. Тел Авив и западот го обвинуваат Техеран дека сака да дојде до атомска бомба, а Иран кој инаку не го признава постоењето на Државата Израел последните месеци преку своите високи претставници направи некои попустливи чекори, па така беше неофицијално признаен холокаустот, кој претходно иранската политика го сметаше за „ционистичка измислица“. /крај/мф/сн