Припадници на интервентните единици на полицијата се соочуваат со новите протести во гратчето Фергусон, предградие на Сент Луси, во сојузната американска држава Мисури, откако по мирната ноќ по четирите насилни протести во саботата тензиите повторно пораснаа откако полицаец уби афроамерикански тинејџер.
 

Припадници на интервентните единици на полицијата се соочуваат со новите протести во гратчето Фергусон, предградие на Сент Луси, во сојузната американска држава Мисури, откако по мирната ноќ по четирите насилни протести во саботата тензиите повторно пораснаа откако полицаец уби афроамерикански тинејџер.

Според извештаите на американските медиуми, демонстрантите во Фергусон во саботата провалиле во неколку продавници и со шишиња ја гаѓале локалната продавница којашто, според полициската снимка којашто ја објави локалната полиција. На снимката направена извесно време пред убиството се гледа како 18-годишниот Мајкл Браун краде и го малтретира сопственикот на дуќанот.

До новите насилни протести доаѓа и покрај повиците на семејството на убиениот тинејџер, на многу познати американски личности од афроамериканската заедница, како и на претседателот Барак Обама, да се стивнат страстите. Семејството на момчето вели дека „Мајкл не бил совршен“, но ја критикуваа полицијата дека со емитувањето на снимката се обидува „да го оправда убиството во стилот на егзекуција“.

Полицијата подоцна објави дека полицаецот кој го застрелал тинејџерот не знаел дека Браун е осомничен за грабеж. Според некои претходни информации од полицијата во Фергусон, момчето било застрелано при борба за пиштол со полицаецот при обид тоа да биде внесено во полициско возило.

Началникот на полицијата во Фергусон, Томас Џексон, кој инаку е критикуван дека во гратчето со околу дваесет илјади жители од 53 полицајци само тројца се црнци, иако огромно мнозинство од жителите се афроамериканци, изјави дека ја објавил полициската снимка, бидејќи на тоа бил принуден поради многубројните повици од медиуми.

Според него, грабежот е изведен без употреба на огнено оружје. На снимката се гледа како продавачот во продавниците е малтретиран од крупен афроамериканец, кој подоцна полицијата го идентификуваше како Мајкл Браун. Тој „земал кутија цигари“ и му ја дал на вториот осомничен, на пријателот Дориан Џонсон, според снимката.

Началникот Џексон од убиството даде неколку интервјуа во кои изјави дека Браун ги подигнал рацете во воздух во знак на предавање пред да полицаецот да пука во него. Во петокот беше објавено и името на полицаец, Дарен Вилсон, кој го убил Браун и кој по интервенцијата бил примен во болница бидејќи се жалел дека е повреден во борбата со тинејџерот поради што имал оток на лицето.

Убиството на црниот тинејџер предизвика повеќедневни судири меѓу полицијата и демонстрантите, меѓутоа демонстрациите во петокот во Фергусон главно беа мирни. Меѓутоа, како што пренесе во саботата пренесе телевизијата CBS, протестите мотивирани од полициското убиство во Фергусон, ноќта кон саботата се проширија и на градот Окленд во сојузната држава Калифорнија и се претворија во безредија.

Американскиот претседател Барак Обама во четвртокот по повод инцидентот и протестите изјави дека полицијата на примерен начин би требало да постапува кон луѓето што протестираат поради убиството на Браун.

„Нема изговор за насилството кон полицијата или изговор за оние кои би сакале да ја искористат оваа трагедија за вандализам и грабежи. Исто така, нема изговор за полицијата за употреба на прекумерна сила против мирољубивите демонстранти или за нивното затворање, поради тоа што ги користат своите уставни права“, изјави во телевизиското обраќање претседателот на САД.

Од министерството за правда и од Федералното истражно биро (FBI) Обама побара да спроведат независна истрага за убиството на тинејџерот. „Кога ќе се случи нешто вакво, локалните власти, вклучително и полицијата, мораат да бидат отворени и транспарентни во истрагата на таквото убиство и да ги заштитат луѓето во нивните заедници“, истакна Обама.

По инцидентот во Фергусон веќе пет дена продолжуваа безредијата во коишто повредени беа повеќе лица и полицајци во судирите меѓу демонстрантите и припадниците на силите за одржување на редот, кои употребуваа солзавец, шок бомби и гумени куршуми, а над триесет лица се обвинети за насилство и грабежи. /крај/мф/сн

Извор: Макфакс