Американската администрација сметаат на „балансирана” операција на Киев во источна Украина, во којашто како што беше јавено претходно има жртви меѓу локалните проруски поборници на федерализацијата на земјата, изјави во вторникот портпаролот на Белата Куќа, Џеј Карни.

„Ние разбираме дека украинската влада презема чекори за намалување на тензиите во источниот дел од земјата. Ние истакнуваме на неопходноста од воздржаност и разумен пристап на службите за безбедност на земјата”, рекол Карни.

Го повторил ставот на САД со кој за ескалацијата се обвинуваат проруските припадници на ткн народен отпор и ги повика да ги напуштат објектите на регионалната и државната администрација коишто цела седмица ги држат под контрола во повеќе градови во Донецката област каде што рускојазичното населени изнесува речи 78 отсто.

Локалното мнозинско проруски ориентирано население, не ги признава новите прозападно ориентирани власти во Киев и протестира од крајот на февруари кога беше соборен украинскиот претседател Виктор Јанукович и беше суспендиран законот со кој рускиот јазик го загуби претходниот статус на државен јазик. Сега бара поголема автономија за регионите, како и со најавените уставни реформи Украина да се федерализира.

Карни истакнал уште еднаш дека САД не ја разгледуваат опцијата за решавање на ситуацијата во Украина со воени средства. „Ние не гледаме воено решени на оваа криза. Не ќе биде толку тешко да биде решена, доколку Русија се согласи на преговори, ги повлече своите сили и ја прекине поддршката на проруските активисти”, рекол Карни порачувајќи дека САД имаат намера да се концентрираат на економска помош на Украина.

Претходно во вторникот привремениот украински претседател Олександр Турчинов го објави почетокот на големата „антитерористичка” безбедносна операција во врска со ситуацијата во источна Украина.

Потоа беше јавено дека украинските полициски специјалци со поддршка на армијата го нападнале аеродромот крај Краматорск, а поддржувачите на федерализацијата биле принудени да се повлечат. Претставници на донецката „Народна самоодбрана” изјавија дека во судирот загинале четири нејзини припадници и уште двајца се ранети. Украинската новинска агенција УНН, пак, повикувајќи се на извор од министерството за одбрана на Украина, јави дека е ранет еден украински војник.

Шефот на руската дипломатија Сергеј Лавров, претходно во вторникот изјави дека одлуката на новите украински власти да употребат сила, вклучувајќи ја и армијата, против демонстрантите поддржувачи на федерализацијата претставува опасен развој на настаните. Според него, „оние коишто ги охрабруваат актуелните власти во Киев на такво поведение треба целосно да бидат повикани на одговорност”.

Лавров всушност алудираше на потврдата дека во саботата во Киев допатувал директорот на американската Централна разузнавачка агенција (CIA), Џон Бренан, а по неговата средба со челниците на украинските безбедносни сили, по што во неделата Киев објави дека ќе започне масивна безбедносна операција во побунетиот Донецки регион.

Комесарот на руското министерство за надворешни работи за прашања за човекови права демократија и владеење на правото, Константин Долгов, пак, предупреди дека „започнувањето на воената кампања од страна на Киев може да биде почеток на граѓанска војна во Украина”./крај/мф/сн