Ирачкиот премиер Хајдар ал-Абади објави дека Фалуџа, административниот центар на западната покраина Анбадр, на само 50 километри западно од главниот град Багдад, е целосно ослободена по повеќе од две години окупацијата на екстремната сунитска групација Исламска држава.

Десетици илјади Ирачани излегоа на улиците во градовите ширум земјата да го прославата ослободувањето на стратешки важниот град Фалуџа од рацете на Исламската држава.

Ноќта кон саботата невладини организации организираа поворки во главниот град Багдад, во јужните градови Ди Кар и Басра, и во централната покраина Бабил, по завршувањето на постот во текот на светиот муслимански месец Рамазан, јави ирачката државна телевизија.

„Фалуџа се врати во татковината. Нашите сили го контролираат градот и цврсто владеат со неговиот центар“, изјави премиерот Хајдар ал-Абади во телевизиското обраќање.

Ирачкиот премиер во текот на ноќта кон саботата се обрати неколку часови откако ирачките сили го заземаа клучните позиции во градот, вклучително и зградата на владата во Фалуџа и главната болница во самиот центар на градот.

Ал-Абади притоа објави дека следен на ред за ослободување од Исламската држава е Мосул, вториот по големина град во земјата. „За Исламската држава нема место во Ирак. Напуштете ја нашата земја, Ирак е само за Ирачаните“, порача премиерот.

Сунитските џихадисти сé уште контролираат сунитски делови од Ирак во северот и западот, каде што имаат поддршка од локални групи водени од поранешни офицери во армијата на соборениот и егзекутиран ирачки диктатор Садам Хусеин.

„Операциите во Фалуџа продолжуваат. Копнените сили на ирачката војска го заземаа центарот на градот и работат на ликвидација на преостанатите елементи на Исламската држава во градот“, објави портпаролот на Пентагон, Метју Ален.

Откако на 23-ти мај започна офанзивата за ослободување на Фалуџа со поддршка на локалните милиции и шиитските паравоени доброволечки единици со поддршка на ирачката и авијацијата на САД, ирачките безбедносни сили успеаја да го опколат градот и да ги ослободат приградските населби.

Меѓутоа, пробивањето кон центарот на градот беше забавено поради експлозивните направи поставени од Исламската држава и од стравот за животите на илјадниците цивили кои не успеаја да се евакуираат од градот, а џихадистите ги користеа како човечки штит и ги егзекутираа оние кои се обидуваа да излезат од него.

Пред да влезат во центарот на гадот, ирачките сили ослободиле неколку населби на југот и на истокот од Фалуџа, познат и како „градот на џамиите“.

Според безбедносните функционери, многу борци на Исламската држава успеале да побегнат криејќи се меѓу цивилите кои овие денови излегле од градот. Изминаите години тие извршуваа невидини злосторства врз припаднциите на сите етнички и конфесионални заедници во Фалуџа, без разлика дали се сунити, шиити или христијани, кои не го прифаќаа нивното ригидно сфаќање на исламот и не им се потчинија на челниците на Исламската држава.

Исламската држава ја зазема Фалуџа, голем град и административен центар на западната покраина Анбар во која главно живеат сунити, во јануари 2014 година, пет месеци пред ненадејната офанзива во Ирак во којашто зазема големи делови од земјата, меѓу кои и Мосул, вториот по големина ирачки град.

Меѓутоа, и покрај поразот во Фалуџа, Исламската држава сé уште има капацитети да изведува напади во другите делови од Ирак. Нејзините припадниците во петокот на северот од земјата убиле 15 припадници на безбедносните сили во напад близу Туз Хрумат, соопштија локалните челници./крај/мф/сн

Извор: Макфакс