Вести
Асад е подготвен за избори, ако тоа го сака сирискиот народ

Сирискиот претседател Башар ал-Асад, изјавил во неделата на средбата со руските пратеници дека е подготвен да учествува на претседателските избори доколку сирискиот народ ја поддржи таа идеја, и смета дека кризите во неговата земја и во Украина имаат ист „архитект“, пренесуваат руските медиуми.
Агенцијата Интерфакс наведува дека еден од руските пратеници кои се сретнале со сирискиот претседател Башар ал-Асад, рекол дека тој изразил желна да се разговара за амандманите на сирискиот устав и да се одржат парламентарни избори. Агенцијата РИА претходно цитираше руски пратеник кој присуствувал на состанокот и рекол дека Асад е подготвен да учествува на претседателските избори, доколку сирискиот народ ја поддржи таа идејаСирија е долгогодишен стратешки сојузник на Русија, а рускиот министер за надворешни работи Сергеј Лавров во саботата во интервју за руската државна телевизија изјави дека Москва се залага за Сирија, а не за конкретни личности кои ќе ја предводат, како и дека правото да одлучува кој ќе учествува на тамошната политичка сцена го има само сирискиот народ преку парламентарни и претседателски избори.Државните сириски медиуми, исто така, објавија дека во неделата Асад се сретнал со руската делегација, но не објавија поединости од разговорите. Освен дека претседателот смета дека народот дава поддршка на идејата дека „уништувањето на терористичките групи“ е доведе до политичко решение кое го посакуваат Сирија и Русија, и изразил задоволство од руската воена операција во таа насока.„Асад рече дека нема да биде против учеството на претседателските избори, доколку сирискиот народ тоа го смета за потребно“, ја цитира агенцијата РИА пратеникот Александр Јушченко. Пратеникот Дмитриј Саблин за агенцијата ТАСС рекол дека сирискиот претседател рекол дека ефикасноста на руските воздушни удари во Сирија ги надминале неговите очекувања.Јушченко рекол и дека Асад на средбата со руските пратеници рекол дека е убеден оти политичките кризи во Украина и Сирија биле организирани од „еден и ист сценарист“, иако постои разлика меѓу двете кризи во кои е инволвирана Русија. Според него, Асад истакнал дека „националистите во Украина и милитантите на Исламската држава се управувани од еден центар“.Друг член на руската парламентарна делегација која во Сирија престојува во хуманитарна мисија, Сергеј Гаврилов, исто така, рекол дека Асад смета дека „и во Украина, и во Сирија, Америка со сите сили форсира сценарио екстремистите преку државен удар да ги донесе на власт и да реши два проблема – активен притисок врз Русија и нејзини слабеење, од една страна, и од друга страна ширење на нестабилноста и тероризмот на евроазискиот континент“./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Вести
“Во основа е пекол на земјата”: Градот Газа оставен тотално без здравствената заштита

Во раните утрински часови во саботата, над купови бетон и урнатини, толпа лекари и пациенти пешачеа километри низ уништените улици на градот Газа, принудени да се евакуираат пеш од она што остана од болниците. Здравствените работници велат дека се плашат да ги оставаат критично болните пациенти зад себе во град кој сега во голема мера е сведен на урнатини, преземен израелските сили, со болници кои работат без струја, гориво, вода или храна, пишува британски „Гардијан“.
“Тоа е во основа пекол на земјата”, вели Вилијам Шомбург, шефот на Меѓународниот комитет на Црвениот крст во Газа, опишувајќи го она што остана од животот во градот.
Со недели, десетици илјади луѓе се надеваа дека во болниците во Газа ќе најдат засолниште кое е најблиску до безбедно бидејќи енклавата издржа интензивирачки бомбардирања.
Но, откако израелските сили се приближија до објектите и потоа ја нападнаа најголемата болница во Газа, Дар ал-Шифа минатата недела, илјадници луѓе беа раселени заедно со медицинскиот персонал, шетајќи низ уништените улици на југ од енклавата.
Палестинското министерство за здравство во Газа соопшти дека израелските сили побарале евакуација на болницата Ал Шифа вчераутро, три дена откога влегоа во објектот. Здравствените лица сведочат дека им им било кажано дека имаат еден час да ја евакуираат болницата која беше центар на здравствениот систем на Газа.
Најмалку 12.000 луѓе загинаа во израелскиот напад врз Газа по нападот на Хамас на 7-ми октомври, во кој загинаа 1.200 Израелци, а околу 240 луѓе беа заложници.
Вести
Борел: Целосно е невозможно да се евакуираат милиони луѓе од северот на Газа

Првиот човек на ЕУ-дипломатијата Жозеп Борел утринава на прес-конференција изјави дека евакуацијата на милиони луѓе од северниот дел на Газа е целосно невозможна.
Десетици илјади цивили почнаа да бегаат од јужниот дел на Газа вчера, откако Израел им порача на луѓето да ја напуштат областа пред очекуваната копнена офанзива.
„Да се замисли дека можеш да преселиш милион луѓе за 24 часа во ситуација во каква што е Газа, може да биде само хуманитарна криза“, рече Борел на последниот ден од тридневната дипломатска посета на Кина.
И покрај изјавата на ЕУ за поддршка на Израел, тој исто така предупреди дека и Израел е должен да го почитува меѓународното хуманитарно право во одбранбениот процес.
„Позицијата е јасна“, рече Борел. „Но, како и секое право, тоа има граница. А таа граница е меѓународното право“.
Вести
Проценки на ОН: Десетици илјади луѓе веќе ја напуштија Газа

Во текот на ноќта беа објавени најновите проценки на ОН за бројот на луѓе кои ги напуштиле своите домови во северниот дел на Газа.
Тие велат дека веруваат дека станува збор за десетици илјади кои се упатиле кон југ по предупредувањето за евакуација на Израел.
Пред наредбата за евакуација, повеќе од 400.000 Палестинци беа внатрешно раселени, според хуманитарната канцеларија на ОН OCHA.
Израелската војска им порача на околу 1,1 милион луѓе во северниот дел на Газа да заминат пред очекуваната копнена инвазија. Хамас, пак, ги повика луѓето да останат на место и да пркосат на израелската воена наредба.
Генералниот секретар на ОН, Антонио Гутереш рече дека наредбата од Хамас е „исклучително опасна – и во некои случаи едноставно не е возможна“.