Американската војска мора да се подготви за тајни, необјавени војни, во која надворешни сили користат бунтовници против влади, се наведува во новиот официјален документ на Командата за специјални операции на САД (USASOC), пишува магазинот Defense News.

Според авторите на документот наречен „Против неконвенционалните војувања“, се опишуваат примери на надворешни спонзорирања на бунтовнички и сепаратистички движења, и оти во моментов примери за такви војни демонстрираат Русија и Иран, во Украина односно во Либан и Газа, поддржувајќи ги движењата Хезболах и Хамас, но не се споменуваат акциите на сунитските арапски земји и на Турција во тригодишниот конфликт во Сирија каде ги поддржуваат и ја финансираат сунитската вооружена опозиција. Списанието кое се повикува на документот наведува и дека USASOC предлага спротиставување на таквите методи со помош на „сеопфатна меѓуагенциска, меѓувладина и меѓународна стратегија“ за вршење „политички, економски, воен и психолошки притисок“ врз противникот.Во цитираниот документ се наведува и дека „заедничките сили мора да бидат подготвени на долготраен конфликт со повеќе моќни недржавни учесници“, но истовремено да се справуваат со противничките држави кои користат современи воени технологии, како и нивни логистики и сурогати. „Тешко е да се откријат (новите начини на војувања) преку конвенционалните методи, а спречувањето на таквите хибридни закани претставува предизвик за пошироките напори на разузнавањето“ се вели во документот во кој се препорачува брзи и координирани иновации и истрајност да се поткопаат ресурсите и волјата на противниците чии активности се штетни за американските и сојузничките интереси.Се даваат и насоки за неконвенционално војување и против Исламската дражва, што според авторите на документот може да се води во поглед на спречувањето на регрутирањето борци за оваа терористичка организација преку уфрлувањето двојни агенти кои ќе го оцрнуваат противникот и ќе шират недоверба во неговите редови. Станува збор за стратегија против движења и организации кои немаат поддршка од странски влади и држави, како Исламската држава, Ал Каеда на Арапскиот полуостров, ал-Шабааб и Боко Харам, кои имаат само локални политички цели и завршат од поддршката на локалното население.Експерти во написот забележуваат дека терминот „неконвенционално војување“ можеби е нов, но дека концептот е познат и применуван од страната на американската армија која ги создала филипинските герилски сили за борба против Јапонија во текот на Втората светска војна или групацијата Синовите на Ирак во 2007 година. „Денес Русија употребува ‘нова генерација војување’, за организирање на проруските сепаратисти во Украина, пополнувајќи ги нивните редови со советници и борци“, го цитира списанието споменатиот документ. Документот, во кој акцентот се става на улогата на армијата во осигурувањето на националната безбедност, а исто така се опишуваат и растечките закани, се појавува во пресрет на ткн „буџетска сезона“, забележува Defense News во чиј текст се изнесуваат и размислувањата на повеќе американски безбедносни експерти во дијапазон од начините на тајните војувања преку новите светски безбедносни закани до финансирањето на операциите на американската армија./крај/мф/сн

Извор: Defense News